Bunn-thhan vrajrajkunwar baithe singhdwar aaya dekh gangaur aangan leey sanga sub gwal-baal .

Part2-249

बन-ठन ब्रजराजकुंवर बैठे सिंघद्वार आय देख गनगौर आंगन ले संग सब ग्वाल-बाल । नखसिख सजि-सजि सिंगार आईं सकल घोखनारि परम सुंदर चतुर सुधर गावत सुर गीत रसाल।। १।। मंडल जोरि घूमर लेत आरस-परस चहुँ ओर सखी सहचरी ब्रज की बच्चू उमगि-उमगि दै दे ताल । 'कृष्णदास' प्रभु की बानिक निरखि जुबती विवस भई निकट आय पाँय लागि पहेरावत कंठमाल ।। २।।

Kedaro

Baaee dinn vaarin aaihain vrijanari .. rung machawat

Part3-199

बाई दिन वारीं आईहैं वृजनारी ॥ रंग मचावत घोर झीलसों गांय गंवारी गारी ॥१॥ बूढी महरि लथेर कीचसों एक कहत बलहारी ॥ नंदबबातन सेनमारकें मचक-मचक देहें गारी ॥२॥ आओ ग्वालबाल सब बोलकें घेरो पकरें दारी ॥ कृष्णजीवन लछीरामके प्रभुसों जेहें कहां बिचारी ॥३॥

Kaafi

Chitey maskani hoe vushbhan dulari ..

NityaPad-231

चिते मसकानी हो वुषभान दुलारी ॥ खसत मुरलीकर नंदनंदनके लियौहै लालमनुहारी ॥१॥| गजगति चाल चलत ब्रजसुंदर लटकत स्यथामरस मत्तपियारी ॥ कटि किंकिणी उर हार तरलताटंक अलक घुंघरारी ॥२॥ देख विवश भये मदनमोहन पिय चंपकतन बनी नीलसारी ॥ आकोभर मिलीरी नवल नागरसूं गोविंदजन बलहारी॥३॥।

Saarang

Mohan jenvatahainri avjinjabotiwari .. singhporte phir

NityaPad-078

मोहन जेंवतहैंरी अवजिनजाबोतिवारी ॥ सिंघपोरते फिर फिर आवत वरजीहे सोवारी ॥१॥ रोहिणी आदि निकस भई ठाडी देदे आड मुखसारी ॥ तुम तरुणी जो बनमदमाती एसीएदेखन हारी ॥ २॥। गरजत लरजत प्रतिउत्तदे कोऊ बजाबत तारी ॥ कुंभनदासप्रभु गोवरधनधर अबही बैठेथारी ।। ३॥।

Aasawari

Nayanan nirakh hariko roop .. manahin witch suvichar

Part2-363

नयनन निरख हरिको रूप ॥ मनहिं विच सुविचार देख्यो अंगअंग अनूप ॥१ ॥ कुटिल केश सुदेश अलिगण वदन शरद सरोज ॥ मकर कुंडल किरणकी छबि दुरत फिरत मनोज ॥२॥ अरुण अधर कपोल नासा सुभग ईषद हास ॥ दशनकी द्युति कहि न आबे भृकुटी मदन विलास ॥३ ॥ अंगअंग अनंग जीते रुचिर उर वनमाल ॥ सूर शोभा हृदय पूरण देत श्रीगोपाल ॥४ ॥

Sorat

Kheli kheli hoe ladenti raadhe hari key sanga basant ..

Part3-354

खेलि खेलि हो लडेंती राधे हरि के संग बसंत ॥ मदन गोपाल मनोहर मूरति मिल्यो हे भांवतो कंत ॥६॥ कोन पुन्य तप को फल भामिनि चरन कमल अनुराग ॥ कमल नेन कमला को वल्लभ तोकूं मिल्‍यो सुहाग ॥२॥ यह कालिंदी यह बृंदावन यह तरुवर की पांति ॥ परमानंद स्वामी संग क्रीडत चोसन जानी राति ॥३॥

Basant

Tein mohan koo munn hargo aur tou winn rahyo naan

Part3-230

तें मोहन को मन हरगो और तो विन रह्यो न जायरी प्यारी ॥श्रु०॥ कुंज महल बैठे पिया नव पल्‍लब तल्पसंबार || वीच जुही बिच सेवती विच बिच नवल निवार ॥१॥ तुब पथ बैठ निहारही कुंज कुटी के द्वार ॥ लोचन भर भर लेतहें सुंदर ब्रज राजकुमार ॥२॥ अपने कर नख गूथहिं विविध कुसुम की चोली ॥ तेरे उर पहराबहीं चलो बेग उठबोली ॥३॥ कबडुंक नयनन मूदंके करत वदन तुवध्यान ॥ तनपुलकित भुजभेटही करत स्वकीय धरपान ॥४॥ चंदंदेख आनंद ही तुब मुख की अनुहार ॥ यह छबि वाहिन पूजही निरख कलंक विचार ॥५॥ यद्यपि सकल ब्रज सुंदरी कबडूं न मन अर॒ुझाय || चातृक जलधर बूंद ज्यों भुवजल तृषा न जाय ॥६॥ पियको प्रेम सखी मुख सुन्‍्यों तब ही चली उठधाय ॥ गोविंद प्रभु पिय सों मिली रहसि कंठ लपटाय |॥७॥

Sarang

Doodh daheekau daan aaj tou sunyau kaana merey zaan nandke kaanh

Part1-247

दूध दहीकौ दान आज तो सुन्यौ कान मेरे जान नंदके कान्ह अनौखे भये बैंडे ॥ मल्लकाछ गुंजा गरें मोर पंख शिर धरैं याही सिंगार पर डोलत ऐँड़े ॥१॥ अबल सों सबल भये सबल कंस लौं न गये नये ठठत ठाठ रोकत आय पैंड़े ॥ गोपीजन सों इतरात मधुपुरी लगि क्‍यों न जात कुंभनदास प्रभु गोवर्धनकी ग्वैंडे ॥र॥

Saarang

Raadhe tere bhawan houn aaoon...

Part2-243

राधे तेरे भवन हों आऊं।॥ सादर कहत सांवरो मोहन नेंक दूधजो पाऊं॥१ ॥ मात पिता हू विलगु न माने ओर यह भेद न जाने ॥ जो तू सोंह करे बाबाकी तो मेरे मनमाने ॥२ ॥ सब दिन खेलो मेरे आंगन अपने नेन सिराऊं॥ परमानंद प्रभु विनती कीनी अपने मित्र बुलाऊं॥३ ॥

Saarang

Sriradha nagari munn hardo hoe harchyo munn sakal

Part3-190

श्रीराधा नागरि मन हरदो हो हरच्यो मन सकल घोख सुखदेन ॥ श्रु० ॥ मोंहन तेरी प्राण प्रिया को वरनों कहा शुंगार ॥ जो तुम मेरो आदि अंतलों मानो यह उपकार ॥१॥ चंद्रमुखी भूँह कलंक विच चंदन तिलक लिलार || मानो वेनी भुजंग के चांपे स्वत सुधाकी धार ॥२॥ नयन मीन आनन सरोवर में परत हें पलकनजार ॥ मानो करण फूल चारद्यों के रवकत वारंबार ॥३॥ वेसर बनी सुभग नासा पर मोती सजल सुढार ॥ मानो तिल प्रसून सूक्षम शशी द्वेदिस बूंदतुसार ॥४॥ सुठ सुठोन ठोडी पर लोनो लीला यह आकार ॥ चुबत चुबत अधर रस मानो पर जयो चिन्ह मझार ॥५॥ कंठसरी बिच पदिक विराजत यों राजत उरहार ॥ दहनावत देत ध्रूतारे मानो नक्षत्र की माल ॥६।। कुचवर कुंभ सूंढ रोमावलि नाभीसरसि अनुहार ॥ मानो पानी पीवत सै सब तहां जोवनगज मतवार ॥७॥ खमकि बने कंचन बिजायठे शोभा भुजन अपार ॥ फोंदा सुरंग फूल फूले मानो मदन विटप की डार ॥|८॥ छीन लंकनीबीकटि के हरि यों राजत व्योहार ॥ मोरबांध मानो बेठ्योदुले मन्मथ आसनमार |।९॥ युगल जंघजे हरि जरायकी पग नूपुर झनकार ॥ चलत हंस गति राजकिशोरी अतिनितंबके भार ॥१० ॥ छटक रह्यो लहेंगा गुललजको मिलतन सुखकी सार ॥ सूरदास स्वामिनी के ऊपर भ्रमर करत गुंजार ॥६११॥

Kaafi

Curr hoe hoe holein ray khelat piya daarat pichkari ..

Part3-323

कर हो हो होलें रे खेलत पिय डारत पिचकारी ॥ बाढ्यो हे राग रंग परण गति सहत गावत नीकी तान देतारी ॥१॥ केसर रंग भर भर जु चलावत आबत सोह़े लाजत नारी ॥ एक भर छिरकत नयनन में भीजत रंग त्तन तन रही रंग सारी ॥२॥

Kalyan

Chhin chhan baanik aurahi aur || jaba dekho taba nootan

NityaPad-314

छिन छन बानिक औरही और || जब देखो तब नूतन सखीरी दृष्टि न रहै एकठौर॥ १॥| कहा कहूं कछु कहत नआवे बहुत करी चितदौर॥ कुंभनदासप्रभु गोवरधनधर रसिकराय सिरमौर।। २॥

Adano