Senbhog laaee bhar thaari |

NityaPad-301

सेनभोग लाई भर थारी | दूध भात और कढी बडीकी परोसत हैं जसुमति महतारी।। १॥। मधु मेवा पकवान मिठाई सीतल भरि जमुनाजल झारी ॥ “आसकरन' प्रभु मोहन नागर दासनको जूठन भर थारी ॥ ३॥

Kanharo

Ghar ghar nandmahar key mishahi mish aave gokulki naar ..

NityaPad-292

घर घर नंदमहर के मिषही मिष आवे गोकुलकी नार ॥ सुंदर बदन बिनु देखे कल न परत भूल्यो धामकाम आछो बदन निहार ॥१॥ दीपक लेचली बहिर वाटमे बड़ो कर डार फिर आय छबिसों बयारको देत गार।। नंददास नंदलालसों लागे हें नवमपलककी ओट मानों बीते युगचार ॥२॥

Gori

Aeye aaj kaun bancharai yeti gaiyaan kahaan dhon lagaai etee bair ..

NityaPad-290

ए आज कौन बनचराई येती गैयां कहां धों लगाई एती बेर ॥ बैठे व कहा सुध लेहो नेनन करओसेर ॥१॥ एक बन ढूंढ सकल बन ढूंढी तोड न पाई गायनकी नेर ॥ तानसेनके प्रभु तुम बहोनायक देहो कदम चढ टेर ॥२॥

Hameer

Mohan tilak gorochan mohan mohanallat atee raajai .

NityaPad-290

मोहन तिलक गोरोचन मोहन मोहनललाट अति राजै । मोहन सिर पर मोहन कुलही मोहन सुरंग अति भ्राजै ॥१॥ मोहन स्रवन कुसुम जु मोहन कपोल अवतंस विराजै । मोहन अधरपुटपै मोहनमुरलि मोहन कल बाजै ॥२॥ मोहन मुखारविंदपै झूमत मोहन अलकअलिमधुकाजै । गोविन्द प्रभु नखसिख जु मोहन मोहन घोख सिरताजै ॥३॥

Hameer

Hoe merrie aalee ree hoe merrie aalee ree, shree yamunaji

Part3-226

हो मेरी आली री हो मेरी आली री, श्री यमुनाजी के तीर गुलाल की मार पड़ी ॥ तुम देखो राधे रंग भरी, हो मेरी आली री, हो मेरी आलीरी ॥ इत मोहन उत राधिका, बिच-बिच नाचे ग्वालन, राधे रंण भरी ॥१॥ हो मेरी आली री, हो मेरी आली री, मदन मोहन जू की बांसुरी ॥ तुंम लीने राधा छीन, तुम फगुवा दियौ है मंगाई ॥२॥ हो मेरी आली री, हो मेरी आली री, 'सूरदास' प्रभु सांवरो सब सरिबयन को सिंगार ॥३॥

Kafi

Champakaliso paag banaaun, piyake sees bandhaavan koo .

NityaPad-264

चंपकलीसो पाग बनाउं, पियके सीस बंधावन को । सहेरो कुंद कलीको तापर दुलहिन ब्याह सधावनकों ॥|१॥ कमल पुष्प को ललित टिपारो, मल्‍लकाछ डहकावन को । मुकुट चमेली की कलियन को, काछनी कंटि महकावन को ॥२॥ कुलह बंधूक कुसुमन की सुरंग रंग सिसुगति तन छबि पावन को । टोपी पीत सोनजाकी धरि लाल गोद खिलावन को ॥३॥ चंपाके कुसुमनको फेंटा, अमेठ उमेठ बतावन को । पीत दुमालो बसंत पंखुरिन भोजन भाव जतावनकों ॥४॥ अष्ट सखीकों भेख सखा धर सब बिध हित चित दीनो । बनबिहार यों एक समे कर, सूर मनोरथ सबको कीनो ॥५॥

Saarang

Srivallabh pada bandiken kahuun sujas aeka saar . putra bhayau

Part1-120

श्रीवल्लभ पद बंदिकें कहूँ सुजस एक सार । पुत्र भयौ श्रीनंदके बड़ीवैस ततकार ॥१॥ श्रवन सुनत ढाढ़ी चल्यौ सुत दारा ले साथ। नृपतन मणि श्रीनंदकों आय नवायौ माथ ॥२॥ रूप सुंदर सोहनों भूषन वसन सुदेश । ढाढ़ी वाम विशद जश मानों नगर नरेश ॥३॥ बड़े बड़े सब गोपन मधि राजें श्रीमनि नंद । ज्यों उड्गनकी मंडली राजत पूरन चंद ॥४॥ मैं ढाढ़ी तुब वंशकौ सुनौ घोष मनिराय | सावधान व्है चित धरीौ लागै मोहि बलाय ॥५॥ अहिपति सुरपति लोकपति बड़े लोक भूपाल । मन वच कर्म न जाँचि हों बिना एक ब्रजपाल ॥६॥ व्रजमंडल सगरो जिती सब मेरे जिजमान । जिनमें यश जितने कहों आये सब परधान ॥७।॥ सबहिनके जस बरनतहीमें बीति काल बहु जाय । बदन एक करनी अमित कछू कहूँ बुद्धि पाय ॥८॥ वंदन करि सब साधूकुल बरनत वंश उदार । जीवन मरनते छूटि हौ गाय सुनत नरनारि॥९॥ आवीरभानते सुभानते भये जानि उदार। अति विचित्र कहालों कहूँ ए गुन अमित अपार ॥१०॥ बसत महावन पविन्न स्थल जो हरिकौ निज धाम । घोष लोक गोकुल अधिक लीला अति अभिराम ॥११॥ जा रजकों शिव बंदही अज अरु शैष सुरेश । होंजु महिमा नहिं कहि सकत जानत आपुन लेश ॥१२॥ तिनकें चंदसूरत भये जैसें चंद प्रकास | इनके भीलकबाहु भये चारतरों चक्र उजास ॥१ ३॥ काननशशि तिनकें भये कंजनाभ तिहिं जानि । व्नीरभान तिनकें भये महा नृपति बहु मानि ॥१४॥ धर्मधीर तिनकें भये सर्व धर्म जा माँहिं । तिनकें भये कालिंदजू सो लंक दुहाई जाँहि ॥१५॥ कालिंदजूके दश पुत्र भये तेजभान गुनमान । धर्मधीर बलवीर बहु शील संतो्षहिं जान !॥१६॥ जेसनजेबल कहे जकृत जैसो धन होय । कंठभान महा बुद्धि जो मन मेरे पुनि सोय ॥१७॥ मनोरथ वारंगद भये चित्रसेन लघुजानि । महापुन्यके पुंजकों जिहिं नव नंद बखानि ॥१८॥ नौनंद आनंद निधि प्रगटे जिनके बाल | नाम लेत आनंद मन मिट तिमिर कलि काल ॥१ ९॥ सुनंद जानि उपनंदजू महानंद कलिनंद । नंदबधू नव नंदजे नंद नंद प्रति नंद ॥२०॥ महाभाग्य महिमा अमित ज्यों शरदें पून्यों चंद । भक्ति तपस्या तेजतें प्रगट भये श्रीनंद ॥२१॥ पूर्व जन्ममें द्रोण जो बड़े बसुनमें जानि | धरा नाम जसुदा तहाँ महा तप करि यह मानि ॥२२॥ ब्रह्माजू आज्ञा दई व्रजमें जन्म सुलेह । बालक छैकें तू लहौं क्यों तथा श्रुति एह ॥२३॥ नंदघरनी आनंदमय जायोौ मोहन पूत यह सुनि सब परिवार ले अपनी घरनी संयुत ॥२४॥ बालक वुंद जहाँ होतहैं सब कोऊ मोकों देत । अपनों सींच्यौ जानिके बे लेखत बहु हेत ॥२५॥ नाचिनाचि गुणगाय हों पायी पहलौ दान । श्रीवल्लभ कुल कृपातें पायौ पद निरवान ॥२६॥ रे जाचकहै माँगिहों श्रीवल्लभपदकी रेंन । रसिक सदा वल्‍्लभ रहौ नैनन वललभ ॥२७॥

Dhanashri

Maaee aaj tou sobha baadhi kaasi

Part2-330

माई आज तो सोभा बाढी कासी नगरकी ॥ श्रुव ॥ फूले नरनारी आनंद खद्यो अपार जहाँ भीर भई डगर डगरकी ॥१ ॥ है सिंगार लाल अति रसाल। भाल तिलक मोती लर सोभा कुंडलकी ॥२ ॥ फूल सेहरो विशाल देख तिलक लाल। लजित अंग देख तुरा हलनकी ॥३ ॥ मोती कठसरी पहेर हीराकी हमेल घर | चमकन मणिहार हीरा पदकनकी ॥४ ॥ माणिक के हार सोहे बांधी फेंट मन मोहे | कटि मेखला जु भानों पांत चंद्रनकी ।५ ॥ जरकसी सूथन पर सोभा देत जामा धर। चरन भीर भई निज भक्तनकी ॥६ ॥ बाजूबंद कडा सोहे हीरा मुंदगी मन मोहे। श्रीफल विराजे हाथ सोभा स्याम घनकी ॥७ ॥

jejevanti

Horry kheliye sunderlal .. chanchal naine

Part3-089

होरी खेलिये सुंदरलाल ॥ चंचल नेन विसाल ॥ तुम ब्रजजन के प्रतिपाल ॥ तुम लीला नट गोपाल | गहि ठोडी जसुमति कह्े तुम संग लेहु ब्रजबाल ॥|१॥ विविध सुंगध नउबटनों सब अंग बेठि उबटाऊं ॥ चंदन अंग लगायकें फिरिताते नीरन्हवाऊं ॥२॥ अंग अंगोंछों प्रीतिसों घसि मृगमद तिलक बनाऊं ॥| अंजन नेन न आंजिकें अरुमसिविंदुका भुलाऊं ॥ ३॥ अलकावलि अति सोहनी मोतिन लर सरस गुथाऊं ॥ मधि लटकन लटकायकें हों देखत अति सुख पाऊं ॥४॥ पगणिया पेच बनायकें खिरकिन की सीस धराऊँ ॥ मोर चंद्रिका तनकसी हों दिसदाहिनी ढराऊं ॥।५॥ झीनी झंगुली अति वनीसोतो स्याम अंग पहराऊं ॥ अति सुगंध पहोषन बस्यो वरफुलेल चुपराऊं ॥६॥ सूथन गाढे अंगकी लाल चरन पहराऊं ॥ फेंटाकंटि तट बांधिकें ओर सुरंग गुलाल भराऊं ॥७।॥ आभूषन बहु भांतिके पहराऊं तिहिंतिहिं ठाऊं ॥ फूलनकी माला गरेधरि देखत नेन सिराऊं ॥८॥ घरघरते सब गोपके लरिकनकों पठे बुलाऊं ॥ केसरि के मदुका भरों पिचकारी हाथ धराऊं ॥५९॥ सिंघद्वार ठाडे रहो तुमें संग देहुं बलदाऊं॥ आगे ब्हेमेरे लाडिले ललना सबहिन को छिरकाऊं ॥१०॥ बड्डे मोप बुलायकें रखवारे संग रखवाऊँ ॥ मनमानें तहाँ खेलिये सब ब्रजजन संग नचाऊं ॥११॥ विविध भांति ब्रजराज सों कहि बाजे बजवाऊँ ॥ फगुवा देवे झुं अबे बहुुभूषन वसन मंगवाऊं ॥१२॥ सब ब्रज युवतिन को अब घरघरतें पठे बुलाऊं ॥ मेरे लालके चाबसों फणुवाके गीत गवाऊं॥ १ ३॥ रणमगे बागे देखिके अपने द्रगन सिराऊं ॥ मुक्ताफल थारीभरों होले आरती उतराऊं ॥१४।॥ आंकों भरिले गोदमें घर भीतर ले जाऊं ॥ ब्रजयुवतिन में बेठिकें नेंक फूली अंगन माऊं ॥१५॥ माय मनोरथ यों करे जाको हे जसुमति नाऊं ॥ दीये यह फल रसिक को हों श्रीवललभ गुनगाऊ ॥१६॥

Sorat

Bhojan lawri tuu maiya.. humm kabake tokon teratahen bhookhe chaaron bheya..1..

Part2-259

भोजन लावरी तू मैया॥ हम कबके तोकों टेरतहें भूखे चारों भेया॥१॥ बचन कौसल्या आई लीयें हाथ मिठेया। (पुरी ले ताती अरू बूरो दार सुमित्रा मैया ॥२ ॥ केकेई दधि ओदन ले आई मीठे बचन सुहैया ॥ में जानी तुम राजसभामें बेठें हें रघुरैया ॥३ ॥ जेमत राम लक्ष्मन अरु शत्रुहन और भरत रघुछेया ॥ फूंक फूंक सीरोकर पीबत तातो मीठो घेया ॥४ ॥ जल अच्वाय कपूर सुवासित लागत परम सुहैया ॥ तुलसीदास सुख नेनन निरखत मैया लेत बलेया ॥५॥

Saarang

Nand munn anand bhayau atee putra janam suniken munn phoole daan

Part1-044

नंद मन आनंद भयौ अति पुत्र जनम सुनिकें मन फूले दान देति जियमें बाढ़ी रति ॥१॥ करत बेद धुनि विप्र बिमल मन येई्ट है यति । सूरदास प्रभुकी सुंदरता देखि लजानों रतिपति ॥२॥

Sarang

Shrivrishbhan nandini naachat laalan giridharan sanga laag daat urap

Part1-352

श्रीवृषभान नंदिनी नाचत लालन गिरिधरन संग लाग डाट उरप तिरप रासरंग राख्यो ॥ झपताल मिल्यो राग केदारों सप्तस्वरन अवधर वर सुघर तान गान रंग राख्यो ॥१॥ पाई सुख सुरति सिद्धि भरत काम बिबिध रिद्धि अभिदल नवसत सुहाग हुलास रंगराख्यौ || बनिता शतयूथके पीय निरख थकक्‍्यौ सघन चंद बलिए'री क्ृष्णदास सुयश रंग राख्यो ॥२॥

Kedaro