Aayo aayo piya yeh ritu vasant .. dampati mansukh

Part3-059

आयो आयो पिय यह ऋतु वसंत ॥ दंपति मनसुख विरहिन अंत ॥ फाग खिलावो संगकंत ॥ हाहाकरि तृन गहतदंत ॥१॥ तुरत गये हरिलई मनाय ॥ हरखि मिले हरि कंठलाय || दुःख डारचो तुरतहि भुलाय ॥ सोसुक दोउनके उरनमाय ॥२॥ ऋतु बसंत आगमन जानि ॥ नारिन राख्यो मात बानि ॥ सुरदास प्रभु मिले आनि || रस राख्यो रतिरंग ठानि ॥३॥

Basant

Dekhori gopal kahaanhe khelat ..

NityaPad-074

देखोरी गोपाल कहांहे खेलत ।। के गायन संग गये अगाऊके खिरक वछरू वन मेलत ॥| १॥ कहत यशोदा सखियन आगे परोस धरीहे थारी॥ भोजन आन करो दोऊभैया बालक सहेत मुरारी ।।२॥ ऐसी प्रीति पिता माताकी पलक ओट नहींकीजे ।। वारंवार दासपरमानं द हरिकी बलेया लीजे ।॥।३॥।

Dhanshree

Ratisukhsare gatambhisare madanmanoharvesham. nakurunitambini

NityaPad-329

रतिसुखसारे गतमभिसारे मदनमनोहरवेषं। नकुरुनितंबिनि गमनविलंबन मनुसरतं हृदयेशं॥। १॥ धीरसमीरे यमुनातीरे वसति बने वनमाली ॥। गोपीपीन पयोधरमर्दन चलितचपल करशाली ॥।ध्रु.॥ नामसमेतं कृतसंकेत॑ बादयते मृदुवेणुं ॥ बहुमनुते तनुते तनुसंग तपबनचलितमपिरेणुम्‌ ॥३॥ पततिपतत्रे विचलति पत्रे शंकितभव दुपयानं ।। रचयतिशयनं सचकितनयनं पश्यति तवपंथानं ॥३॥ मुखरमधीरं त्यजमंजीरं रिपुमिवकेलिसुलोलं ॥॥ चलसखिकुंज॑ सतिमिरपुंजं शीलयनीलबोलं ।।४॥ उरसिमुरारे रुपहितहारे घनड़व तरलबलाके ॥ तडिदिवपीते रतिविपरीते राजसिसुकृतविपाके ॥५॥॥ विगलितवसनं परिहृतरशनं घटयजघनमपिधान ।| किसलयशयने पंकजनयने निधिमिवहर्षनिधानं ॥६।। हरिरभिमानी रजनिरिदानीमियमपि यातिविरामं ॥ कुरु मम बचन॑ सत्वररचन पूरय मधुरिपुकामं ॥।७॥| श्रीजयदेवे कुतहरिसेवे भजति परम रमणीयं॥। प्रमुदित हृदयं हरिमतिसदय नमतसुकृत कमनीयं ॥८॥

Bihagaro

Madhur vrajdesh vash madhurkino ..

NityaPad-352

मधुर ब्रजदेश वश मधुरकीनो ॥ मधुर गोकुलगाम मधुर वललभनाम मधुर विद्वलभजन दान दीनो ॥१॥ मधुर गिरिधरन आदि सप्ततनुवेणु नाद सप्तरंध्रन मधुर रूपलीनो ॥२।॥। मधुर फलफलित अति ललित पद्दानाभप्रभु मधुर अलि गाबत सरस रंगभीनो ॥| ३।।

Bihaag

Herry haye aaj vrishbhaanke anand bhayau | naachat gopi gwal

Part1-184

हेरी हे आज वृषभानके आनंद भयौ | नाचत गोपी ग्वाल परस्पर छिरकत हरद दह्मौ ॥१॥ श्रवन सुनत ग्रह ग्ृहतें निकरसी सुंदरी साज सिंगार | हरद दूब अक्षत दि कुमकुम चली कंचन भरि थारी ॥२॥ बीना बेंनु बखान महुवरी बाजे प्ावज ताल । हँसत परस्पर प्रेममुदित मन गावत गीत रसाल ॥३॥ धन्य वृषभान गोप धन्य कीरती धन्य बरसानों गाम | धन्य धन्य प्रकट भये आनेंद निधि धन्य श्रीराधा नाम ॥४॥ सिंधुसुता गिरिसुता सची रति कोऊ नॉँहि समान । धन्य धन्य गोविंददासकी स्वामीनी ब्रजकी जीवन प्रान ॥५॥ ह

Saarang

Sriyamuna karat kripa koo daan, joe kouu aavat daras tihaare

NityaPad-013

श्रीयमुना करत कृपा को दान, जो कोऊ आवत दरस तिहारे सब के राखत मान ॥| ९॥॥ कलि के जीव दोष भंडारी करत तिहारो पान | भये अनन्य सबही ओरे तें सुर मुनि करत बखान ॥२॥ जे जन हरिलीला अधिकारी करत तिहारो गान, मैं मतिमंद कहां लौं बरनों रसिकदास जन जान ।।३॥।

Bhairav

Bansiri bunn kaanh bajaabat .. aana sunau shravanan madhure swar

Part1-294

बंसीरी बन कान्ह बजाबत ॥ आन सुनौ श्रवणन मधुरे स्वर नादमध्य ले नाम बुलाबत ॥१॥ स्वर अति तान बँधान मूर्छना अमित अनागत लावत ॥ जुरयुग भुजशिर शैल शेष मथ बदन पयोधि अमृत उपजावत ॥२॥ मानों मोहनी भेष धरकें मनमोहन पान करावत ।। खगमृग मीन वश भये नादरस मृतक हुतो मदनैंजु जगावत ॥३॥ और कहाँ लगि कहों सूर थिर चर मोहे कोई

Kedaro

Aaj

NityaPad-328

आज आली अचरज सुन मेरे प्रीतम आए मनावन॥ तूं जोनहिन दुहुन समझावत रूसगए मनभावन ॥| १॥ जाकी चरणरज ब्रह्मादिक सुरमुनि पशुपंछीगन पावन | तबतें नबिसरत मोहि सखीरी रसिकराय मुखलावन ।।२॥

Bihagaro

Govardhan giridhari thaadhe daan hamari deejai bhamini ||

Part1-240

गोवर्धन गिरिधारी ठाढ़े दान हमारी दीजै भामिनि || सॉमल पीतपट ओढ़ें ज्यों घनमें चमकत दामिनि ॥१॥ बग पंगति मोतिन की माला इंद्र धनुष गुंजा सब कामिनि ॥१॥ द्वारिकेश प्रभु रीझ लई तब दीनौ दान सकल सब स्वामिनि ॥२॥

Aasawari

Mohan moorati maaee | saanvaraun, nand nandan jihin

Part3-222

मोहन मूरति माई | सांवरौं, नंद नंदन जिहिं नॉँवरो । अब गये मेरे द्वारैं के, कहत रहत ब्रज गांवरौ ॥ मैं जमुना जल भरि घर आवति, मोहि करि लागौ ताँवरौ ॥ ग्वाल-सखा संग लीन्हें डोलत, करत आपनौ भावरौं | जसुमति कौ सुत, महर-ढुटौना, खेलत फागु सुहावरौी । सूर, स्याम-मुरली-धुनि सुनि री । चित न रहत कहूं ठाँवरो ॥

Kafi

Gaavo gaavau mangalchar badhaavi nandaken. aavee aangan kalash

Part1-031

गावो गावौ मंगलचार बधावी नंदकें। आवी आंगन कलश साजिके दधिफल नूतन डार ॥१॥ उरसों उर मिलि नंदराय गोप सबै निहार। मागध सूत बंदीजन मिलिकें द्वार करत उच्चार ॥२॥ पायौ पूरन आस करि सब मिलि देत असीस । नंदरायकौ कुँवर लाड़िलो जीवों कोटि बरीस ॥३॥ तब ब्रजराज आनंद मगन मन दीने वसन मंगाय । ऐसी शोभा देखिकें जन सूरदास बलि जाय ॥४॥

Asawari

Gend bachee hoe khelo arrie maiya.

Part2-238

गेंद बची हो खेलो अरी मैया। घरघरतें सब सखा टेरके गेंद उछारी ही झेलो ॥१ ॥ रीत बातन ब्योरावत मैया होंन जेहों अकेलो। जसुमति मन अभिलाख भयो तब प्रभु कल्यान याहि खेलो ॥२॥

Poorvi