Teej gangor tyauhar koo jaani dinn karat

Part2-247

तीज गनगोर त्यौहार को जानि दिन करत भोजन लाल-लाड़िली पिय साथ । चतुर चंद्रावली बैठि गिरिधरन संग देति नई-नई सोंज ले-ले अपने हाथ ॥१ ॥ छबि बरनी न जात दोऊ रुचि सों खात करत हँसि-हँसि बात उम्रगि-भरि-भरि बाथ। उपजी अंतर प्रीति मदनमोहन कुंज जीत पीवत पय सद्य प्रभु 'कृष्णदासनिनाथ' ॥२ ॥

Saarang

Naan nadiya chhori khelanade joee maangegi soee deuungi

Part3-199

न नदीया छोरी खेलनदे जोई मांगेगी सोई देऊंगी फागुन में जसले ॥ १॥ आनगिरारें फाग मच्योहै रह्यो न परे मोपे ॥ आनंदघन सों उघर मिलोंगी यह मेरो प्रनहे ॥२॥

Kaafi

Reejhe paraspar narnari .. kanth bhuj bhuj dharein douu sakate

Part1-321

रीझे परस्पर नरनारि ॥ कंठ भुज भुज धरें दोऊ सकते नहीं निरबारि ॥१॥ गौर श्याम कपोल शोभा अधर अमृतधार ।॥ परस्पर दोऊ पिय प्यारी रीज् लेत उगार ॥२॥ प्राण एक दै देह कीनी भक्ति प्रीति प्रकाश ॥ सूर स्वामी स्वामिनी मिल करत रंग विलास ॥३॥

Ramkali

Teresir kusum vidhir rahey bhamini shobhadet maanon nabhghantare |

NityaPad-337

तेरेसिर कुसुम विधिर रहे भामिनी शोभादेत मानों नभघनतारे | श्याम अलक छूट रही वदनपर चंदछिप्योमानो बादर कारे ॥|१॥ मोतिनमाल मानों मानसरोवर कुचचकवा दोऊ न्यारे न्यारे ॥ धोंधीके प्रभु तीनलोक वशकीने तें वशकीने आली नंददुलारे ॥३॥

Bihagaro

Navrang lalanvihari mero kahey jaado mohi adhik suhaay.

NityaPad-073

नवरंग ललनविहारी मेरो कहे जाडो मोहि अधिक सुहाय। पहिरी कवाई ओडढि लई फरगुल तोहु सीत सतावत आय ॥|९॥ अचरज भये सुनि बल्‍लभनंदन कनक अंगीठी धरि मंगाय । पुनि जिय सोचि मंगाई उढाई भजि गई सीत हसे जदुराय ।२॥ ऐसे परमकृपाल दयानिधि विसरत नही सुधि करत सहाय । त्रिपुरारी गिरिधारीकी बातें कहा जाने कोउ देहु बताय ॥।३॥

Aasawari

Sadaa munn shree gokul mein rahiye..

NityaPad-368

सदा मन श्री गोकुल में रहिये॥ गोविन्दघाट छोंकरकी छैयां बैठक दरसन पैये ।। १॥॥ जमुना पुलिन सुभग वृन्दावन गिरि गोवर्धन जड़ये ।। घर घर भक्ति भागवत सेवा तन मन प्रान बिकैये ।। २।। विद्धलनाथ विराजत निसदिनचरनकमल चित लई-ये ॥ श्रीवललभपद-कमलकृपातें इनके दास कहैये ॥।३॥

Bihaag

Nand-nandan vrishabhaanu-kisori, mohan radha khelat

Part3-215

नंद-नंदन वृषभानु-किसोरी, मोहन राधा खेलत होरी ॥ श्री ब्रिंदाबन अति हि उजागर, बरन-बरन नव दंपति भोरी ॥१॥ एकनि कर है अगरु कुँमकुमा, एकनि कर केसारि ले घोरी ॥ एक अर्थ सौं भाव दिखाबति नाचति तरूनि, बाल, बृध, भोरी ॥२॥ स्यामा उत्हिं सकल ब्रज-बनिता इतहिं श्याम रस-रूप लहो री ॥ कंचन की पिचकारी छुटति, छिरकत ज्यों सचु पावें गोरी ॥३॥ अति हिं ग्वाल दंधि-मोरस माते, गारी देत, कहौ न, करो री ॥ करत दुह्ाई नंदराई की, लै जु गयौ कल बल छल जोरी ॥४॥ झुंडनि जोरि रही चंद्रावलि, गोकुल मैं कछु खेल मच्यो री ॥ 'सूरदास-प्रभु' फगुवा दीजै, चिरजीवो राधा-वर-जोरी ॥५॥

Kafi

Beeri arogat giridharlal ..

NityaPad-088

बीरी अरोगत गिरिधरलाल ॥ अपने करसो देत राधिका मोहनमुखमें मधुर रसाल ।। १॥ ज्योंज्यों रुचि उपजावत उर अंतर त्योंत्यों परस्पर करत विहार।। कबहु देत दशन खंडित कर कबहुं हसकर देत उगार ॥ २॥। सहचरी सब मिल अंतरी न राखत हीये आनंद अपार ।। जय जय कृष्ण जय श्री राधे यश गावत परमानंदसार ॥। ३॥।

Dhanshree

Aadar dey vrishbhan sabankau curry sunman baithaaye . hansi hansi

Part1-188

आदर दे वृषभान सबनकौ करि सनमान बैठाये । हँसि हँसि पॉय गहत गोपनके तुम भागिन मेरे आये ॥॥१॥ तब हँसि कहत वे अति आनंद सों हमन बोहोत सुखपाये । उत उनके और इसे तुमारें यृह हैवो करी बधाये॥२॥ तब निकसीं गावति ब्रज सुंदरि पहरि जरकसी सारी । श्रीविड्डलगिरिधरन कुँवरिकों असीस देत ब्रजनारी ॥३॥

Saarang

Kahaanten aaye hoo jaa madhyanh samey assie ghaammen bethoju mein dhoruun beejana .. nish

NityaPad-249

कहांतें आये हु जा मध्यान्ह समे एसी घाममें बेठोजु में ढोरूं बीजना ।। निश कहां बसेलाल जिय बस्यो वाको ख्याल हारि गये हो जुलाल पलका पर पोढना ॥१॥ सीतल सुगंध चारु अरगजा घोर धर्यो रावटीमें चलो लाल चंदन अंग परसना ॥ हरिनारायन एयामदास के प्रभु प्यारे मया कीनी मोपर नैनन निरखुं बिसारु न पलना ॥२॥

Saarang

Raniju sukh paayo suta jaay .. badade gopavadhuranike hansi

Part1-005

रानीजू सुख पायो सुत जाय ॥ बड़डे गोपवधूरानीके हँसि हँसि लागत पाय ॥१॥ पौढ़ी महरि गोद लै ठोटा आछी सेज बिछाय ॥ बोलिं लिये व्रजराज सबन मिलि सुत मुख देखो आय ॥२॥ जे जे बदन वदी तुम हमसों ते सब देहु चुकाय ॥' ताते लेहु चौगनौ हमपै कहत जात मुसिकाय ॥३॥ हमतो पिया बहोत धन पायो चिरजीयौ दोऊ भाव ॥ श्रीविट्‌ठलगिरिधरन लाड़िलौ तुम बाबा मैं माय ॥४॥

Devgandhar

Radha bunny rung bharee rung horry khelein apane preetam

Part3-305

राधा बनी रंग भरी रंग होरी खेलें अपने प्रीतम के संग ॥ एक पहलें ही रणमगी ॥ पुनिभीने रंगरंग ॥१॥ रंण रंग की संग सहचरी ॥ बनी छबीली के साथ | पहरें विविध बसन रंग रंग के ॥ रंग भरे भाजन हाथ ॥२॥ रंग रंग की कर पिचकाई शोभित एक समान मानो में न शिव पें सज्यो ॥ शोभित रूप कमान ॥३॥ का कुसुमन गूंथी छरी ॥ काहूपें नयेनये नोर काहूपें कुसुम गेंदुक चलें काहपें न्यू तन मारे ॥४॥ काद्दू पें अरगजा रंग कोऊ ॥ काहपें केसर को रंग ॥ कोऊ गोरा मृगमद लियें॥ होत भ्रमर जहाँ पंग |।५॥ तिनमें मुकुट मणि लाडिली ॥ सोहत अति सुकुमार ॥ लटक चलत ज्यों पवनतें ॥ कोमल कचंन डार ॥६॥ पिय कर पिचकाई देखकें ॥ त्रिय नयना छबिसों ढराय ॥ खंजन से मानो उडहि चलेंगे। ढरक मीन व्हे जांय ॥७॥ छिरकत पिय जब त्रियनकों ॥ जो मन उपजे आनंद ॥ मानो इंदु सुधाकर सींचत | जो कुमुदिन को वृंद ॥८॥ भीजे बसन तनत न लपटाने ॥ वरणत वरण्यो न जाय ॥ उपमा देनन देत नयन ॥ राखे हाहा खाय ॥९॥ रंग रंगीली राधिका ॥ रंग रंगीलो पीय ॥ यह रंगभीने नित्यबसो || नंददास के हीय ॥१०॥

Gouri