Kaana jagawat nandkumar ..

Part2-053

कान जगावत नंदकुमार ॥ दोऊ भैया ठाडे सिंघ द्वारें गावत सगरे ग्वार ॥१ ॥ नाचत फूलत करत कौतुहल आज दिवारी बडो त्योहार॥ कानलाग कछु कहतहें मोहन सावधानव्है गाय खिलार ॥२॥ अपने खरिक कान जगाए भानखिरक जाय कानपुकारि ॥ धौरी धूमर टेर सुनतही दोरी अठा चढी सुकुमारि ॥३ ॥ चिते परस्पर चित चोयों तब निरखत छबि कछु रही न संभार॥ रसिकप्रभु पिय सब सुखसागर सहचरी वारबार बलिहार ॥४ ॥।

Kanharo

Sthaam paharen jalsutmal atee anoopam chhabi

Part2-365

स्थाम पहरें जलसुतमाल अति अनूपम छबि छाजेंरी ॥ मानों कला कपोत नवघन पर यह उपमा कछ भ्राजेंरी ॥१ ॥ पीत हरित सित अरुणमाल वन विराजत हृदय विशाल हरी ॥ मानों इंद्रधनुष नभमंडल प्रकट भयो तिहिं कालरी ॥२ ॥ भृगुपद चिन्हे उरस्थल पर कंठ कौस्तुभमणि ढिंग दरसतरी॥ बैठो मानों खटपद विधु एक अरुघनसों मिल हरखतरी ॥३ ॥ भुजाविशाल स्यामसुंदर की चंदनखोर चढायेंरी ॥ सूर सुभग अंगकी शोभा ब्रजललना ललचारयेंरी ॥४ ॥

Sorat

Deepdaande shyam manohar sub gayanke kaana jagawat..

Part2-052

दीपदानदे श्याम मनोहर सब गायनके कान जगावत॥ गांग बुलाई धूमर धौरी ऊँचे लेले नाम बुलावत॥१॥ होड सचेत भोरखेलनकों दोरी आवत नेंक सुनावत।॥ सन्मुख जाय कूंकमारतहें मुख पर फेर पिछोरी धावत ॥२ ॥ मुदित गोपाल ओर ग्वाल मिल जाको बछरा ताहि मिलावत॥ चत्रभुजप्रभु गिरिधरन डाढ सुन हँस गावत करताल बजाबत ॥३ ॥

Kanharo

Gharmensun bahir uthhi aaye sub gayanke kaana jagaban..

Part2-052

घरमेंसुं बाहिर उठि आये सब गायनके कान जगाबन॥ जेसें भोर हूंकके खेलें लागे लेले नाम बुलाबन॥१॥ गांग बुलाई धं भूंपर थोरी कारी काजर पीयरी लाल॥ अपने संग सखासब लीनें लटकत खरिक गोपाल ॥२॥ अपनी जगाय दाउकी जगाई ओर जगाई सबकी जाय॥ श्रीविद्ुलगिरिधर सुखपावत त्नजनारिन त्योहार मनाय ॥३ ॥

Kanharo

Aapan chaliye laalan keejiye nalaaj || mossi jotum kotik

NityaPad-121

आपन चलिये लालन कीजिये नलाज || मोसी जोतुम कोटिक पठवो प्यारी नमानत आज ॥१॥ होंतो तिहारी आज्ञाकारी मोसों कहाकहेत महाराज ॥ नंददासप्रभु बडरे कहे गये आपकाज महाकाज ।। २॥।

Kedaro

Prakate srivallabh .. srilakshamanandan

Part2-269

प्रकटे श्रीवल्लभ ॥ श्रीलक्षमणनंदन दुःखनिकंदन भक्तन पूरणकाम॥१ ॥ श्रीगोकुल, गोवर्धनवासी सब वसुधाके मंडन ॥ तिलकरूप हरि भक्ति शीशधर और मतेसबखंडन ॥२ ॥ श्रीत्रजराज कुमार बिलासी ब्रजकी लीला भावे ॥ ब्रजहीके संयोगी बिरही ब्रजहीमें रहिआवे ॥३ ॥ ब्रजहीके गुणगान दृढ़ करकें त्रजही मतोदूढावे ॥। गिरिधरलाल किये वश अपने जयजय जगत कहावे ॥४॥ श्रीवललभ पूरण पुरुषोत्तम सकलवेद यश गाबे॥ श्री विट्ुल गिरिधरनलालसों अहर्निश प्रीति बढावे ॥५ ॥

Devgandhar

Laaj oat yeh doorkaro .. joimein kahon karo tum soiskuch uhanrahikahakaron ..1..

NityaPad-035

लाज ओट यह दूरकरो ॥ जोईमें कहों करो तुम सोईसकुच उहांरहिकहाकरों ॥१॥ जलतेतीर-आयकर जोरोमें देखो तुमविनयकरो ।। पूरणब्रत अब भयोतुहारो गुरुजनशंकादूरकरो ।|२॥ अब अंतरमोसोजिनराखो वारवार हठवृथाकरो ॥ सूरस्थामकह्यों चीरदेतहों मोआगें शुंगारकरो ॥

Ramkali

Aaj atee baahyi haye anurag .. poot bhayauri nandamaharkain

Part1-005

आज अति बाह्यी है अनुराग ॥ पूत भयौरी नंदमहरकैं बड़ीबैस बड़भाग ॥१॥ दई सुवच्छ लक्छ दै गैया नंद बढ़ायौ ताग ॥ गुनी गणक बंदीजन मागध पायो अपनो लाग ॥२॥ फूले ग्वाल मानों रणजीते आनंद फूल बाग ॥ हरद दूध दधि माखन छिरकैं मच्यी भदैया फाग ॥३॥ गोपी गोप ओप सबके मुख गावत मंगलराग ॥| परमानंददास भक्तनकौ अब भयौ परम सुहाग ॥४॥

Devgandhar

Muraliware saanvare nenk maaran mohi bataav ray .. sanga naan saheli

Part1-276

मुरलीवारे साँवरे नेंक मारण मोहि बताव रे ॥ संग न सहेली फिरों अकेली कित नंदीसुर गाँव रे ॥१॥ भूलि परी संकेत सघन वन हों अबला कित जाऊँ ॥ मृगनयनी के बचन सुनत ही आय मिले तिहिं ठाऊँ ॥२॥ मारग मिले अंक भरि भेटे भलौ बन्यी है दाऊ ॥ कहि भगवान हित रामराय प्रभु राधारमन जाकौ नाऊँ ॥३॥

Gori

Ghosh nripati suta gaaiyen jaake vasiyen gaam ..

Part3-090

घोष नृपति सुत गाइयें जाके वसियें गाम ॥ लालवलि झूमिकाहो ।। वहोरि सुहागिनि गाइये जाको श्रीराधा नाम ॥ लाल ॥१॥ चलीहें सकल ब्रजसुंदरी नवसत साजि सिंगार ॥ गावत खेलत तहां गई जहां घोषराय दरबार ॥२॥ जाय नेन भरि देखिये सुंदर नंदकुमार ॥ नीलपीतपट मंडिता उर गजमोतिन हार ॥३॥ सखा संग अति रस भरे पहरे विविध रंगचीर ॥ गीत विचिन्न कोलाहला ओर ब्रजवासिन भीर ॥8॥। डिमडिम दुंदुभी झालरी रुजमुरज डफताल ।। मदन भेरि राय गिडगिडी विचविच वेन रसाल ॥५॥ अति रसभरी ब्रजसुंदरी देत परस्पर जारि ॥ अंचलपट मुखदे हंसी मोहन वदन निहारि ॥६॥ पहलो झूमक ताही को जाको श्रीमोहन पूत देखि परोसिर मोहनी युवती जनमन धूत ॥७॥ दूसरो झुमक ताही को जाकी श्रीराधा नारि ॥ पिय प्यारी रोके गये मनमें चोकि बिचारि ॥| ८॥ जुवति कदंव सिरोमनी श्रीराधा वरस कुमारि ॥ उतब्रज सिसुगन नायका बलि ओर गिरिवरधारि ॥१९॥ एकन कर बुका लिये एक गुलाल अबीर ॥ प्रमदा गन पर वरखही कूकेंदेत अहीर ॥१०॥ रतन खचित पिचकाइयां नवकुंकुम जल सोंघोरि बरखही कूकेंदेत अहीर ॥१०॥ रतनखचित पिचकाइयां नवकुंकुम जल सोंघोरि ॥ पियसन सुखब्हे छिरकहीं तकितकि नवल किसोरि॥ १ १॥ श्याम सुभगतन सोहही नवकेसरि के बिंदु ॥ ज्यों जलधर में देखिये मानो उदित बहुइंदु ॥|१२॥ युवतियूथ मिलि धाइयो पकरेवलि मोहन जाय ॥ नवकेसरि मुख मांडिकें छांडे आंखि अंजाय ॥१३॥ यह विधि होरी खेलहीं ग्याति बंधु संग लाय ॥ पूरण शशि निस डहडही पून्यो होरी लगाय ॥१४॥ परिवा सकल घोखजन भानुसुता चले नहान ॥ अरणजा अंग चढाइयों विमल वसन परिधान ॥१५॥ दुतिया बंदन बांधियो सिंघासन युवराज ॥ छत्रचंवर गोविंद गहे श्रीवललभकुल सिरताज ॥१६॥

Bilawal

Baith laal phoolanaki chaukhandi ..

NityaPad-256

बैठ लाल फूलनकी चौखंडी ॥ चंपक बकुल गुलाब निवारो रायबवेलि श्रीखंडी।।१॥| जाई जुई केवरो कुंजो कनक कणेर सुरंगी ॥ चतुर्भुजप्रभु गिरिधरजु को बानिक दिन दिन नवनवरंगी ॥२॥

Lalidya

Bhushan saje saamal anga ..

Pustak1-353

भूषण सजे सामल अंग ॥ लाड़िली वृषभानजूकी लिये हैं हरि संग ॥१॥ रच्यौ रास बिलास कानन रसिक वर नवरंग।॥। कला नटवर धरत जब कछु देख लज्जित अनंग ॥२॥ बेणु ध्वनि सुनि थकित मुनिगण गति लेत थेई थेईथुंग ॥ श्रीविद्धलगिरिधरनकी बलि जाऊँ ललित त्रिभंग ॥३॥

Kedaro