Govind ladiloldbora.. apane rung firat gokul mein shyamvaran

NityaPad-170

गोविंद लाडिलोलडबोरा॥ अपने रंग फिरत गोकुल में श्यामवरण जैसे भोंरा ॥१॥ किंकिणी क्वणित चारु चल कुंडल तनचंदनकी खोरा ॥ नृत्यतगावत वसन फिरावत हाथ फूलन के झोरा ॥२॥ माथे कनकवरण को दिपारो ओढे पीत पिछोरा ॥ परमानंददास को जीवन संगडिठो नागोरा ॥ ३॥

Saarang

Vidhaata yeh dinn vegi dikhaayau .. joe dinako sabakou

Part1-009

विधाता यह दिन वेगि दिखायौ ॥ जो दिनको सबकोऊ लोचतहै नंदरानी सुत जायौ ॥१॥ जसुमति या ढोटाके लीये कहा देव तुम धायौ ॥ वैगिही भई कूखि तुम सनमुख मनको चीत्यी पायो ॥२॥ फिरि फिरि रहसि सकल ब्रजसुंदर बारति आपु मनभायौ ॥ श्री विद्डलगिरिधरनलालने उर सुख बोहोत जनायो ॥३॥

Devgandhar

Kese baney jamuna asnan .. nandako suta teer bethyon bado

NityaPad-044

केसे बने जमुना असनान ॥ नंदको सुत तीर बेठ्यों बड़ो चतुर सुजान ॥१॥ हारतोरे चीर फारे नेन चले चुराय ॥ काल धोकें कान मेरी पीठ मिड़ी आय ॥२॥ कहेत जुबती बात सुन बस थकीत भई ब्रजनार ॥ सूर प्रभुको ध्यान धर मन रही बाम पसार ॥ ३॥।

Ramkali

Baithe vrajrajkunwar pyaari

NityaPad-317

बैठे ब्रजराजकुंवर प्यारी संग यमुनातीर सीतल बियार सखी मंद मंद आवे। अति उदार बैजयंती स्याम अंग शोभा देत भुज परस्पर कंठ मेलि विहँसि गावे ॥१॥ झीने पट दीपत देह प्रीतमसों अति स्नेह गौर स्थाम अभिराम कोटिक काम लजावे ॥ सूरदास मदनमोहन मोहनी से बने दोऊ रहसि रहसि अंग अरगजा लगावे ॥श॥

Bihaag

Chandan argaja leey aaee baal laal key anga lagavan ..

NityaPad-319

चंदन अरगजा ले आई बाल लाल के अंग लगावन ॥ सुगन्ध गुलाब जल तामध्य कपूर डारि अंजुली भर भर लेपत गात लागत पवन चढ़ावन ।। नाना बहु भांतन के कुसुमन सो शैया रची मची सुवास बसी प्रीतम मन भावन ॥। मुरारीदास प्रभु ग्रीष्म ऋतु दाह तपत तैसेई लागि सारंग राग गावन ॥ २॥

Adano

Naan gahau kaanh komal merrie bahiyaan .. sunder shyam chhabile dhota

Part1-245

न गहौ कान्ह कोमल मेरी बहियाँ ॥ सुंदर श्याम छबीले ढोटा हों नही आऊँ या बनमहियाँ ॥१॥ हों बलिजाऊँ चरणकमलकी जात हुती अपने घर कहियोँ ॥ होत अबार बार मोहि लागै छाँड़हू कौन टेव तुम महियाँ ॥२| ये व्रजबास बड़ेके ढोटा कहि न सकत तुमसों कछु नहियां ॥ परमानंद प्रभु काल्हि निवेरों बैठिहु नैकु कदमकी छहियाँ ॥३॥

Saarang

Kamkel kanakabeli rangrel rasik kunwari atee bichitra

Part1-196

कामकेल कनकबेली रंगरेल रसिक कुँवरि अति बिचित्र गुन निधान सुभग नागरी। प्रगटी प्रियके हेत प्रथम मन कर संकेत रूपकेत सुखद हेत निपुन आगरी ॥१॥ रीझे वृषभान दान देत बसन भूषन धाम धरनी धन धैंनु धान अटल त्यागरी । रामदास पूरी आस हास रास होयगौ तब खेलेंगी गिरिधरन संग बड़े भागरी ॥३॥

Goud Saarang

Maan naan ghatyoali tero ghatju gaee sabrain.. bolan laage

NityaPad-325

मान न घट्योआली तेरो घटजु गई सबरैन॥ बोलन लागे तमचर ठौरठौरतु अजहूं न बोलीरी पिकबैन ।।९॥ कमलकली विकसी तूं न नेक हँसी कौन टेबपरी मुगशावक नयन ॥ नंददास प्रभुको नेह देख हांसी आवत वे बैठेहें रचि रचि सेन ॥२॥

Bihagaro

Chhabile lalki yeh baanik varnat barni

NityaPad-276

छबीले लालकी यह बानिक वरनत बरनी नजाई ॥ देखत तनमनधन कर न्योछावर आनंद उर न समाई ॥१॥ कंदमूल फल आगें धरकें रही हैं सकल सिरनाई ॥ गोविंदप्रभु पियसों रतिमानीपठई रसिक रिझाई ॥२॥

Poorvi

Nirakhat hii munn atee anand bhayo dekh prabhaat prabhakarkanya ...

NityaPad-011

निरखत ही मन अति आनंद भयो देख प्रभात प्रभाकरकन्या ॥। जलपरसत ही सकल अघ भाजे ज्यौं हरि देख हरणकी सनन्‍या ॥१॥ ओर जीवनकों औरनकी गति मेरी गति तो तुमहि अनन्या ॥ १॥ व्रजपति की तुम अतिहि पियारी तुम संगमतें जान्हवी धन्या।

Ramkali

Jenwat kaanh nandjuki kaniyaan.

NityaPad-077

जेंवत कान्ह नंदजूकी कनियां। कछुक खात कछू धरणि गिरावत छबि निरखत नंदरनियां ॥१॥| बरी बरा बेसन बहुभांतन व्यंजन विविधअगनियां ॥ आपन खात नंदमुख लावत यह सुख कहत न बनियां | २। आपुन खात खवबावत ग्वालन करमाखन दक्ि दुनियां ॥ सदमाखनमिश्रीमिश्रितकर मुख नावत छबिघनियां ॥ ३॥ जोसुख महरि यशोदा विलसत सो नहिंतीन भवनियां। भोजनकर अचवन जबकीनो मागतसूर जुठनिया ॥।४॥।

Dhanshree

Namo devi yamune munn vachan karm karu sharan teree .

NityaPad-014

नमो देवी यमुने मन वचन कर्म करु शरण तेरी । सकल सुखकारिनी भवसिंधुतारिनी, दरसन तें कटत हैं कर्म बेरी ॥१॥॥ अभय पद दायिनी भक्त मन भायिनी, करि कृपा पूरिये साध मेरी, दीजिये भक्तिपद लालगिरिधरनकी, काटिये विषय कृष्णदास* केरी ॥२॥

Bhairav