Aeka gwalini aavein rung bharee srigovardhan

Part3-280

एक ग्वालिनी आवें रंग भरी श्रीगोवर्धन की गेल ॥ ऐसी बनी रहत अति रीझसों वह रिझवत मोहन छेल ॥१॥ शशि वदनी चंपकतनी ओर कजरारे दृगजोर ॥ मुखते स्याम ही स्याम ही बह चितवत भ्रोंहमरोर ॥२॥ छूटी अलकावलि लटें चटकीली केसर आड ॥ सुख भीनी मुख हँसत में अरुलसत चिबुक की गाड ॥३॥ कजरोटीगजरा हरा ओर खयनवरा अति गोल ॥ तनक तरो निकान में अरू झलकत चारु कपोल ॥४॥ उर उरोज के भारसों वाको तन कलंक लचकाय ॥ रंग भर जोबन जग मगे बह चलत लंकलहराय ॥५॥ तन सुख की सारीलसे अंगिया अंगअनूप ॥ घूमत सोलहें गाल सें वाकी लावन लाग्यो रूप ॥६॥ जानबूझंकें सांवरो वह यह मग बैठे आन ॥ हम जानी छानी नहीं वह काइूकी पहचान |।७॥ यह सुख सुख भीजेनको और निरख जिवाबे जीय ॥ यह वनयों विलसोहँसोबसो अनूप के हीय ॥८॥

Goud Malhaar

Sriyamunapan karat hii rahiye, vraj basavabo neeko laagat haye

NityaPad-015

श्रीयमुनापान करत ही रहिये, ब्रज बसवबो नीको लागत है लोकलाज दु:ख सहिये ।।१॥ श्रीवललभ श्रीविट्ठल गिरिधर गावत सब सुख पैये, ब्रजपति' मुख अवलोक महासुख दरसन दूग न अधैये ।।३॥

Bilawal

Hoe hoe horry khelan jaiye jaay khilaiye kubar

Part3-247

हो हो होरी खेलन जैये जाय खिलैये कुबर कन्हैये ॥ अपने संगते फूट परेछिन वाहि न्यारें न पत्यैये ॥ १॥ बहुत गुलाल केसर रसले समाज खिलारतन थैये ॥ अपने रंग में एसें बोरिये स्याम रंग ढूंढ्ययो नहिं पैये ॥|२॥| एक तन एक मन होय सख्ीरी बांह पकर वाको सीस नवैये | भाज चले तोतारी दे हँस सब ब्रज मेरी वाहिलजैये ॥३॥ फगुवा के मिस फेंट पकरकें मृदु मुसिकाय वदन तन चहिये ॥ जगन्नाथ कविराय के प्रभुसों डिल मिल कें रस सिंधु बढैये ॥४॥

Sarang

Sababidh mangal nandkolal .. kamalanayan baljaay yashoda

NityaPad-132

सबबिध मंगल नंदकोलाल ॥ कमलनयन बलजाय यशोदा न्हात खिजो जिन मेरे बाल ।। १॥| मंगल गावत मंगल मूरति मंगल लीला ललित गोपाल ॥ मंगल व्रजबासिनके घरघर नाचत गावत दे करताल ॥२॥ मंगल बृंदावन के रंजन मंगल मुरली शब्द रसाल॥ मंगल यश गावे परमानंद सखामंडली मध्य गोपाल ।। ३।।

Bhairav

8 (raag lalit [shchh) aho hari horry mein jabjo gaye tum bhaaji ..

Part3-079

८ (राग ललित [ष्छ) अहो हरि होरी में जबजो गये तुम भाजि ॥ गारी देहूँभरू भराऊं मुख मांडोंगी आज ॥१॥ हो अपनों मनभायो करिडों सुनि ब्रज राजकुमार ॥ जगन्नाथ कविराय के प्रभुमाई सकल घोख सिरताज

Ramkali

Laal parr dhaadhin vaaranen keaney . pulki rome rome nandrani

Part1-124

लाल पर ढाढ़िन वारनें कीनी । पुलकी रोम रोम नंदरानी नोंछावरि बहु दीनी ॥१॥ गौर वरन एक श्याम बरन दोऊ शोभाके ऐना । रोग दोष लागौ मेरी अंखियन दीठ लगी जिन नैना ॥२॥ रतन जटित आँगनमें खेलत जब देखोंगी आई । झूमरि पारि नचोंगी तादिन मुरि मुरि लैहुँ बलाई ॥३॥ ब्रजमें निकट बसाबौ मोकों नित प्रति आसीस दैहों । वृुषभान गोप कीरति मंगल गृह दूनी बधाई लैहों ।४॥ जसुमति पट भूषन पहराई ढाढ़ीकों नंदराय । कर हल नाच नचे जब दोऊ रति पति निरखि लजाय ॥५॥ यह सुख निरखत शिव ब्रह्मादिक नारदसे मुनि रीझे । ढाढ़ी क्‍यों न भये या ब्रजमें राम कृष्ण गुण भीजे ॥६॥

Paraj

Giridhar sabahi angko baanko ..

NityaPad-289

गिरिधर सबही अंगको बांको ॥ बांकी चाल चलत गोकुल में छैल छबीलोकाको ॥।१॥ बांकी भ्रोंह चरण गति बांकी बांको हृदय ताको ॥ परमानंददासको ठाकुर कियो खोर ब्रज सांको ॥२॥

Hameer

Bhor bhaye bhaavson leey srivallabhanam. haye rasna tuu or vritha bakey kyon nikaam ..|

NityaPad-002

भोर भये भावसों ले श्रीवल्लभनाम। है रसना तू ओर वृथा बके क्यों निकाम ॥| कीजे सेवा रसस्वाद पावें निशदिन गुण गावें ओर सब रसविसराबें यह मन आठो याम ॥१॥ रसिक न कछु ओर करें इन ही में भाव धरें अतिरस अनुपान करें ओर कपट वाम ।। हरिवश छिनही में होत सगरों भक्तिमारगरूप हृदय वसें अरु रससमूहधाम ।।२॥।

Bhairav

Nandanandan navalkunwar

NityaPad-225

नंदनंदन नवलकुंवर ब्रजवर सौभाग्यसीम वदनरूप निरखत सखा नयनन मन हरतरी ॥ स्यामएवेत अतिप्रवीण बंक चपल चितवनी मानों शरदकमल ऊपरखंजन द्वै लरतरी ॥१॥॥ अलकाबवलि मधुप पात अंगअंग छबि कहिन जात निरख सुंदरवदन मदन कोटि पांय परतरी ॥ कुंभनदासप्रभु गिरिधरस्थाम रूपमोहनी दिव भू पाताल युवती सहजें वश करतरी ॥ २॥

Saarang

Piya tohi nayananaheemen raakhun.. teree aeka romki chhabipar jagat

NityaPad-113

पिय तोहि नयननहीमें राखूं।। तेरी एक रोमकी छबीपर जगत वार सबनाखूं ॥|१॥ भेटों सकल अंग सांबलकूं अधरसुधारस चाखूं ॥ रसिक प्रीतम संगम की बातें काहुसो नहि भाखूं ॥।२॥

Adano

Djaghar ghar sub bhojan saajat.. sabke dwaar badhaai baajat ..1..

Part2-071

द्जघर घर सब भोजन साजत॥ सबके द्वार बधाई बाजत ॥१॥ शकट जोर ले चले देवबलि॥ गोकुल ब्रजवासी सबहीं मिलि॥२ ॥ दधिलोंनी मधुसाज मिठाई॥ कहां लग कहों सबे बहुताई ॥३ ॥ घरघरतें पकवान चलाये ॥ निकस गांमके ग्वेंडे आये ॥४ ॥ ब्रजवासी तहां जुरे अपार ॥ सिंधु समान पारनहिं बार ॥५ ॥ पेंडें चलन नहीं कोड पावत ॥ शकट भरे सब भोजन आबत ॥६ ॥ सहस्न शकट चले नंदमहेरके । ओर शकट कितने घर घरके ॥७॥ सूरदास प्रभु महिमा सागर ॥ गोकुल प्रगट भये हरि नागर ॥८ ॥

Bilawal

Daley lalki vandas kahee napreho ..

NityaPad-060

डले लालकी वंदस कही नपरेहो ।। कुल्हे चंपक भरीहो अतिसुरंग और लटपटी पाग रही आधे सिरधस ।।१॥ वरुणी पीत हरे छूटी बंद अरग जामो जेसो स्थाम उरस ॥ गोविंदप्रभु सुरत शिथिल दंपति प्रेमणलित बैठी कुंजमहलतें निकस ।।२॥

Kalyan