Odhein llal upareni atijhini ..

NityaPad-244

ओढें ल्लाल उपरेनी अतिझीनी ।। तनसुख श्वेत सुदेश अंस पर बहुत अरगजा भीनी ॥१॥ अतिसुगंध सीतल अरु चंदन सादी रचना कीनी ॥ रहीधसि भुव पर थाग दुपेची कोटिमदन छबि छीनी ॥२॥ सूथन बनी हिरमिची शोभित गति गयंदकी कीनी ॥ परमानंदप्रभु चतुरशिरोमणि व्रजवनिता प्रेम रतिदीनी ॥।३॥

Saarang

Latpati pagkepech savaaro .. kardarpan leey nirakhbaarnen

NityaPad-149

लटपटी पागकेपेच सवारो ॥ करदर्पन ले निरखबारनें सुंदरबदननिहारों ॥ १॥ रंगभीने मुसकात मनोहरनेहकहानिखारो ॥ सूरदासप्रभु सबसुखदाता चिततेनेंक न टारो ॥२॥

Bilawal

Aho srigopal gwalini koo jhoomka hoe .. sughar

Part3-133

अहो श्रीगुपाल ग्वालिनी को झूमका हो ॥ सुघर सुर जावे चतुर ब्रज नार॥ अहो पिय चान्नक ज्यों किलकार ॥ फाग रस झूमका हो ॥ सीस मुकुट काछनी काछे पट औढे कनक अनुडारी ॥ करनकार के किरन वैजंती मुरली मधुर उचारी ॥ उघटत राग रागिनी अद्भुत नट ज्यों दै कर तारी ॥ त्रिबिध पवन जमुना तट उपवन ठाड़े लाल बिहारी ॥१॥ तरुनी अरुनी अनार मानौं दसन देह दुति गोरी ॥ केस सुदेस कुटिल अलकाबली भौंह धनुष ज्यों भोरी ॥ कमल गहे कमला लाजति रति रंभा रति की थोरी ॥ झुनकति कटि किंकिनि कटि तर नव दामिनी सी छिंग होरी ॥२॥ पढिरे सारी सब सुकुमारी केसर बरन सुरँग ॥ लहेंगा लाल नील अँगीया लसे सिंद्र पुरित मँग ॥ केहरी लंक मयंक मुखी सुठ कठिन उरोज उतंग ॥ चाल चले कल हंस विमोहे मद तजि मत्त मतंग ॥३॥ नैना चपल मीन खंजन के चित चौगुने चोभे || भाल दीये बंदन की बिंदुरी बीरी वदन मधि सोभे || चिबुक की चमक छबक ग्रीवा की मंद हँसन मन लोभे ॥ बैनी सिथिल डोलति नितंब पै मानों पन्नग छबि सोभे ॥9॥ नासा नथ जड़ाव मोती झलके पोत सुकंठ बधाई ॥| माला चंपकली त्रिवली चौकी चंदहार सुखदाई ॥ कर कंकन बाजुबंद पहौंची पण जेहरि सुहाई ।। रूप अनुप निहारी विवस भयै नंद किसोर कन्हाई ॥५॥ कुँमकुम जल पिचकारी भरि भरि अबीर गुलाल उड़ावै ॥ सोंधो घोरि अरगजा पीतम परसि गात लपटावै ॥ गुंजति अलि प्रफुलित बेलि द्रुम कुंज भुवन सचु पावै ॥ श्री विन्‍्ठल गिरिधरन कृपानिधि नित ही नाँच नंँचावें ॥६॥

Sarang

Krishnanam jabaten shravanasunyori aalee bhooli bhawan houn tou

NityaPad-098

कृष्णनाम जबतें श्रवणसुन्योरी आली भूली भवन हों तो बावरी भईरी॥ भरभर आवें नयनचितहूं नपरे चेन मुखहूं नआवेबेन तनकीदशा कछू औरें भईरी ॥ १॥ जेतेक नेमधर्म कीनेरी में बहुविध अंगअंग भई हूंतो श्रवण मईरी॥ नंददासजाके श्रवणसुने यह गति माधुरीमूरति केंधों कैसी दईरी ॥२॥

Aasawari

Prafulit ruchir tarani-tanaya tata horry khelati madan

Part3-271

प्रफुलित रुचिर तरनि-तनया तट होरी खेलति मदन गुपाल ॥ बलदाऊ संग सखा सहित सब अद्भुत रूप-रसाल ॥१॥ पहरे बिसद सुभग तन वागौ अंबुज नैेन बिलास ॥ आसव प्रेम पिएँ मदमाते चलत अटपटी चाल ॥२॥ दुलरी कंठ बिमल मुक्ताफल मृगमद तिलक सुभाल ॥ मकराकृत कुंडल जुग ख़बनन सोहत उर वनमाल ||३॥ गावत राग सरस सुर सौं नट बिबिध बनावत ख्याल ॥ बाजत बैंनु, मुरज, बीना, ढ़फ, श्रीमंडल मधु ताल ॥४॥ चोवा मेदि जवादि अरगजा लाए घट भरि ग्वाल ॥ हाथ रतन-पिचकाई रस सौं छिरकत केसर लाल ॥५॥ बिबिधि बिधि ऊड़ौो अति बूका हो उड़त बढ्यौ तम-जाल ॥ प्रगट करत अनुराग हंदे कौ डारत मुठी गुलाल ॥६॥ रति संग्राम लरन कौ गारी, गावत जुरि ब्रज बाल ॥ गिरिधर सनमुख राधा दौरी ओट क्ये कुच-ढाल ॥७॥ फगुबा माँगति ब्रज की ललनाँ काजर लावत गाल ॥ लीला निरस्त थकित महिला जन चितवबत भई बिहाल ॥८॥ दरस करन आयौ कुसुमाकार, कुसमित नव द्रुम डाल ॥ सुक पिक मोर मधुप मधुरी धुनि प्रगमट करी तिहिं काल ॥९॥ क्रीड़ा जलधि कहन कौं को कवि सबै भई मति ग्वाल ॥ 'गोंकुलचंद' रूप अवलोकति मिटे सकल जंजाल ॥१०॥

Nat

Jaago gopallal duho dhauri gaiyaan .. sadadoodh muth pivo

NityaPad-016

जागो गोपाललाल दुहो धौरी गैयां ॥ सददूध मथ पीवो घैयां।।१॥ भोर भयो वन तमचर बोले ॥ घरघर गोप बगर सब खोले ।॥।२॥ गोपी रई मथनिया धोवे ॥| अपनो अपनो दह्यो विलोवे ।।३॥ संगके सखा बुलावन आये।॥ कृष्णनाम लेले सब गाये ॥४॥ भूषण वसन पलट पहराऊं॥ चंदनतिलक ललाट बनाऊं ॥।५॥ चतुर्भुज प्रभु श्रीगोवर्द्धनधारी ।। मुखछबिपर बलगई महतारी ॥।

Bhairav

Vrindavan rahey seedhaay biharat row syamasyam

Part3-033

वृंदावन रहे सीधाय बिहरत रो स्यामास्याम मल्लकाछ फेंट बांधी खेलत बसंत | जटित टीपारो ससि नृतत अनेक रंग उपजावत सप्तमान कोकिला हंसत | बाजत्त मृदंग ताल सहनाइ ढोल ढमक गावत हिंडोल राय भये मदनमोहन गिरिवरधर राधा भूले गुलाल बरखावत गगन सघन भयो सूर छिपंत ॥

Basant

Lalit kathaa aeka kahon ladente neku sakuch taja chhandade aar..

Part2-262

ललित कथा एक कहों लडेंते नेकु सकुच तज छांडदे आर॥ सूरज वंश नृपति दशरथकें भये सुंदर सुभग सुतचार ॥१॥ तामें बडे रामचंद्र राजा जनकसुता जाके घर नार॥ पंचवटीकों चले राजतज पिता बचन माथें परधार ॥२ ॥ वैकुंठनाथ रनधीर वीर रघु तापस अनुहार॥ मारे कुटिल सबल राक्षस अति कानन बसति बिघनसब टार ॥३॥ कपटरूप रावन सीताको लेगयो लंक सिंधुके पार॥ जानकी हरन सुनत सूरजप्रभु चोंक उठे लाओ धनुष संभार ॥४ ॥

Kanharo

Khelati shyam sujan sakhaa sanga raaje hoe .. jyon

Part3-183

खेलति श्याम सुजान सखा सँग राजे हो ॥ ज्यों व प्रभाकर रवि सुकमल बिराजें हो ॥१॥ उत बनी नवल किसोरी सखी संण सोहनी ॥ इक तै इक सरूप श्याम मन मोहनी ॥२॥ बाजति वर ढफ झांझि परम मन भाव ही ॥ जावत गारी धमारि प्रेम उपजाव ही || ३॥| छिरकति केसरि नीर अबीर उड़ाव ही | कमलासी नवलासी लीये तीय धाव ही ॥४॥ गद्मयो अचानक आई लला ब्रजराज के ॥ करन लगी मन भायो डारि डर लाज कें ॥५॥ इक धरे भुज अंस बनी अति भाँमिनी ॥ इक रही उर लागि मनौं घन दामिनी ॥६॥ लै करि केसर अंग प्रिया ससि प्रिया मुसिकाय के ॥ छिरके हें मोहन लाल हीयें हलसाइ कें ॥७॥ बोलि उठी हो होरी सखी सब आई के ॥ मगन भये जे कृष्ण ध्यान उर लाई के ॥८॥

Kaafi

Tum pein curry haye bhayo tumaro kaam ..1.. pratham naav tum hii pein laayo gaee beet jug

NityaPad-219

तुम पें करी है भयो तुमारो काम ॥१॥ प्रथम नाव तुम ही पें लायो गई बीत जुग जाम ॥ कछुक लेहो मिलहे फिर देहें सब सुख सुंदर स्याम ॥।२॥ नाम चंद्रावली गोप गोधन घर रीठोडा मेरो गाम ॥ 'छीत स्वामी गिरिधरन श्री विड्ल कहा कोन सो धाम ॥३॥

Saarang

Himkar sukhad saras rituai adbhut shobha barni naan jaaee ...

NityaPad-119

हिमकर सुखद सरस रितुआई अद्भुत शोभा बरनी न जाई ॥। प्यारीजुके फरगुल सोहे प्रीतम ओढे सरस रजाई ॥१॥। परेहें परदा ललित तिबारी धरी अंगीठी सुखदाई ॥ बरत अंगार धुप अंबरलों सरस सुगंध रहां तहांछाई ॥२।।

Bihaag

Useer mahal mein raajat douu jan .. sheesh tiparo sohe laal key

NityaPad-170

उसीर महल में राजत दोऊ जन ॥ शीश टिपारो सोहे लाल के श्वेत साड़ी फबि रहि प्यारीतन ।। ९॥॥ आस पास बृज युवती ठाडी करत बीजना वारत हैं तन ॥| चतुरबिहारी दम्पत्ति अद्भुत छवि बरन सके ऐसौ को है कबि जन ॥२॥

Saarang