Khelan aaee dhamaar naval taruni gopkumari ..

Part3-079

खेलन आई धमार नवल तरूनी गोपकुमारी ॥ सहचरी में चोप चटकीली देत रसीली गारी ॥१॥ कोऊ बनी नंद कोऊ बलदाऊ बहुत ढीठ बरसाने वारी ॥ जसुमति सों गठजोरी कीन्ही कृष्णदास हितकारी ॥२॥

Malkos

Prabhu janpar prasann jaba hohi ..

NityaPad-368

प्रभु जनपर प्रसन्न जब होही ॥ तब वैष्णव जन दरसन पावे पाप रहे नहिं कोई ॥प्रभु.॥। हरि लीला उर आवे ताके सकल वासना नासे ॥ सूरदास निश्चे विचार करी हरि स्वरूप जब भासे ॥ प्रभु.।।

Kanharo

Tata thei rasmondal mein bunn naachat piyake sanga preetampyari ..

Pustak1-332

तत थेई रासमंडल में बन नाचत पियके संग प्रीतमप्यारी ॥ गावत सरस सुजात मिलावत चपल कुटिल भ्रू अनियारी ॥१॥ मालव राग अलापत भामिनी लेत उरप नागरनारी ॥ प्यारी के संग वेणु बजावत सुघरराय गिरिवरधारी ॥२॥ क्रृष्णदासप्रभु सौभग सीमा सब युवतिनमें सुकुमारी ॥ जोरी अद्भुत प्रगटित भूतल केलिकला रस मनुहारी ॥३॥

Malav

Saine dey bulaavo laal baithi hain jharokhe baal banathan key chhipari ...

NityaPad-118

सेन दे बुलावो लाल बैठी हैं झरोखे बाल बनठन के छिपरी ॥। इत सिंघद्वार ठाडो ललन रसिकवर हाथन नौलासी लिये किये बिचित्र भेख अंग अंग रहे दीप री ॥१॥ रूप रिझवार ब्रजराज को कुंवर आली दृग अंकवार भर लिये पलकन झपरी ॥ दोऊ ओर प्रेम की झकोरन में नंददास प्रीत की ललित गत चित चितेरेने लिख लई कठिन लिपरी ॥। २॥॥

Adano

Summer samro chita virachit vesha || galit kusumadal vilulit kesha .. 1..

Part3-009

समर समरो चित विरचित वेशा || गलित कुसुमदल विलुलित केशा ॥ १॥ कापिचपला मधुरिपुणा ॥ विलसति युवति रधिक गुणा ॥ध्रु०॥ हरि परिरंभण वलित विकारा ॥ कुच कलशो परितरलित हारा ॥२॥ विचलदलक ललिताननचंद्रा ॥ तद्धर पानरभसकृत तंद्रा ॥ ३॥ चंचल कुंडल ललित कपोला ॥| मुखरित रशनजघन गति लोला ॥४॥| दयित विलोकित लज्नित हसिता ॥ बहुविध कूजित रति रसरसिता ॥५॥ विपुलपुलक पृथु वेपथुभंगा ॥ श्वसित निमीलित बिकसेद नंगा ॥६॥ श्रमजल कणभर सुभण शरीरा ॥ परिपतितोर सिर तिरणधीरा ॥७॥ श्रीजयदेव भणित हरि रमितं कलि कलुषं जनयतु परिशमितं ॥८॥प्रणिपातं ॥

Basant

Jai laal favyo udo fenta gorey bhaal parr bendi laal soneke sootabane

NityaPad-117

जै लाल फव्यो उदो फेंटा गोरे भाल पर बेंदी लाल सोनेके सूतबने कलंगीके झुकेहैं दाहिने अलक स्थामपर करत हाल ॥।१॥ सुमन बनी नथ फेर फेरत पानखात मुसकात बाल॥ दरशन लखरिझवार रसिकपिय चले गोरस भरे वलल्‍लभ रसिक रसाल ।२॥

Iman

Merey chhaganmagan khelo augan jasumatike baare. latkan latkat

Part1-167

मेरे छगनमगन खेलो ऑगन जसुमतिके बारे। लटकन लटकत लिलाट धूरि धूसर भरे गात कहत मीठी तोतरी बात कुंतल घूँघखारे ॥१॥ कंठ कठुला बिराजै केहरिनख हीरा छाजै पॉइन पैंजनी सोहै नंदके दुलारे । धोंधीके मी बाललीला अवगति अविनाश क्रीड़ा कहत निगम नेति नेति ब्रह्म वेद हारे ॥२॥

Iman

Aavat urag nathye shyam . nand yashoda gopi gopani kahat hain

Part1-171

आवत उरग नाथ्ये श्याम । नंद यशोदा गोपी गोपनि कहत हैं बलराम ॥१॥ मोर मुकुट विशाल लोचन श्रवन कुंडल लोल । कटि पीतांबर भेख नटबर निर्त फन प्रति डोल ॥२॥ देव दिव्य दुंदुभी बजावत सुमन ये बरखाई । सूरश्याम बिलोकी ब्रज जन मात पिता सुख पाई ॥३॥

Nat

Poot bhayori nandraayaken naanchat gawat gwal .. badat naan

Part1-035

पूत भयोरी नंदरायकें नांचत गावत ग्वाल ॥ बदत न काहू जगमें आली वारत हाटकलाल ॥१॥ हरद दूब दधि मांखन छिरकत जब प्रगटे गोपाल ॥ चतुरबिहारी संतनके हित गोकुल आये परम कृपाल ॥२॥

Asawari

Sohe sees mukat shravan kundal bhaal tilak gunjamal pitambar

NityaPad-174

सोहे सीस मुकट श्रवन कुंडल भाल तिलक गुंजमाल पीतांबर सोहे कटि काछनी बिराजे ॥ १॥ शंख चक्र गदा पद्म कर मुरली अधर धरे बूृंदावन चंद मानो गोपीनाथ बिराजे ॥ २॥ गोपीनाथ मदन मोहन श्री नारायण दामोदर दयानिध दीन बंधो दरशन भय भाजे। बद्रिदास के प्रभु सप्त सुरन छबि रह्मो भन ग्राम सुरलेत माधुरी बिराजे ॥२॥।

Gori

Dekhat doll sabey aanand .. neelakamal dhing

Part3-382

देखत डोल सबे आनन्द ॥ नीलकमल ढिंग राजत चंद ॥१॥ लेइ गुलाल परस्पर डारे ॥ सिर नारी सुख सिंधु निहारे ॥२॥ कुसुमन की बरखा बरखावे ॥ ब्रजबनिता मनमोद बढावे || ३॥ गोपी प्रीत झुलावे झूले ॥ पिचकारी तकि डारत फूले ॥४॥ गोपवधू सब करी रणमगी अखियाँ लागत भली रतीजगी ॥५॥ देई असीस आरती बारत || द्वारकेस प्रभु अलक संवारत ॥६॥।

Sarang

Baney laal rung bharey neeke rahey tum rajani aaj .. nenn

Part2-351

बने लाल रंग भरे नीके रहे तुम रजनी आज ॥ नेंन तो अरुन भये बैन तोतरात भले जु भले राजाधिराज ॥१॥ कोन कोऊ उपरना लाये अपनी तो छांडि आये सकुचत नाहिन डारी सब लाज॥ कल्यान के प्रभु गिरिधरन सज रही कीधों कहा कछु हम सों काज ॥२॥ ए राग सुघराई 00 (३०) बोलत बैठे आम की डारी, नहीं जानत विरहिणी विवशता॥ उडाय देओ कोकिला कारी, कुहू कुहू श्याम हो सोचत, शेष निशा दीनो दुःख भारी ॥१॥ अवध बन्धन मानत, बचनन कर पंचम सुर भारी॥ तब नीकी लागे सुन सजनी, जब पार्ऊँ पा निकुंज दा ॥ कृष्णदास स्वामी सुख सागर, रसिकलाल श्रीगोवर्द्धन धारी ॥२ ॥

Sughrayi