Manjankarat gopalchaukipar ..

NityaPad-153

मंजनकरत गोपालचौकीपर ॥ अतिसुगंधफुलेलउबटनो विविधभांत कीसोझराखीधर ।। १॥| प्रथमन्हवाय फिरकेसरचर्चत शोभित अंगअंगसुंदरवर ॥ ब्रजगोपी सबमिलगावत हैं अंग उबटकर परससीसकर ।॥।२॥ विविधभांति शुंगारकरत हैं अपनीअपनी रूचिसुघरवर ॥ लेदर्पण श्रीमुखहिदिखावतनिरखनिरख नयनहँसेहरि ॥३॥ भांतिभांतिसामग्रीकरकर लेआयीसब घरघर |। छीतस्वामीगिरिधरन आरोगत अतिआनंदप्रफुल्लितकर ।।४॥

Devgandhar

Radhejuko praan gobardhandhari ..

NityaPad-119

राधेजुको प्रान गोबरधनधारी ॥ तरुन तमाल ढिंग कनकलतासी हरिजुके प्रान राधिका प्यारी ॥१॥ मरकत मणि नंदलाल लाडिलों कंचन तन वृषभान दुलारी ॥ सूरदासप्रभु प्रीत निरंतर जोरी जुगलबने बनवारी ॥२॥

Bihaag

Srivrindavan khelat gopal .. bunny bunny aaee vrajki

Part3-029

श्रीवृंदावन खेलत गुपाल ॥ बनि बनि आई ब्रजकी बाल ॥१॥ नवल सुंदरी नवतमाल ॥ फूले नवल कमल मधि नव रसाल ॥२॥ अपनेकर सुंदर रचितमाल ॥ अवलंबित नागर नंदलाल ॥३॥ नवगोपवधू राजतहेंसंग । गजमोतिन सुंदर लसत मंग ॥४॥ नवकेसरि मेद अरगजा घोरि ॥ छिरकत नागरिकों नवकिसोर ॥५॥ तहां गोपीर्वाल सुंदर सुदेस ॥ राजतमाला विविध केस ॥६॥ नंदनंदन को भुवविलास ॥ सदा रहो मन सूरदास ॥७॥

Basant

Dadhi leey aaungi unti bhor .. tum tau ihi bunn bachhara charawat

Part1-246

दधि ले आउँगी उँटि भोर ॥ तुम तौ इहि बन बछरा चरावत नागर नंदकिशोर ॥१॥ जान देहु बड़ी बार भई है घन मिलि दामिनी घोर ॥ जो न पत्याओ तौ गहनें राखो उर मनि कंचन मोर ।! तुम गोविंद सब गुनन कहावत मानों इतनौ निहोरि ॥ परमानंद स्वामि मनमोहन अटके नैनकी कोर ॥२॥

Saarang

Aaj bachadhaayo srivrajrajken raniju jaayohai mohan poot ..bhru...

Part1-057

आज बचधायो श्रीव्रजराजकें रानीजू जायोहै मोहन पूत ॥भ्रु.॥ मास भादों द्योस आठें रोहिनी बुधवार ॥ यशोदाकी कूखि प्रगटे श्रीकृष्ण लियौ अवतार ॥१॥ बहोत नारि सुहाग सुंदर सबै घोषकुमारी । सजन प्रीतम नाम ले लै देत परस्पर गारी ॥२॥ पुत्र मानों भये घरघर निर्तत ठामठाम । नंददारें भेट लै लै उमग्यो गोकुल गाम ॥३॥ साथिये श्यामा धरत दारें सात सींक बनाय ॥ नव किसोरी मुदित डै है गहत जसुमति पाय ॥४॥ चौक चंदन लीपिके आरती घधरीहै संजोय ॥ कहत घोषकुमार ऐसो आनंद जो नित होय ॥५॥ एक मानिनी मंगल गावे लीला गावें ग्वाल ॥ एक माखन दूध दधि लै छिरकत फिरतहैं बाल ॥६॥ एक हेरी दै दै नाचे एक झटके धाई ॥ एक काहू बदत नॉही एक खिलावत गाई ॥७॥ एकनारी वृद्ध बालिक एक जोबनजोरि ॥ एक काहू बदत नॉही एक हँसत मुख मोरि ॥८॥ कृष्ण जन्म प्रेम सागर होत घोष विलास ॥ देखि ब्रजकी संपदा जन फूले माधौदास ॥९॥

Gori

Sono seetal lagyo sakhee ree mohi.. millerus sadaa prem atur

NityaPad-056

सोनो सीतल लाग्यो सखी री मोहि॥ मिलरस सदा प्रेम आतुर व्है चार जाम पिया जाग्यो ॥१॥ करि मनुहार बहोरि हों पठई अधर सुधारस माग्यों रसिक प्रीतम पिय वे बहुनायक तेरे प्रेम रस पाग्यो ॥२॥।

Pancham

Mohi millen bhaave balveer kii .. sharad nissa pooran

Part2-340

मोहि मिलन भावे बलवीर की ॥ शरद निसा पूरन शशि निरमल खेलन यमुना नीर की ॥१ ॥ हरि हमकों हम हरिकों छिरकें पैसद फेलन नीरकी॥ हंसकर खेंच लेत ओंडे जल अंक मालभुज भीरकी ॥२ ॥ जलतें निकसी होत जब ठाडे निररित्र अंगोछनि चीरकी॥ परमानंद स्वामी रतिनागर बलि बलि श्याम शरीरकी ॥|३ ॥

Todi

Jehon dulhe laal dulhaiya .. bahu vidhi saak sudhaare binjan or

NityaPad-085

जेहों दुल्हे लाल दुल्हैया ॥ बहु विधि साक सुधारे बिंजन ओर बनायो घैया ॥|१॥| कंचन थार कंचन की चोकी परोसत मोद बढैया ।। ठाडी पवन करत्त रोहिनी लेत बारने मैया ।| २॥ करि अचबन मुख बीरी दीनी आनन्द उर न समैया।। लाल लाडिली की छबी ऊपर परमानन्द बल जैया ॥।३॥

Jetashree

Saanvaro govind lolamai |...

NityaPad-186

सांवरो गोविंद लोलामाई |॥। ग्वालठाडी हँसेंप्राण हरिमेंबसे कामकीबावरी चारुबोला ॥। १॥| आवरी ग्वालिनी मेलदे बाछरा आनदे हो दोहनी हाथ मेरे॥ थेनुदोरी दुहूं प्रेमबातें कहूं मेरे चित्तलग्योहै रूप तेरे ॥ २॥॥ बाललीला भली सैनदेके चली आन देहो दूधघर आय प्याऊं।॥ दासपरमानंद नंदनंदन केलि चोरचित्तचारु योमिलन पाऊं |। ३॥

Bilawal

Rung bhari darcho ray abir .. chova chandan aggar

Part3-170

रंग भरि डारचो रे अबीर ॥ चोवा चंदन अगर कुमकुमा छिरकत केसर नीर ॥१॥ बाजत ताल मृ्दंग झांझ डफ फिरत जमुना के तीर ॥ “कृष्ण जीवन लछीराम' के प्रभु प्यारे हरि हलधर दोऊ बीर ॥२॥

Dhanashri

Khelein fagu jamunatat nandkumar .. tummore vipin

Part3-036

खेलें फागु जमुनातट नंदकुमार ॥ ट्ुममोरे विपिन अठार भार ॥भ्रु०॥ हलधर गिरिधर ज्वाल संग ॥ मिलि भरत परस्पर करत रंग ॥ बाजे मृदंग उपंग चंग ॥ राजे सुंदर विचित्र अंग ॥१॥ तालमुरज उपंग ढोल ॥ बहुवंदन उडत गुलाल रोल ॥ वास लुन्ध आये मधुपटोल ॥ तेऊ अरून भये अलिवर निचोल ॥ २॥ बहुरि मधुष गये अपने ठांय।। भरतारन भमरी नहीं पत्यांय ॥ तुम राते भये पति कोन भाय ॥ कोऊ कपट रूप मति बैठो आय ॥३॥ खट पद कहें तुम भूलीवाल ॥ जहां धराणिरि अंबर भयो गुलाल ॥ तहां ऋतु वसंत विहरत गुपाल ॥ जाडा कृष्णा को प्रभु मोहनलाल ॥४॥

Akshay bhaagya suhag radheko akshay preetamako dinn ratiyaan ..

NityaPad-235

अक्षय भाग्य सुहाग राधेको अक्षय प्रीतमको दिन रतियां ॥ चन्दन पूज प्रीतम सुख दीजे रीझ रीझ यह कहुं बतियां ॥१॥ अक्षय सुजस कहां लों भाखों पार न पावत सेसमुख जतियां ॥ छुट्यो मान सहज परमानंद सुभ दन नीको अक्षय तृतीयां ॥२॥

Adano