Navarangi kesar humm boee hoe lalnaan krishnajeevan

Part3-217

नवरंगी केसर हम बोई हो ललनाँ कृष्णजीवन जू के काज ॥| ध्रु०॥ केसर क्यारी हम बोई हो ललनाँ बीज ऑन्यौ कसमीर ! अपने पीतम जू के कारनें सजनी सींचौंगी नैननि नीर ॥|१॥ गिरि परबत पर केसर बोई मृग जू चरि-चरि जाई ॥ क्‍यों रे मृगा तू डरपति नॉँहीं मारौंगी धनुष चढ़ाई ॥२॥ आसपास सब केसर बोई बिच बोयौ अबीर गुलाल ॥ जाकी रे बास सुबास आबै बाई कौ गुंधों नव सत हार ॥३॥ कनक कचोला केसर घोरी बिच डार्च्रो जमुना कौ नीर ॥ श्रीकृष्ण जीवन जू कौ बागौ चरच्यो राधा जू कौ चीर ॥४॥ रंग रस रंग ब्रिंदाबन के बीच मोहन खेलैं फागुन मास ॥ 'सूरदास' प्रभु ब्रजई अखंडित होति है रंग बिलास ॥५॥

Kafi

Rakhiho alkan beach champakali gangani ..

NityaPad-060

राखीहो अलकन बीच चंपकली गनगनी ॥ जगमगात हीरा लाल कुल्हे पर पाग चोकरी अति बनी ।। १॥ सुभग नयन तरुण मदमाते मुसकाते आनअन ॥ गोविंदप्रभु ब्रजराजकुंवर धन्य धन्यहो धन्य धन्य ॥२॥

Nayikeeya

Tuu chala sakhiri shungarhar saajen sevati kinn piyapyari ..

NityaPad-321

तू चल सखीरी शुंगारहार साजें सेवती किन पियप्यारी ॥ माधुरी माधवी बोरसरी एरी गुलाबको लैहै मनुहारी ॥ १॥ यह स्वभाव नजाय वरजि जुई केतकीलों समझाय माननिवारी ॥ मेरो सीखंडजोमिलेरी गोविंदप्रभु तो तोपर केवरो मबलकुंवर कुचविच चंपो विहारी ॥२॥

Kanharo

Horry kohe avsar jinn kouu risamaanen .. kahuko

Part3-270

होरी कोहे अवसर जिन कोऊ रिसमानें ॥ काहूको हारतोर काहूकी चुरी मोर काहूकी खुभी ले भाजे अचानक काइके पिचकाई नयनन तकताने ॥ १॥ काहूकी नकवेसर पकरे काहूकी वेनीगहे कंठसरी झटक आनें ॥ कुमनदास प्रभु यह विध खेलत गिरिधर पिय सब रंग जानें ॥२॥

Nat

Dekhiyat laal laal drinn dorre .. kaake sanga khele

Part3-023

देख्ियत लाल लाल दृण डोरे ॥ काके संग खेले बसंत करि निहोरे ॥ १॥ सजलताई प्रणट मानों कुंकम रस बोरे || अरुनताई भई गुलाल वंदन सित छोरे ॥२॥ अंजन छबि लागत मानों चोवा छबि चोरे ॥ वरुनी मानों नूतन पल्‍लव अधर भये सिधोरे ॥३॥ कबह्दू रस मत्त नाचत दोऊ कटाक्षन कोरे ॥ गान सुरति भई मानों विविध तान तोरे ॥४॥ देखियत अति सिथिल ताई मांझु झकझोरे ॥ काहेकूं कहत कछु जाने मन मोरे ॥५॥ सनमुख व्हे कबहूँ मुख फेरिजात लजोरे ॥ रसिक प्रीतम मेरे तुम आए काके भोरे ॥६॥

Basant

Prakat bhaye srivallabh prabhu anand badhyohe

Part2-318

प्रकट भये श्रीवल्लभ प्रभु आनंद बढ्योहे अपार॥ भूतल महा महोत्सव घर घर मंगल चार ॥१॥ प्रमुदित करत कोलाहल नाचत हें नरनार ॥ आनंद मग्न भये सबे बोलत जे जे कार ॥२ ॥ कुंकुंम सथिये धरावत बांधी बंदनवार॥ मोतियन चौक पुरावत कुंभ कलस हें अपार ॥३ ॥ मात इलम्माजु कूंरि द्विजबर लियो अबतार॥ कोटि किरन ज्यों रविकी शोभा उजीयार ॥४॥ धन्य संबत पंद्रहा पेंतीस माधोमास॥ कृष्णपक्ष एकादशी नक्षत्रवार सुप्रकाश ॥५ ॥ द्वारें भीर भई अति गंधर्व करत हैं गान ॥ नारद सारद शेसजू ब्रह्मा रुद्र समान ॥६ ॥ देत दान कंचन मनि श्रीलक्ष्मण भटजु उदार॥ भुवन बसन दिये सबे माला मद्िका हार ॥७ ॥ बाजत ताल पखावज बीना ताल सुढार ॥ ढोल दमामा नाचत सब नरनार ॥८ ॥ बाजे बिविध बजे तहां गिनत न आवे पार ॥ देश विमानन चढिकें बरखत पुष्पन थार ॥९ ॥ महिमा कहां लगि बरनों कहत न आये पार॥ यह छबि पर बलिहारी जन गोविंद किये निहार ॥१० ॥

Raayso

Suniye hoe dhara dhyaan sudharas murali baajai .. shyam adhar

Part1-295

सुनिये हो धर ध्यान सुधारस मुरली बाजै ॥ श्याम अधर पर बैठ बिराजत सप्तस्वरन साजै ॥|१॥ बिसरी सुधि बुध गति सबहिनकी सुनि वेणु मधुर कल तान ॥ मनगति पंगु भई ब्रजयुवती गंधर्व मोहे गान ॥२॥ खगमृग थके फलन तृण तजिकें बछरा न पीवत क्षीर ॥ सिद्ध समाधि थके चतुरानन लोचन बहै सब नीर ॥३॥ महादेंवकी तारी छूटी अतिह्नै रहे सचेत ॥। ध्यान टरथ धुनिहीं मन लाग्यौ सुरासुर भये अचेत ॥४॥ यमुना उलट बही अति व्याकुल मीन भये बलहीन ॥ पशुपक्षी सब थकित भये हैं रहे इकटक लवलीन ॥५॥ इंद्रादिक सनकादिक नारद शारद सुनि आवेश ॥ घोष तरुणी आतुर ह्वै धाईं तजि पति पुत्र अँदेश ॥६॥ श्रीबृंदावन कुंज कुंज प्रति अति विशाल आनंद ॥ अनुरागी पियप्यारी रसबस अचेत भये सानंद ॥७॥ तीन भुवन भरनाद प्रकाश्यौ गगन धरणि पाताल ॥ थकित भये तारागण सुनिर्कैचंद भयौ बेहाल ॥८॥। नटवर वेष धरें नैंदनंदन निरख विवश भयौ काम ॥ उर नव चरण भुज पंकज नील जलद तन श्याम ॥९॥ जटित जराव मुकुट कुंडल छबि पीत बसन शोभाय ॥ बूंदावनरसरासमाधुरी निरख सूर बलि जाय ॥

Kedaro

Kyori tuun dwaare bollie aaya .... tero boll sunat mero mohan

NityaPad-078

क्योरी तूं द्वारे बोली आय ।॥। तेरो बोल सुनत मेरो मोहन भोजन कछू न खाय ॥१॥ दोर चले भींतरते बाहिर उखदूयो होतो पाय ॥ श्रीविद्ठलनंदरानी खीजत तेरोकछु न सुभाय ॥। २॥॥

Aasawari

Khelnakon jaba gaang bulaai laaee..

Part2-049

खेलनकों जब गांग बुलाई लाई॥ तिंहि छिन श्रवण सुनत आतुरव्है निकसि खरिकतें बाहिर आई ॥१॥ बछरा हाथ लियें नंदनंदन देत कूंक पट पीत फिराई ॥ मेली डाढ़ भयो मन आनंद हँसत सबें करताल बजाई ॥२॥ बड़रे गोप कौतुक देखतहें यह अबलों देखी न कनज्हाई॥ अब चल राजकरो यह गोकुल प्रभु बलराम श्याम सुखदाई ॥३ ॥

Sarang

Achambho inn loganakon aave ..

NityaPad-365

अचंभो इन लोगनकों आवे ॥ छाँडगोपाल अमितरस दुर्लभ अमृत माया विषफलभावे ॥१॥ निंदित मूढमलय चंदन को कपिकेंअंगलगावबे ॥ मान सरोवर छाँड हंससर काकसरोवर न्हावे ॥२॥ पगतर जरत नजानत मूरख परघर जाय बुझावे॥। लखचौरासी स्वांग धरे धर फिर फिर यर्माहिं हँसावे ॥॥३॥ मृगतृष्णा संसार जगत सुख तहातें मन न दुरावे ॥ सूरदास भक्तनसों मिलकें हरियश काहे न गावे ॥४॥

Bihaag

Yashodarani jaayau haye suta neekaui . anand bhayau sakal gokulmein

Part1-075

यशोदारानी जायौ है सुत नीकौी । आनंद भयौ सकल गोकुलमें गोप बधू लाईं टीकी ॥१॥ अक्षत दूब रोचन वंदन नंदे तिलक दहीकौ । अंचल बारि बारि मुख निरखत कमल नैन प्यारी जीकौ ॥२॥ अपने अपने भवनते निकर्सी पहरे चीर कसूंभी कौ | यादवेंद्र ब्रजकुल प्रतिपालक कंस काल भय भीकौ ॥३॥

Dhanashri

Abaken vasant nyaroi khelein merison naan milli

Part3-057

अबकें वसंत न्यारोई खेलें मेरीसों न मिलि खेलें नारी तेरीसों ॥ दुचितहोत कछुन सुख पईयतु काहूसों न मिलि मेरीसों॥ १॥ देखेंजी जोरंग ऊपजेगो परस्पर राग रंग नीके करि फेरीसों ॥ हरिदास के स्वामी स्यामा कुंज बिहारी रंगही में रंज उपजे केरीसों ॥२॥

Basant