Shrilakshaman raaj key dhaam baaje badhaaiyaan .. jaayohe

Part2-302

श्रीलक्षमण राज के धाम बाजे बधाईयां ॥ जायोहे पुत्र श्रीवललभ इलम्मा माईयां ॥१ ॥ घरघरतें नरनारी बधावन आईयां॥ मंगल साज सिंगार सबे मिल लाईयां॥२॥ मृगमद आड ललाट अलकलर छुटि हे॥ ललित कपोलन गाढ सुंदर मुख जोतिहे ॥३ ।। हाथन कंचनथार कलस लिये ठाडी हें॥ मानों रूपकी रंभा सलिलता बाढीहें ॥४ ॥ अगनित झुंडन झुंड सहेली सुहाई हें ॥ गावत कोकिल गान मृदंग मिलाई हैं ॥५ ॥ मधुर ताल कठताल मंजीरा बाजहीं।॥ नृत्य करत बहु भांति गुनी जन राजहीं॥६ ॥ श्रीवललभकों मात इलम्मा झूलावहीं | भयो हे आनंद आज मंगल सब गावहीं |७ ॥ थाप द्वारन द्वार जो माल बंधाई हे ॥ तिलक करें लछमन जु दान दिवाई हे ॥८ ॥ विप्रन बेद पढाय मंत्र धुनि कीनी हे ॥ सबे विचार विचार शोधना कीनी हे ॥९ ॥ माधो मास एकादशी लगन धरावहीं॥ समेघरी उपरांत पत्रिका लिखावहीं १० ॥ कृष्णपक्ष गुरुवार घटी शुभ जोगहे।॥ प्रगटे हें अवतार लीलारस भोगहे ॥१५१ ॥ दैवी जनके हेत आप वपु धायोहि॥ कृष्ण कथारस पूरन फेर विस्तायेहि ॥१२॥ श्रीभागवत क्थारस फेर प्रगटावहीं॥ नरक यातनके हेत दयाजीय लावहीं॥१३॥ ब्रज वृन्दावन रूप रास रस खेलहीं॥ जो कीनी फिर करहें महा प्रभुकेलिहीं॥१४॥ नाम सुनाय जीयके त्रय दोष निवारहीं ॥ भक्ति भाव ओर सेवा आप बतावहीं ॥१५ ॥। ऐसे प्रभु दयाल अभवपद दीनोहे॥ सुख समुद्र रस प्याय निर्भर कर दीनोहे ॥१६॥ श्रीवल्लभको ध्यान सदा जिय लावहीं॥ जापें कृपा कृष्णदास हदें प्रभु आवहीं ॥१७ ॥।

Kaafi

Podhe maaee rangmahal girdhari .. sunder gaadi takiya sez rachee dharee

NityaPad-129

पोढे माई रंगमहल गिरधारी ॥ सुंदर गादी तकीया सेज रची धरी अंगीठी सुखकारी ॥ १॥ कंठ लगाये भुज दे सिरहाने अधरामृत पीवत सुकुमारी ॥ बीन मधुरे सुर बजावत ललिता कृष्णदास बलिहारी ॥।२॥

Bihaag

Sakhiri maadhau dosh naan deejai .. joe kachhu curr sakiye sou

Part1-280

सखीरी माधौ दोष न दीजै ॥ जो कछु कर सकिये सो आली या मुरलीकौ कीजै ॥१॥ बारबार बनबोल मधुर ध्वनि अति प्रतीत उपजाई ॥ मिल श्रवनन मन मोह महा रस तनकी सुध बिसराई ॥२॥ मुख मूदुबचन कपट चित अंतर हम यह बात न जानी ॥ तज तज लोकलाज विधि की विधि जो यह कही सो मानी ॥३॥ अब समुझी मिलि एक प्रकृति दै सुबुधि की संगत साथी ॥ सूरदास क्‍यों हूँ करुणामय परत नहीं आराधी ॥४॥|

Ramkali

Aiselarikanako aadeshkije ..

NityaPad-195

ऐसेलरिकनको आदेशकीजे ॥ भयेदरशन देखियेपायलाग मांग - कछूलीजे ॥१॥ अबहीहरिढंढोरमांटसयब याक्षणमौनधरबैठे ॥ होंपचिहारी कह्योनहींमानत बिनतीकरतजात हैं ऐंठे ॥ २॥॥ सुनोंहोयशोदा करत बयासुतके चोरी करसाधकहाये ॥ यद्यपियहगुण कमलनयनके परमानंदजियेमें भाये ॥३॥

Dhanashree

Kalimein jeevan vallabh pragate.. gati naan hutee jekahun

Part2-295

कलिमें जीवन वल्लभ प्रगटे॥ गति न हुती जेकहुं अधमनकी अब सब पापकटे ॥१ ॥ करीजो कृपा धरकें कर मस्तक कीने अपनेदास ॥ ये साक्षात पूर्णपुरुषोत्तम दासरसिक भलीआस ॥२ ॥

Sarang

Meromai nayanan ney badhyo | kamal nayan ghansyam chhabilo

NityaPad-089

मेरोमाई नयनन ने बढ्यो | कमल नयन घनस्याम छबीलो चितमें रहतचढ्यो ॥।९॥ को जाने कहो धों कहा कीनो मोहन मंत्र पढच ॥ यह बंसी गोपालहि दई विधिजु बनाय गढ़यो।॥|२॥ मन गज परयो रूप सरिता में नाहिन परत कढ़द्यो॥ विद्यादास सकलब्रज बाज्यो प्रेम निसान मढ्यो ॥३॥

Ramkali

Horry key khel mein shuman keso ..| maan maan kii thhor joe tum khel khilaay chaahat hoe rung raag rahey toso ..1.. itate

Part3-360

होरी के खेल में शुमान केसो ॥| मान मान की ठोर जो तुम खेल खिलाय चाहत हो रंग राग रहे तोसो ॥१॥ इतते आई कुंबरि राधिका उततें आये कान्ह ॥| सूरदास प्रभु रस बस कर लीये राख्यो सबन को मान ॥२॥

Bihag

Piya pyaari khelein yamunatir .. bhari kesari kumkum

Part3-051

पिय प्यारी खेलें यमुनातीर ॥ भरि केसरि कुमकुम नवअबीर ॥थ्रु०॥ घसि मृगमद चंदन अरुगुलाल ॥ रंगभीने अरगजा अति रसाल ॥ जहां कुलकुल केकी नवमराल ॥| बनबिहरति दोऊ रसिक लाल ॥१॥ बुंदादिक मोहन लईं जोरि ॥ बाजे ताल मृदुंग रबाब घोर ॥ हँसिकें गेंदुक दई चलाय ॥ मुखपफट देराधे गई बचाये ॥२॥ ललिता मोहन पटगझो धाय पीतांबर मुरलीलई छिनाय || होंतो सपथ करों छांडो नतोय || श्यामाजु आज्ञा दई मोय ॥३॥ निज सहचरीं आईं बनिबसीठ || सुनरी ललिता तुम सुनीढीठ ।| हठ छांडि जानि देक नवकिशोर ॥ सुनि रीझि सूर तृन दीयो तोर ॥४॥ ह

Basant

Jhoolat doll radhika sanga .. govardhan parvatake

Part3-380

झूलत डोल राधिका संग ॥ गोवरधन पर्वतके ऊपर खेलत अति रसरंग ॥ १॥ प्रथम खेल राधे मन हुलस्यो केसर लपटत अंग ॥ की रच्यो चंद्रावलि अबीर गुलाल सुरंग ॥२॥ तीजो खेल कीयों अग्नि कुमारी संग ॥ चोथा खेल कियों चन्द्रावलि पिय मोहे 'रसिक' अनंग ॥३॥

Sarang

Doridori aavat mohi manawat damkharach kachhu molalairi .. acharapasarke

NityaPad-329

दोरीदोरी आवत मोहि मनावत दामखरच कछु मोललईरी ॥ अचरापसारके मोहि खिजावतहों तेरे बाबाकी चेरी भईरी ॥१॥ जारीजा सखी भवन आपने लखबातनकी एककहीरी॥ नंददास दे क्यो नहीं आवत उनके पायन कछु मेंहदी दईरी।२॥

Bihagaro

Mohan ! gaye aaju ? tum jaavau, daanv aapnau

Part3-223

मोहन ! गए आजु ? तुम जावौ, दाँव आपनौ लेहिं | लालन हमहिं बिहाल करे जो, सोई हम फल देहिं ॥ आजुहि दाव आपनोौ लेती, भले गए हों भागि || हा हा करते, पाईनि परते, लेत पितांबर मांगि ॥ बेनी छोरत, हँसत सखासौं, कहत, लेह पट जाई ॥ सौंहँ करत हों नंद बबाकी, अपनी अपति कराई ॥ जो मैं लेह पितंबर अबहीं, कहा देहुगे मोंहि ॥ इत उत्त जुबती चितवन लागीं, रहीं परसपर जोहि ॥ एक सखा हरि, तिया-रूप करि, पठे दियौ तिन पास ॥ गयौ तहाँ मिलि संग तियनि कें, हँसत देखि पट-बास ॥ मोहि देह राखौं दुराइकैं, श्यामहिं जनि लै देहु ॥ लियौ दुराई गोद मैं राख्यो, दाँव आपनौ लेहु ॥ पीताम्बर जनि देहु श्याम कौं, यह कि चमक्यौ ग्वाल ॥| सूर, श्याम पट फेरत करसौ, चकित निरखि ब्रज-बाल ॥

Kafi

Deit urahano laaj naan aavat saakh bharan gopijan aaeen..

Part1-261

देत उराहनो लाज न आवत साख भरन गोपीजन आईं॥ माट भरे विश्राम लेत तें औचक आन करी ठकुराई ॥१॥ दियौ गिराय आपही सिरतें फोर माट दि दुध बहाई ॥ बहत तें हाथ लग्यौ जो जाके बरजत रही त्यों लूल्यौ और खाई ॥२॥ ब्यारू करत झगरी आन्यौ कहा करतहौ लोग हँसाई॥ कुंभनदास गिरिधरन लालकों देख बदन तन नैन सिराई ॥३॥

Kanharo