Sohilra nand mahar ghar jasumati jaayau haye poot .ghru...

Part1-039

सोहिलरा नंद महर घर जसुमति जायौ है पूत ।घ्रु.॥ ज्ञाति कर्मकौं ब्रजपति आये लियें विप्रकी भीर ॥ गाय बच्छ सब जुरिकें लाए तिनके संग अहीर ॥१॥ नांदीमुख करि दई विप्रन हरखि असीस सुहाई । पंच शब्द मिलि बाजन लागे व्रजजन संग लगाई ॥२॥ जबही यह बात सुनी सुख की बरसाने बजी बधाई | कीरत सहित वृषभान गृह आये भई है सजन मन भाई ॥३॥ जब जसुमतिजू सुनी ये बातें कलश पंच बड़कीने ॥ मंगल बोहोत बजाय घोखमें भान भवनमें लीने ॥४॥ बाल देखि परिक्रमा दीनी टीकौ भेंट मंगाई । अति आनंद भयौ सबहिनके मनमें धरी है सगाई ॥५॥ मुनिके बचन सत्य करि माने बिदा महरिपि मांगी । गदगद पुलकी रोम भये ठाड़े दरशन दे बड़भागी ॥६॥ अपनी अपनी काँवरि कांधे धरें शीशनपर माँट । दै शिर दूब बेँंधावत माथे बंदीजन और भाट ॥७॥ गरीबदास कछु यह जस बरन्यो लघुमति अपनी घातें । जसुमति बोलि पंजीरी दीनी व्यास वंशके नातें ॥

Jethsri

Janam sutkau hott hii anand bhayo nandrai . mahamahochav

Part1-027

जनम सुतकौ होत ही आनंद भयो नंदराय । महामहोच्छव आज कीजै बाढ्यो मन न रहाय ॥१॥ विप्र वैदिक बोलिकें करि स्नान बैठे आय । भाव निर्मल पहरि भूषन स्वस्ति वाचन पढ़ाय ॥२॥ ज्ञातिकर्म कराय विधिसों पितर देवपूजाय । करि अलंकृत द्विजनकों द्वे लक्ष दीनी गाय ॥३॥ सात पर्वत तिलन के करि रतन ओघ मिल्राय । कर कनक अंबरन आवृत दिये विप्र बुलाय ॥४॥ पढे मंगल विप्र मागध सूत बंदी अघाय । गीत गावें हरखि गायक नाचत नट नचवाय ॥५॥ बाजनियां मन बहोत हरखे विविध बाजे लाय। जान मंगल भेरि दुंदुभी फेरफेर बजाय ॥६॥ ध्वजा पताका ब्रज विचिन्रित भवन भवन धराय । बसन पल्लव रचे तोरन द्वार द्वार बंधाय ॥७॥ वृषभ गाय सुबच्छ हरदी तेल तन लपटाय । बसन बर्ह सुवर्णमाला धातुचित्र बनाय ॥८॥ गोप आये भेट लै लै दूध दधि संग लाय । पाग पटुका झगा भूषन महामोल सुहाय ॥९॥ सुनतही भई मुदित गोपी जसोदा सुत जाय । बसन सकल सिंगार अंजन आदि तन भूषाय ॥१०॥ कहा मुखकी कहूँ शोभा भई सो बरनी न जाय । मानों कुमकुम केसरा मधि कमलकी शोभाय ॥११॥ लिये बल करि अति उतावल चली तन बिसराय । श्रवन कुंडल पदिक हिरदे पहरें अति उजराय ॥१३॥ विविध बसन बनाये सिरते खसि कुसुम बरखाय । नंदजूके भवन पैठी वल़य प्रगट लखाय ॥१३॥ अति बिराजत भये कुंडल हदें हार कंपाय । बहुत दई असीस योंही रहो ब्रज सुखदाय ॥१४॥ भई रस उन्‍्मत नाचत लोकलाज गमाय । अजन जन्म निश्शंक गावें हदें प्रेम बढ़ाय ॥१५॥ बजे बाजे जन्म उत्सव विविध ध्वनि उपजाय । नंद के घर कृष्ण आये धर्म सब प्रगटाय ॥|१६॥ गोप नाचत दूध दि घृत नीर सरस नहवाय ॥ विवस तकि नवनीत लोंदा डारत हाथ उठाय ॥१७॥ बड़े मन ब्रजराज भूषण बसन गाय अनाय । सूत मागध विप्र बंदी किये बोल बिदाय ॥१ ८॥ घरन पटये मनोरथ सब गुनिनके पुरवाय ॥ हरि आराधन और सुतकौ उदै हदें लाय ॥१ ९॥ ग्रह पुजाये गणिक उत्तम भली भांति बुझाय। दे असीस चले घरन प्रति परस्पर बतराय ॥२०॥ दे बड़ाई कंठ भूषन हार बसन मेँगाय । नंद दीने पहर फूली फिरत रोहिनी माय ॥२१॥ सकल ब्रजमें भई संपति रमारूप बसाय | करन लीला रसिकप्रीतम रहे ब्रजमें छाय ॥२२॥

Asawari

Dhani-dhani prabhaavati jinn jaai aisee betty dhani-dhani hoe vrishbhan

Part1-203

धनि-धनि प्रभावती जिन जाइ ऐसी बेटी धनि-धनि हो वृषभान पिता । गिरिधर नीकी मानी सो तो तीन लोक जानी उरझ परी मानों कनक लता ॥१॥ चरन पर गंगा ठारों मुख पर ससि वारों ऐसी त्रिभुवन में नाहिन वनिता ॥ “नन्ददास' प्रभु स्याम बस करन कों स्यामाजू के तोलों नावे सिन्धु सुता. ॥२॥

Bihaag

Ramkrishna douu atihi soye maaee..

NityaPad-347

रामकृष्ण दोऊ अतिही सोये माई॥ कहानी कहत यशोदारोहिणी सुनतहैं दोड अतिही मनलाई ॥। १॥ जब जान्यो हरि सोय गयेरी तब चुपरही यशोदामाई ॥ सुन नंदभवन में नितही देख देवगण मनहिं सिहांई ॥२।॥| जाको नाम रटत शिवशारद शेष सहस्रमुख गीतन गाई ॥ परमानंददासको ठाकुर निजभक्तनके अतिसुखदाई ॥३॥

Bihaaagro

Bunny radha

NityaPad-228

बनी राधा गिरिधर की जोरी ॥ मनहु परस्पर कोटि मदन रति की सुन्दरता चोरी ॥१॥ नूतन श्याम नंद नंदन वृखभानसुता नव गोरी ॥ मनहू परिमल बदन चंद को पीवत चकोर चकोरी ॥२॥ कुम्भनदास प्रभु रसिकलाल बहुं विधि रसिकनी निहोरी । मनहु परस्पर रंग बढ़यो अतिकि उपजी प्रीत न थोरी ॥३॥

Saarang

Baithe harikunj navarangaradhesang pahare chhootebandh anga vagolal .

NityaPad-167

बैठे हरिकुंज नवरंगराधेसंग पहरे छूटेबंध अंग वागोलाल । लटपटीपाग शिरसुरंग मजलीन कुल्हे रतन शिरपेच कचढरकरही अर्धभाल ॥।१॥ प्यारीतनकंचुकी छापेदार पहेरि सोधेभरी महेकरही अंगबाल।। लालगिरिधरनछबि निरख गतिविवसभई सरस दड़ रिझ्ल ललिता ललितमाल ॥।२॥।

Saarang

Foolanason benny guhi phoolan kii

NityaPad-260

फूलनसों बेनी गुही फूलन की अंगिया फूलनकी सारीमानों फूली फूलबारी ॥ फूलनकी दुलरी हमेल हार फूलन के फूलनकी चोली चारु ओर गजरारी ॥१॥ फूलनके तरोंना कुंडल फूलन के फूलनकी किंकिणी सरस संवारी ॥ फूलमहेलमें फूली श्रीराधा प्यारी ॥२॥

Saarang

Maadhon yaa ghar bahut dharee ..

NityaPad-364

माधों या घर बहुत धरी ॥ कहन सुननको लीलाकीनी मर्यादा न टरी ॥१॥ जो गोपिनको प्रेम न होतो अरु भागवतपुराण॥ तो सब ओघडपंथहि होते कथत गमैया ज्ञान । २॥ बारह वरषको भयो दिगंबर ज्ञानहीन संन्यासी ॥ खानपान घरघर सबहिनके भस्मलगाय उदासी ॥। ३॥ पाखंडदंभ बढ्यो कलियुगमें श्रद्धाधर्म भयो लोप | परमानंद वेदपढ़बिगर्‌यो कापर कीजे कोप ॥४॥

Bihaag

Barsaanen varr sarovar pragasyi adbhut kamal . vrishbhan kieran

Part1-182

बरसानें वर सरोवर प्रगस्यी अद्भुत कमल । वृषभान किरन प्रकाश पोष्यौँ रहत प्रफुलित सदाई यह सरस सुंदर अमल ॥१॥ सखी चहूँ दिश केसरदल कर्णिका आकार राजत राधिका यश धवल । सूरदास मदनमोहन पिय नव मकरंद हित सेवित सदा अति नलिन अलि ॥२॥

Dhanashri

Kanhakau karna chhedan haath suhari bheli gurki | vidhi bihansat

Part1-139

कान्हकौ कर्ण छेदन हाथ सुहारी भेली गुरकी | विधि बिहँसत हँसत हेरि हेरि जसुमतिकें धकथकी उरकी ॥१॥ रोचन भरि लै देत सूची श्रवन निकट अति ही चातुरकी । कंचनके द्वै दुर मैंगाय लिये कहा कहों छेदन आतुरकी ॥२॥ लोचन भरि भरि दोऊ माताके कान छेदन देखत जिय मुरकी। रोवत देख जननी अकुलानी लियौ तुरत नउवाँकौ भुरकी ॥३॥ हँसत नँद युवती सब विहँसीं झुमक चलीं सब भीतर ढुर्की । सूरदास नंद करत बधाई अति आनंद बाला व्रजपुरकी ॥४॥

Saarang

Usirmahal bethe piyapyari

NityaPad-250

उसीरमहल बेठे पियप्यारी गावत तान तरंग ॥ सा री ग म प ध नि अलाप करत सुर तीनग्राम इकबीस मूरछना संग ॥१॥ कंठबांह जोरि नवलघूंघट खोल नैनन सैनन बहुरंग ॥ तानसेनके पिया हे बहुनायक रीझरीझ बार देत मानिनी मानभंग ॥२॥

Saarang

Arrie humm daan joe laihen russ goraskau yahee hamarau kaaj ..

Part1-232

अरी हम दान जो लैहें रस गोरसकौ यही हमारौ काज ॥ हम दानी तिहुलोकके चारयौ युगमें राज ॥१॥ बोहोत दिनन तुम गई अछूती दान हमारी भाज ॥ कुंभनदास प्रभु गोवर्धनधर ब्रृंदावनमें गाज ॥२॥

Bilawal