Chandan sugandh anga lagaay aaye merey grih hamahi mug jovat laal tiharohe ..

NityaPad-241

चंदन सुगंध अंग लगाय आये मेरे गृह हमही मग जोवत लाल तिहारोहे ॥ ढीले ढीले पग धरत घामके सताये लाल बोलहु न आवे बैन कोनके बचन पारेहो ॥१॥ बैठो लाल सीतल छांह श्रमहुको निवारन होय सीतल जल यमुनाको अनेक भांति पीजिये। नंददास प्रभु प्रिय हमतो दरसकी प्यासी ऐसी नीकी करो कृपा मोहि दरस दीजिये ॥॥२।।

Saarang

Aaj kachhu dekhiyat orhi baanik pyaari tilak

Part3-023

आज कछू देखियत ओरही बानिक प्यारी तिलक आधे मोती मरणजीमंग ।॥ रसिक कुंवर संग अखारे जागी सजनी अघर सुखे निस बजावत उपंग ॥१॥ नवनिकुंज रंग मंडपमें नृत्यभूमि साजि सेज सुरंग ॥ तापर बिनिध कलकूजित सखीसुनत श्रवण वन थकित कुरंग ॥२॥ कृष्णदास प्रभु नटवरनागर रचत नयन रति पतिब्रतभंग ॥ मोहनलाल गोवर्धनधारी त्ोहि मिलन चलि नृत्यक अनंग ॥३॥

Basant

Laal tum pakri cassie baan .. jabahin humm aavat dadhi

Part1-235

लाल तुम पकरी कैसी बान ॥ जबहीं हम आवत दधि बेचन तबहीं रोकत आन ॥१॥ मन आनंद कहत मोंहो की सी नंदर्नंदनसों बात ॥ पूँघटकौ ओझिल डै देखत मनमोहन करि घात ॥२॥ हैँसि हँसि लाल गह्यौ तब अचरा तनक दही जो चखाई ॥ श्रीविह्लगिरिधरनलालनें खायौ दिया. लुगाई ॥३॥

Bilawal

Kaise curry keejai veda kahyo . harimukh nirakhat vidhi-nishadhakau

NityaPad-098

कैसे करि कीजै वेद कह्यो । हरिमुख निरखत विधि-निषधकौ नाहिन ठोर रह्यो ॥ १॥ दुःखको मूल सनेह सखीरी सो उर पैठि रह्मो। परमानंद प्रभु केलिसमुद्रमें परद्योसु ले निबह्नो ॥२॥

Saarang

Naval kunwar milikhelen faag hohohori bollie ..

Part3-157

नवल कुंवर मिलिखेलें फाग होहोहोरी बोली ॥ आमम सुनि ऋतुराजको उपज्यो मनमें अति अनुराग ॥ १॥ बरस द्योस लागी रहे या सुखकी आसाजिय मांहि ॥ जोबिधना ऐसीकरे सवेद्यो सहोरी व्हें जांहि ॥२॥ अतिहुलास चितमेंबाढ्यो अब रोक्यो यहकापे जाय ॥ उमगि चल्यो रससिंधुको अपनी मर्यादा विसराय ॥३॥ सुबल सुबाहु सखा सबे जोरिलियो निज संग समाज ॥ अपने अपने घरनते निकसे करि खेलन को साज ॥४७॥ एक सखाहोहो करे एककरे उलटी कछु रीत ॥ मधुमंगल नाचतचले गावतहें होरीं कें गीत ॥५॥ एक दिगंबर रूपधरे नखसिख अंगविभूत चढाय ॥| एक कोउ कामिनि भई चलेहें दुह्ुंन की गांठिजुराय ॥६॥ ताल पर्ावज बाजही बाजेंरुज मुरज सहनाय ॥ दुंदुभी डफ ओर झालरी रघह्यो कुलाहल सब ब्रजछाय ॥|७॥ सेननहीमें सांवरे कह्यों सुबलसों यों समझाय ॥ आजभैया यह साजसों खेलें वरसानेमें जाय |॥|८॥| आये बट संकेतमें जहांकीनी मुरलीकी घोर ॥ श्रवन सुनत प्यारी राधिका चोंकि परीचित रह्योन ठोर ॥॥ निकसी संग समाजले खेलनको सब साज बनाय ॥ पावस क्रतु सरिता मानों उमगि चली रससिंधुसमाय ॥ १ ०॥ एकन करमेंदुक सोह़े एकन नवलासी बहुरंग ॥ झुमक मिलि जावत चली झोरिन भरि गुलाल सुरंग ॥ १ १॥ ताल पखावज बाजही सुरवीना महुवरि मुखचंगण ॥ मधुर मधुर स्वर बाजहीं मदनभेरि डफ चंग उपंग ॥ १ २॥ आयप्रिया पोहोंची तहां खेलतहें जहां नंदकिशोर ॥ मानोसमर संकेतमें रूपे सुभट सनमुख दोऊ ओर ॥१३॥ विविध भांति फूलनगुही पहलें मेंदुक दइ चलाय ॥ मानो रस संग्रामकी आगें दईवसीटपठाय ॥|१४॥ पिय पिचकारी पूरिकें दई प्रिया उर ऊपर तानि ॥ अगर अरगजा घोरिकें मुख सोधों लपटायो सानि ॥ ३ ५॥ बरखतहे दुंहूं ओरतें मनोमेघ उमडे जलरास || गौरघटा ओर सांवरी बरखत केसरनीर सुबास ॥१६॥ सब सखियन ढिंग स्यामके दीनो लाल गुलाल . उडाय ॥ दुरि पाछेते घातसों गहेकुंवरि मनमोहन जाय ॥१७॥ एकन भुज गाढ़ीगही एक बनावत चित्र कपोल ॥ एक निडर आंजन लगी नयन कमलदल परम सलोल ॥ १८॥ इक सनमुख मुख चाहही एकलेतकर चिबुक उठाय ॥| बहुत कहावतहो आपुनकों आज बदूंजो जाओ छुडाय ॥[१९५ ॥ एकन मुरली हरिलई एकन मोतिनमाल उतारि ॥ नवकेसर मुखमांडिकें एक नाचतहे देदेकरतारि ॥|२०॥ एकन गहिवेनी गुही एकन मोतिन मांग संवार ॥ उरज परकंचुकी कसी तापर मोतिन माल सुढार ॥२१॥ तनसुख की सारी बनी अतिझीनी सोंधे सोंसान ॥ अगर अरगजा बोरिकें पहराबत प्रीतमकोंआन ॥२२॥ नूपुर कंकन किकिनी नखसिख भूषणसजे सिंगार ॥ सो सुखदेखेही बने अद्भुत सोभा बढी अपार ॥२३॥ कर परकर धरि लेचली बेठेरी प्यारी ढिंगजाय ॥ आई नई यह सहचरी चाहत हो देखन को पाय ॥२४॥ अति प्रवीन गुन आगरी वेन बजावत परमअनूप ॥ सेवा अंग सिंगारमें सुघर सखी सावरी स्वरूप ॥२५॥ उतकंठा तुम मिलनकों लगी रहत याके जीय मांहि॥ हँसि भेटो दोऊ अंकभरो जेसें तनमन नयन सिरांहि || २६॥| अतिआनंद हुलाससों मिली सखी दोऊ भरि अंकवारि | जब जान्यो यह भेदकछू तबही सकुच मुसिकाय निडारि ॥२७।॥ जो आनंद उरमें बढ्यो एक रसना वरन्यों नहीं जाय ॥ दिनदिन यह सुख दुह्ुुंनकूं निरखि माधुरी नयनसिराय ॥२८॥

Dhanashri

Shyam naval naval badhu kunjan madhya naval keli chand naval raas

Part1-342

श्याम नवल नवल बधू कुंजन मध्य नवल केलि चंद नवल रास रचित शरद शर्वरी ॥ ताल धरनि एक मृदंगनि एक रवाब बजावै उपंगन मध्य नायक नॉचत गावत जोरी कर्वरी ॥१॥ तट तरंगन निकट तरुणी कटितट मृदु चंपक बरणी बाम दक्षिण प्रीति भाव करत गर्व री ॥ गिरिवरधर भदनमोहन भूलि रहौ सकल गगन मगन कृष्णदास कहत बहुत प्रेम पर्व री ॥

Iman

Jaamo banyo jartasko sunderlal bund aru jarad kinari |

NityaPad-070

जामो बन्यो जरतासको सुन्दरलाल बन्द अरु जरद किनारी | झालरदार बन्यो पटुका झटक्यो दिल ता बीच जात कहां री ॥ १॥| बांकी चाल करै जु निहाल करे गजराज हु मोज तिहारी। गोविन्द देखत नेन तकि रही झांक झरोखनम बांके बिहारी ॥२॥।

Todi

Khelongi piya sanga horry khelongi .. nava nikunj

Part3-323

खेलोंगी पिय संग होरी खेलोंगी ॥ नव निकुंज ठाड़े मोहन के उर गूंथि कुसुम माल मेलोंगी ॥१॥ होरी की पून्यों पूरण शशि प्रेम सिंधु रस झेलोंगी ॥ रस बश ब्हे निधरक ब्रजपति सों आरज पंथपण पेलोंगी ॥२॥

Kalyan

Utho merey laal gopal ladley rajani veeti bimal bhayo bhor ..

NityaPad-016

उठो मेरे लाल गोपाल लाडले रजनी वीती बिमल भयो भोर ॥ घर घर दधि मथत गोपिका द्विज करत वेदकी सोर ॥ १॥ करो कलेऊ दधि ओर ओदन मिश्री मेवा परोसूं ओर ॥आस करण प्रभु मोहन तुम पर वारों तन मन प्राण अकोर ॥२॥

Bhairav

Radhika rasik gopal kii bhaanbati ..

Pustak1-355

राधिका रसिक गोपाल की भाँबती ॥ गहे कर तल कमल केलि लीला सहित सेज सुख रति रंग लटकती आबती ॥१॥ सघन वृंदाबिपिन तरुन तनिया तीर सरदको चंद्रमा सरस प्रफुलामती ॥ पहरि आभरन चीर सरस सुकुमार तन सौरभ रुचिर पाईन लगावती ॥२॥ भ्रौंह नृत्यत मदनरूप जोबन सिखर सिंधु गोवरधनधरन मन उपजावती ॥ कहै कृष्णदास प्रभु चतुर तें चतुर अति संग मिलि सुरति पीय मधुर कल गावती ॥३॥

Kedaro

Alag laagan urap tirap gati nachbat vrajalalana raase ..

Pustak1-332

अलाग लागन उरप तिरप गति नचबत व्रजललना रासे ॥ उघटत शब्द तत थेई तत थेई मृगनयनी ईषद हासे ॥१॥ चाल चंद लजावत गावत बाँधत मदन श्रोंह पाशे ॥ चलत उरज कटि किंकिणी कुंडल श्रमजणल कण शोभित आशे ॥२॥ नूपुर रुनित क्वणित कटिमेखला कटितट काछें नीलन वासे ॥ अवधर तान मान बंधाने मोहत विश्व चरणन्यासे ॥३॥ मोहनलाल गोवर्धनधारी रिश्नबत छैल सुधर लासे ॥| अपने कंठ की पिय श्रमदल की माला देत कृष्णदासे ॥४॥

Malav

Aaju rasrang rahauju ..

Pustak1-332

आजु रासरंग रहौजु ॥ हरि राधा खेलत रासमें प्रेंम सिंधु बह्मौजु ॥१॥ नैन चपल कर नवल चरन चल आछे ॥ पिय के सिर मुकुट लटकि बैनी प्यारी पाछे ॥२॥ किकिनी कटि चारु हार नूपुर रव सोहे ॥ मुरली धुनि श्रवण सुनि सो को है जो न मोहै ॥३॥ पीय धरे तिरप तान सुनि सरिता थक्‍यौ ॥ चंद थक्‍्योौ गगन मध्य नेंकु न रथ हँक्यो ॥४॥ निर्त भयौ दूगन रंग कापै जात कह्मौ ॥ हित दामोदर ललिता सुख सरिता ज्यों बह्मौ॥५॥

Poorvi