Saanvaro jabaten drishti paryo . bhekh kisor syathaamghan sunder anga-

NityaPad-169

साँवरो जबतें दृष्टि पर्यो । भेख किसोर स्यथामघन सुन्दर अंग- अंग प्रेम भयों ॥ १॥। टेढी पाग लटक रहि ता पर पेय जराय जर्यो। साजे वागे रस अनुरागे मनमथ मान हर्यों ॥।२॥ मो तन हेर हँसे मनमोहन सुधबुध सब विसर्यों । श्री विद्दुल गिरिधरन छबीलो नयनन मांझ अर्यो ॥। ३॥।

Adano

Phoolanaki maalaa haath phooli sub sakhee saath jhamak jharokha jhaanke nandini janakaki..

Part2-265

फूलनकी माला हाथ फूली सब सखी साथ झमक झरोखा झांके नंदिनी जनककी॥ देखन पियाकी शोभा सीयाके लोचन लोभा एकटक ठाडी मानो पूतरी कनककी ॥१ ॥ पितासों कहत बात कमलसो कोमल गात टारोहो प्रतिज्ञा याशिवके धनुषकी ॥ नंददास प्रभु जान्यो तृनकर तोर्यों बान्यो बांसकी धनैया जेसें करकी ॥२

Bilawaal

Bolo bhaiya govind krishna hari .

NityaPad-371

बोलो भैया गोविंद कृष्ण हरि । माल दाम कछु नहीं लागत छूटत नहिं गठरी ॥ यह काया कागदकी पुतरी छिनमें जात जरी | जामुख सूरप्रभु नाहि उचरत तामुख धूर परी।

Bihaag

Lagyo ray lagyo moson horry khelan lajyo ..

Part3-346

लाग्यो रे लाग्यो मोसों होरी खेलन लाज्यो ॥ जोबन मत्त कहा तू डोलत अबीर डार कित भाग्यो ॥ १॥ नई खिलार खेल ताहीसों जाके प्रेमरस पाग्यो ॥ कृष्ण जीवन लछीराम के प्रभु पिय सदाही रहत अनुराग्यो ॥२॥

Bihaag

Param puneet vasantapanchami murat shubh dinn

Part3-013

परम पुनीत वसंतपंचमी मुरत शुभ दिन साजेहो ॥ गोपीग्वाल मुदित मनमांहि खेलत बनवृजराजे हो ॥१॥ ब्रह्मादिक सनकादिक नारद सुरविमान चढआये हो ॥ अष्टसिद्धी नवनिधिह ठाडी लेकर कुसुम बधाये हो ॥२॥ फूल्यो वृंदावन फूल्यो गोवर्धन फूल्यो जमुना तीर ॥ रामदासप्रभु गिरीधर फूले नखशिख शोभा श्याम शरीर ॥३॥

Basant

Konki uparani odhe aaye saachi kaho peev

Part2-352

कोनकी उपरनी ओढे आये साची कहो पीव मोसो ॥ लटपटी पाग अटपटे पेचन विन गन न माल हिये अधरन अंजन लाये ॥१ ॥ जानत जो कोनके ये जात हो छीपतन तोहे छिपाये ऐदी चतुराई जीन करो मोहन मोसो कोन त्रिया भरमाये ॥२ ॥

Suha

Roochi soun jebat jugalkishore ..

NityaPad-086

रूचि सों जेबत जुगलकिशोर ॥ होसविनोदकरत हैं बहुविधि देत परस्पर कोर ॥ १॥ जो भावे सो लेत हैं दोऊ ललितादिक त्रनतोर ॥ सूरदास यह सोभा ऊपर देत हें प्रान अकोर ॥२॥।

Dhanshree

Giridhar chaal chalat

NityaPad-309

गिरिधर चाल चलत लटकीली ॥ सीसमुकुट काननकुंडल मुरली बजावत रसीली ॥१॥ यम्ुनातीर तमाल लता वनफिरत निरंकुश नंदकिशोर ॥ भ्रोंह विलासपास वसकीने मोहन अंगत्रिभंगतें जोर ॥२॥ लेराधे कुचबीच निरंतर सकल सुखद प्रेमकी डोर | यह उचित होय ब्रज सुंदर परमानंद चपल चितचोर ॥३॥

Kalyan

Shubh vaishyakh krishna ekadashi srivallabh prabhu prakat

Part2-294

शुभ वैशञाख कृष्ण एकादशी श्रीवल्लभ प्रभु प्रकट भये॥ दैवी जीवनके भाग्य विस्तरे निरखत तनके ताप गये ॥१ ॥ पुष्टि भक्तिरस निजदासनकों अति उदार मन दान दये॥ माणिकरचंद हीयें बसो निरंतर श्रीवल्लभ आनंद मये ॥२ ॥

Sarang

Madhu ritu bundavan anandthor .. raajat nagri

Part3-048

मधु ऋतु बुंदावन आनंदथोर ॥ राजत नागरी नबकिसोर ॥ जूथिका जुथरूप मंजुरी रसाल ॥ विथकित अलिमंधु लाल गुलाल ॥१॥ चंपकबकुल कुल विधि सरोज ॥ केतुकी मेदनी मुदित मनोज ॥२॥ रोचक रूचिर बहे त्रिविध समीर पुलकित निरतत आनंदीत कीर ॥|३॥ पावन पुलिन घनमंजुल निकुंज ॥ किसलयसेंन रचित सुख पुंज ॥४॥ मंजीर मुरजडफ मुरली मृदंग ॥ बाजत मधुर वीना मुखचंग ॥५॥ मृगमद मलयज कुंकुम अबीर ॥ चंदन अगर सोंर चितचीर ॥६॥ गावत सुंदर हरि सरस धमारि ॥ पुलकित खगमृगण वहतन वारि ॥७॥ हित हरिवंस हंसहंसनी समाज ॥ एसेंही करो मिलि जुगजुग राज ॥८॥

Basant

Chalchal mero kahyo tuun maan naatar pachtehai

NityaPad-327

चलचल मेरो कह्यो तूं मान नातर पछतेहै कर मान ।। अबहींतो पिय पायपरत हैं तज अभिमान पावेंगी अधिक सनमान ॥। १॥। बहुनायक सुखदायक सोकरि काहूको निवह्योहै गुमान ॥ रसिक प्रीतमसो पियजो पैयेतो सहिये कोटिक अपमान ॥२॥

Bihagaro

Dhota douu rayake laal khelat dolat fagho ..

Part3-108

ढोटा दोऊ रायके लाल खेलत डोलत फागहो ॥ लालेजो देखे सो मोहियो ओर प्रतिकछ्ििन नव अनुरागहो ॥१॥ सखा संग सबबोलकें घरघरते दे तब गारी || सुनत कुंवर कोलाहडला निकसी घोषकुमारी ॥२॥ भूषण बसन जो साजियो उरगज मोतिन हार ॥ झूमक चेतव गावही घोषराय दरबार ॥३॥ बाजे बहुत बजावहीं डफ दुंदुभी कंठताल || बलमोहन मध्य नायका चहंदिश नाचत ग्वाल ॥४॥ पिचकाई कर कनककी अरगजा कुंकुमघोर ॥ बलराम कृष्ण कों छिरकहीं हसवचली मुखमोर ॥५॥ कोलाहल सुन आइयो बलल्‍लभ कुलके राज ॥ सिंघद्वारपें बैठियो बडरे गोप समाज ॥६॥ ब्रजरानी तहां आइयो जहां बैठे नंद उपनंद ॥ सोंधे ठोडी लीपियो आंजत आंख सुछंद ॥७॥ यह बविध होरी खेलही अरणजा पंक सुगंध ॥ विधसों होरी लगाइयो पून्यो पूरनचंद ॥ ८॥ परिबा वबसन जो साजियो न्हाय धोय आनंद ॥ गोविंद बल वंदन करे जय जय गोकुलकेचंद ॥९॥

Gouri