Honsanayak khilwar horry kii curr liyein duff

Part3-237

होंसनायक खिलवार होरी की कर लियें डफ हिं बजावेंहो ॥ पान भरे मुख चमकत चौका ओर दिये बेंदी रोरी की ॥१॥ तनसुख सारी रातो लहेंगा कहा कहों छबि गोरी की || नीवी जढ जु रही नाभीपर ओर कसगणांठ दई डोरीकी ॥२॥ चोवाकी बेंदी तोयन पर ओर अचरा ढिंग थोरी की ॥ उसरत अंभिया कठन कुचन पर आय मनोरथ जोरी की ॥३॥ जोबन रूप बनी सुबनी मानों है वृषभान की ओरी की ॥ नंदलाल को गारी देत हैं ग्वालिन सों गठजोरी की ॥४॥ भरत न डरत आंखि आंजत हें करत दुह्ाई किशोरी की ॥ हो हो कहि सुघर राय प्रभु नयन सेन चित चोरी की ॥५॥

Sarang

Yehi subhaav sadaa vraj vasin rati russ keli

NityaPad-233

येही सुभाव सदा ब्रज वासिन रति रस केलि मोहन संग हंसवो पाया करत केलि यमुना के तीरा ॥ गोपीजन धन पूरव सुकृत कीनो कुच भुज बीच बसाये ले आये नांहिन मोलिक निरमोलक नग हीरा ॥१॥ घन तनश्याम तेसेड मन अति नीको लागत मेरे दुखायवेते नील पीत लपटाये परपीरा।। छीतस्वामीगिरिधरन श्रीविद्धल सुबस बसो जहां हमही भेटत भवन विराजो घसी अरगजाबासी बीरा ॥२॥

Bilawal

Oonchau saun gokul gaunm jahain hari khelati horry ..

Part3-331

ऊँचौ सौं गोकुल गॉँम जहैँ हरि खेलति होरी ॥ चलौ सखी देखनि जाई पीया अपने कौं चोरी ॥१॥ बाजति ताल मृदंग और किन्नर की जोरी ॥ इत गोपीन को झुंड उत्ते हरि हलधर जोरी ॥२॥ बूका सुरँग गुलाल उड़ावति भरि भरि झोरी ॥ गाबति दै दै गारि परसपर आऑमिनि भोरी ॥३॥ नबल छबिले लाल तनी चोली की तोरी ॥ राधा जू अली रिसाई ढीठ सौं खेले को होरी ॥४॥। खेलन में कैसी मान सुनौ बृषभानु किसोरी ॥ 'सूर' सखी उर लाई हँसति भुज गहि झकझोरी ॥५॥

Raayaso

Chalat nyaari naval yamune. gaay vrajbhakt key bhaav koo dekhi

NityaPad-015

चलत न्यारी नवल यमुने। गाय ब्रजभक्त के भाव को देखि के, भाव सहित तहां करत गवने ॥१॥ आई ब्रजभूप पिय भाव उपजाब ही, जलस्थल सिद्ध दोऊ करत रवने, निरख सोभा हरिदास' निसदिन यह, मन क्रम वचन करी सीस नमने ॥।२॥

Bilawal

Moso que‍yon naan bolere nandke laal tero kahaa liye jaat ..

NityaPad-105

मोसो क्‍यों न बोलेरे नंदके लाल तेरो कहा लिये जात ॥ छांडदेअंचलहोतहेगहरुजानतहो ऐसी बाल ॥१॥ बनते आवत कमल फिराबत तापरगावत तान रसाल ॥ धोंधीके प्रभु हाथ दूर राखो टूटेगी मोतिन माल ॥। २॥।

Poorvi

Kamal dall chand badani mriganeni..

Part2-245

कमल दल चंद बदनी मृगनेनी॥ ललिता विशाखा बनि बनि निकसी फूलन गुहीहें बेनी ॥१ ॥ हंस चकोर कोकिला मृगगण बोलत शुकपिक बेनी॥ पुरुषोत्तम प्रभुकी तूं है प्यारी कुंजनमें सुख देनी ॥२ ॥

Saarang

Aankhan aagein syaam uday shyam kahan laagi gopi kahaan gaye shyam ..

NityaPad-308

आंखन आगें स्याम उदय श्याम कहन लागी गोपी कहां गये श्याम ॥ आदहु श्याम अंतहुं श्याम रोमरोमरम रह्मो काम ॥१॥ मधुवन आदि सकल वन ढूंढयो निधि घन कुंजधाम ॥ परमानंददास को ठाकुर अंगअंग अभिराम ॥ २।

Kalyan

Vaha murali banjhaarki binn laayen aaee .. hamheekon

Part1-283

वह मुरली बनझारकी बिन लायें आई ॥ हमहीकों दुखदैनकीं व्रज भये कन्हाई ॥१॥ ओरहि तें हमसों लरैं करते बरिआई ॥ गागर फोरें घाटमें दधिं माँट ढराई ॥२॥ पुनि रोकत हैं दानकों अंग भूषण माई ॥ सीखी चोरी आदितें मन लियो चुराई ॥२॥ पुनि लोचन अठके रहे अजहूँ नहीं आये ॥ हमसों उचटे रहत हैं मुरली चित लाये ॥४)॥ दोष कहा वाकौ सखी इनके गुण ऐसे ॥ सूर परस्पर नायरी कहें श्याम अनैसे ॥५॥

Bilawal

Chala sakhee chala aho vraj penth lageehe tahaan bikaat hariprem ..

NityaPad-107

चल सखी चल अहो ब्रज पेंठ लगीहे तहां बिकात हरिप्रेम ॥ सुठसोंघो प्राणनके पलटें उलट धरो यह नमे ॥१।। आनभांत पायबो दुर्लभ कोटिक खर्चो हेम ॥ रामदासप्रभु रत्मनअमोलक सखी पाइयतहें एम ।२॥

Gori

Ita maadhon uta radhika ..nanda lalnaan.. khelati

Part3-173

इत माधों उत राधिका ॥नँद ललनाँ॥ खेलति जमुना तीर ॥ मोहन मूरति नँद ललनाँ ॥१॥ काहू के माँथे रोचनाँ ॥नँदा। काहु के बहुत अबीर ॥ मोहन मूरति ॥२॥ मोहन माँधे अरगजा ॥नैंदा। गोपीन बहुत गुलाल ॥ मोहन ॥३॥ काहु के कर पिचकाईयाँ ॥नँद।| काहु के सिर पाटिर ॥ मोहन ॥४॥ काहु के चोबा कुमकुमा ॥नैंद॥ बूका बंदन धूरि ॥ मोहन ॥५॥ ढ़फ बाँसुरी सुहावनी ॥ नँद ॥ ताल मृदंग उपंग ॥ मोहन ॥६॥ गोकुल, तैं गोपी चली ॥ नैंद ॥ पहिरे दछिन चीर ॥| मोहन ||७॥ सेस पताले मोहियो ॥ नँद | मोहें चंदा सुर ॥ मोहन ॥८॥ जान अजान बिनति करें ॥नँद॥ 'आसकरन' बलि जाई ॥ मोहन ॥९॥ यह लीला कों दरस वेहु ॥ नँद ॥ कृपा करो प्रभु हरिराम ॥ मोहन ॥१०॥

Dhanashri

Jaagiye gopallal pragat bhayo hans baal mitt gayo andhkaar

NityaPad-019

जागिये गोपाललाल प्रगट भयो हँस बाल मिट गयो अंधकार उठो जननी मुखदिखाई ।। मुकुलित भये कमलजाल कुमुद वुन्दवन विहाल मेटोजंजाल त्रिविधताप तन नशाई ।।१॥। ठाडे सब सखा द्वार कहत नंदके कुमार टेरतहें वारवार आइये कन्हाई ॥ गैयन भई बडीवार भरभर पय थनन भार बछरा गनकर पुकार तुम बिन यदुराई ॥२॥| ताते यह अटक पारी दोहन काज हंकारी उठ आवो क्‍यों न हरि बोलत बलभाई॥ मुखते पट झटक डार चंदवदन दे उघार यशुमति बलहारजाय लोचन सुखदाई ॥।३॥ थेनु दुहन चले धाय रोहिणीकों लई बुलाय दोहनी मोहि दे मंगाय तबहींले आईं।। बछरा दियो थनलगाड़ दुहत बैठकें कन्हाइ हसतहै नंदराय तहां मातादोऊ आई ॥|४॥ कहुं दोहनी कहूं धार सिखवत नंद वारवार वह छबि नहि पारवार नंदघर बधाई ।। तब हलधर कह्मो सुनाय धेनु वन चलो लिवाय मेवा लीने मंगाय विविध रस मिठाई ।।५॥ जेंबत बलराम स्थाम संतनके सुखद धाम धेनु काज नहि विश्राम यशोदा जललाई ॥ स्यथाम राम मुख पखार ग्वालबाल लये हंकार यमुनातट मन विचार गायन हकराई ॥६॥ शुंग शंख नाद करत मुरली स्वर मधुर भरत ब्रजांगना मन हरत ग्वाल गावत सुघराई ॥ बुंदावन सुर्त जाय धेनु चरत तृण अघाय श्याम हरख पाय निखर सूरज बलजाई ॥७॥

Bhairav

Srimadacharya charan nakh chinhakon dhyaan urmein

Part2-322

श्रीमदाचार्य चरण नख चिन्हकों ध्यान उरमें सदा रहत जिनके । कटत सब तिमिर महादुष्ट कलिकाल के भक्तिरस गूढ

Kedaro