Chaaru kundal kii jhalak ..

NityaPad-277

चारु कुंडल की झलक ॥ कुमकुम को तिलक बन्यो कुटिल न बड अलक ॥१॥ हरि को मुख कमल देखे लागत नाहि पलक ॥ मोर मुकट सीस मनसिज की मलक ॥२॥ श्याम सुंदर देखन को आवत जीय ललक ॥ परमानंद स्वामीगोपाल नेन की सलक ॥।३॥

Saarang

Chandan arghaza leey aaee baal lalke anga lagavan ..

NityaPad-239

चंदन अरगज़ा ले आई बाल लालके अंग लगावन ॥ सुगंध गुलाबजल तामध्य कपूरडारि अंजुली भरभर लेपत गात लागत पवन चढावन || १॥ नाना बहु भांतनके कुसुमनसों शय्यारची मची सुवास बसी प्रीतम मनभावन।॥। मुरारीदास प्रभु ग्रीष्मरितु दाह तपत तेसेई लागी सारंग राग गावत॥२॥

Saarang

Sunderlal govardhanthari kahaan tum raine basey merey laal... aalas

NityaPad-051

सुंदरलाल गोवरधनथारी कहां तुम रेन बसे मेरे लाल॥। आलस नयन वेन चलबोल छूटे बंद डगमगात चाल ॥। १॥| सारंग अधर रुचिर वपु नखक्षत कुच प्रसंग उर विलुलित माल ॥ कररथ हीन मीन पति जीत्यो चढी धनुष मानो भ्रोंह विशाल ॥। २॥ नहीं सतभाय कहत प्रीतमसो फिरतहो पात पात अरूडाल दास पुरारी प्रीति औरनसों देखत प्रकट तुम्हारे हाल !।३॥

Lalit

Kaahekau maangat tum daan .. oodham curry rahey baat sub

Part1-236

काहेकौ माँगत तुम दान ॥ ऊधम करि रहे बात सब समुझी जाते तुम ठानी यह ठान ॥१॥ काहेकों करत अबार लाड़िले छाँड़ो हमारी आवन जान ॥ तब हँसि कहत रावरे मेरे भलौ बन्यौ लैबे कौ दान ॥२॥ पहेलें खेल कियौ मटकीसों तब मिस सों गहि बाँह मरोरी ॥ श्रीविद्दलगिरिधर प्रीतमनें कैसें उर मोतिन लर तोरी ॥३॥

Bilawal

Kaanh ataa parr chung udawat mein itane uta aangan

Part2-240

कान्ह अटा पर चंग उडावत में इतने उत आंगन हेयों। नैन भये विभिचारी नारायन भाजत लाज किथों भट मेरो ॥१॥ मोहि तो यह जक लगी रहत है क्यों हू क्‍यों हू फिरत न फेयों । 'परमानंद' प्रभु यह अचंभो एंचत डोर किथों मन मेरों ॥२॥

Adano

Raas mein russ bharee radhika aavai .. baahu piya uns dhari huns

Part1-339

रास में रस भरी राधिका आवै ॥ बाहु पिय अंस धरि हंस गति लटकती कुच कनकघट रसिक मन सुहावै ॥१॥ तिरप तांडव लास्य उरप सुलपनि भेद निर्तत पीय संग मधुर कल गावै || लोल कटि देश मूरति रत्न मेखला नूपुर क्वणित हस्तक दिखाबै ॥ चपल मोहे नैन रुचिर मुसिक्यावनी रूप गुन रासि प्रानपति रिझ्ञावै ॥ वृषभान नंदिनी गिरिधरन नंदसुत चरन रेणु नित तहाँ कृष्णदास पावै ॥३॥

Hameer

Kahaante aaye joo chitchor | chalat chalat pug parat haye paachhe

NityaPad-052

कहांते आये जु चितचोर | चलत चलत पग परत हे पाछे मनो बध्े रस डोर ॥।१॥ मुखकी बात करत हो मोसों जियकी कछु और ॥। भूल पीताम्बर औढ नीलाम्बर अचरज उपज्यो जोर ॥२॥ दरसन दिखावन कह गये मोसों ललित गाबत आये भोर ॥ बहुनायक धोधीके प्रभु तुम नागरनंदकिशोर ।।३॥।

Lalit

Jasoda tere bhaagiki kahee naan jaaee . joe moorati brahmaadik

Part1-099

जसोदा तेरे भागिकी कही न जाई । जो मूरति ब्रह्मादिक दुर्लभ सो प्रगटे हैं आई ॥१॥ शिव नारद सनकादिक महामुनि मिलिवे करत उपाय । ते नैंदलाल धूरि धूसर वषु रहत कंठ लपटाय ॥२॥ रतन जदित पौढ़ाय पालनें बदन देखि मुसिकाय । झूलौ मेरे लाल जाऊँ बलिहारी परमानंद जस गाय. ॥३॥

Bilawal

Vijay dashmi param suhai ..

Pustak1-315

विजय दशमी परम सुहाई ॥ गोधन अगुवा दियौ पठाई ॥१॥ गोप सकल बैठे हैं अथाई ॥ कुशल मनावी शुभदिन माई ॥२॥ ब्रजरानी व्रजराज कुँवरकों कीरति ललिता न्‍्योंत बुलाई ॥ आज हमारें बड़ी पर्व है तुम सब जेंवन आवौ धाई ॥३॥ करत सिंगार गिरिधरनलालकौ चंबेली तेल सरस सुखदाई ॥ सुधन पीत श्वतवागौ खुल्यौ लाल पाग शिर पर पहराई ॥४॥ काजर ऑजि भौंह बिंदुका दै तृणतोरत और लेतबलाई ॥ रसिक प्रीतम प्रभु विजय कियौ वृषभान कुँवरि मन भाई ॥५॥

Saarang

Manawat harpariri maaee .. tuu

NityaPad-325

मनावत हारपरीरी माई ॥ तू चटतें मट होत नराधे हौं हरि लेन पठाई ॥।१॥। राजकुमार होयसो जाने के गुरुहोय पढ़ाई ॥ नंदनंदन को छांड महातम अपनी साखबडाई ॥२॥ ठोडी हाथचलीदे दूती तिरछी भ्रोंह चढाईं परमानंदप्रभु करोंगी दुल्हैया तो बाबा की जाई ॥३॥

Bihagaro

Merey kyon aaye vipra waman . sunike veda hudd ruchi baathi kadyo

Part1-218

मेरे क्यों आये विप्र वामन । सुनिके वेद हद रुचि बाठी कद्यो जु भीतर आवन ॥१॥ चरन धोय चरनोदक लीनो मांग विग्र मनभावन । तीन पेंड धरती हों मांगो द्वार कुटी एक छावन ॥२॥ वाको विप्र कहा तुम माँग्यो हीरा रतन देहुं गामन । सूरदास” प्रभु इतनो मांग्यो लाग्यों पीठ मपावन ॥३॥

Saarang

Aaj bohot vrishbhan gopaken bheer bhaee atee bhaari . baajan

Part1-187

आज बोहोत वृषभान गोपकें भीर भई अति भारी । बाजन बजत होत कुलाहल प्रगटी है प्रान पियारी ॥१॥ सुंदर शील सुलक्छिन पूरन विधि रचिपचि ही संभारी | आनंदभरी सबै मित्रि गावत नौछावर करि डारी॥२॥ देखि देखि मुख कुँवर कुँवरीकौ सबहीन सर्वसु बारी | सुखदायक प्रगर्टीं भ्रीविद्डल इनकें ये उनकें गिरिधारी ॥३॥

Saarang