Murali munn moud badhaavati. meethe madhure boll

Part2-352

मुरली मन मोद बढावति। मीठे मधुरे बोल सुनावति याही तें मोहि भावति ॥१ ॥ राग रागिनी भेद दिखाबत नेह नयो उपजावति। जैसी भाँवर मो मन भावति तैसी ताननि गावति ॥२॥ पसु पंछी तहाँ दोरे आवत सुधि बुधि सब बिसरावति। 'सूरदास' स्वामी बिरमावति चढि सुरभिन टेरि सुनावति ॥३ ॥

Suha

Jaisen jaisen bansi baajai taisen taisen nonche ..

Pustak1-324

जैसें जैसें बंसी बाजै तैसें तैसें नॉँचे ॥ पाँय पैंजनी अरु कटि किंकिणीरव तैसेई सप्त स्वरन साँचे ॥॥१॥ विचबिच बाललीला भाव दिखावत त्यों त्यों ब्रज युवतिनमें हास मे ॥ मिलनकी लालसा उपजत मनमें सह न सकत विरह आंच ॥२॥ ऐसी अद्भुत लीला श्रवण सुनत ते मूढ़मति मन न ४ ॥ रसिक प्रीतमकी यह छबि निरखत देवमुनि नारद शारद कहत न बचें ॥३॥

Todi

Aaj unmaadiyaan way badhaai desh vrajbhupal . huwa vraj chand chhauna

Part1-068

आज उनमादियाँ वे बधाई देश व्रजभूपाल । हुवा ब्रज चंद छौना वे सलौना साँवरा गोपाल ॥ व्रजमें सादियाँ वे करें रायजा दीयाँ कुलरीत ॥ उतारी लोन राई थे सखी सब गावें मंगल गीत ॥टेक। सखी सब मंगल गावा ॥वाहवा॥ गुनि मिलि चोल मगावा ।वाहवा॥ बजाबें ढोलक झाँझे ॥वाहवा॥ फूलेसे गावें माँझे ॥बाहवा॥ सुनावें बात अनूती ॥बाहवा॥ सदा तुम रहो सपूती ॥वाहवा ॥ लाल केसरके जामा ॥वाहवा॥ करपर ढोल दमामा ॥वाहवा॥१॥ इसदी बलाइयाँ वे परोसे रेसमंदिर जाय ॥ रहौ दिन-रात खुसीयाँ वे लड़ावी कान्ह गोकुलराब ॥ करौ नित्य रंग रलीयाँ वे, खिलावो लाल कंठ लगाय ॥ यह अरदास मेरी वे कुँवरदा दरसतोौ दिखलाय ॥टेक॥ कुँवरदा मुख दिखलाया ॥वाहवा॥ खुसिदा खिलत दिलाया ॥वाहवा॥ खुलाया माल खजाना ॥वाहवा॥ लुटाया मूल अमोला ॥वबाहवा॥ भरे सो फेर न रीते ॥ वाहवा ॥ गुनिजन भये बचिते ॥बाहवा॥ कहि सो फेर न बांचे ॥बाहवा॥ भये हैं ब्रजपति सांचे ॥वाहवा॥ २॥

Desh

Ghosh sundari neeke cull gaavai ..

Pustak1-355

घोष सुंदरी नीके कल गावै ॥ बाम बाहु धरि रसिक कुँवर के मुरली बजाबवै नवतान सुनावै ॥१॥ हरि मूरति पद सुरस चाखत चल अंगुलीदल गति उपजाबै ॥ गौर स्थाम जोरी मनमोहन रूप कांति रतिपति ही लजाबै ॥२॥ कमलसमैंन मृगनैंनी अंचल तरल मानबस प्रेम बढ़ावै ॥ गिरिधर पीय प्यारी की पदरज कृष्णदास न्यौछावर पावै ॥३॥

Kedaro

Bankachitavan chitey rasikatan guptapreetiko bhed janaayo ..

NityaPad-070

बंकचितवन चिते रसिकतन गुप्तप्रीतिको भेद जनायो ।। मुखकी रुखाई मिटत नहीं कबहू हृदयको प्रेम कैसे जात दुरायो ॥१॥ सगमगी अलक बदनपर विथुरी यह बिधि लाल रहसि चित लायो॥ कृष्णदासप्रभु रसिकमुकुटमणि नवनिकुंज अपने कर पायो ॥॥२॥।

Todi

Raadhe doo dathchisut kyon naduraave ..

NityaPad-103

राधे दू दथ्चिसुत क्यों नदुरावे ॥ सुन सुंदरवृषभाननंदिनी काहेको मन तरसावे ॥ १॥ सारंग दुःखी होत सारंग बिन तोहि दया नहीं आवे ॥ जलसुत दुःखी दुःखीवे मधुकर द्वयपंछी दुःखपावें ॥ २॥ सारंगरिपुकी नेंक ओट कर जो सारंग सचुपावें ॥ सूरदास सारंग के धोखें सारंगकुलहिं लजावें ॥ ३॥।

Nat

Bhajiye srivallabhavar charan..

NityaPad-349

भजिये श्रीवल्लभवर चरण।। सकल पतित उद्धारणकारण प्रकट किये अवतरण ।।१॥ गूढ श्रीभागवत प्रतिपदार्थ प्रकटकरण ॥। आसरो करहरहें जेजन मिटे जन्मनिमरण || २॥ अखिललीला प्रेमसंयुत दिखाये गिरिधरण ॥ रसिक विनतीकरे मानो चरणकमल अनुशरण ॥।३॥

Bihaag

Vidhaata vidahuun nazani .. sunder vadan pankarbekun romrom

NityaPad-116

विधाता विदहूं नजानी ॥ सुंदर वदन पानकरबेकूं रोमरोम प्रति नयनन दीने करी यह बात अयानी ॥ १॥ श्रवणसकल वपु होतरी मेरे सुनत पिय मुख अमृत मधुरबानी ॥ अरी मेरे भुजाहोती कोटिकोटि तोहों भेटती गोविंदप्रभुसो तो उनतपत बुझानी ॥ २॥।

Bihagaro

Maaee ranilaron jaaiyo arrie sub naacho gaavo aaya .

Part1-038

माई राणीलारों जाईयो अरी सब नाचो गावो आय । आनंदरायके घर सोहिलो बिधि दीनों है तरसाय ॥१॥ आवो चंद्रावली रोहिनी राधे लेहु गोद उठाय । आवी ब्रज सुंदरि भावति ब्रजमंगल लेहु बुलाय ॥२॥ सारी पहरौ झिमझिमि नखसिख सिंगार बनाय । काजर देहो गहगह्ौ मुख पीयर बहुत लगाय ॥३।| यह घर पूत सुहावनौ यह आनंद कहू न माय । श्रीविव्ठल आंगन रायके सिर हरद दही लपटाय ॥४॥

Dhanashri

Kahiyo merey diljani sou ... birahaki agan bujhat naan bujhaai

NityaPad-100

कहियो मेरे दिलजानी सो ॥। बिरहकी अगन बुझत न बुझाई इन नैननके पानीसों ।। ९॥। रसकी बतियां आन मिलावो अबला दरद दिवानीसों |। रसिक प्रीत्तमसों मेरे मन लाग्यो सुरत खूब बरसानीसों ॥। २॥।

Aasawari

Barajun koti ghoonghataki oat.. tou naan rahat nayan niyaare nicus

NityaPad-106

बरजूं कोटि घूंघटकी ओट॥ तोउ न रहत नयन नियारे निकस करतहें चोट ॥१॥ पाछें फिर देखें कोऊ ठाढे सुंदरवर एक ढोट।। परमानंदस्वामी रतिनायक लगी प्रीतकी चोट ॥। २।॥।

Gori

Raaja aeka pandit pauri tihari .. chaaryau veda padhat mukhpaathi

Part1-216

राजा एक पंडित पौरि तिहारी ॥ चारयौ वेद पढ़त मुखपाठी है वामन वषुधारी ॥१॥ अपद द्विपद पशु भाषा जानत सूरज कोटि उजारी॥ नगरनमें नरनारी मोहे अवगति अलप अहारी ॥२॥ सुन धुनि बलिराजा उठिधाये अहुती यज्ञ बिसारी !! दिव्य रूप देख्यौ जु विप्रकौ कीयो दंडौत जुहारी ॥३) चलिये विप्र जहाँ यज्ञवेदी बहुत करी मनुहारी ॥ जो माँगौ सो देहूँ तुरत ही हीरा - रतन भंडारी ॥४॥ रहो रहो राजा अधिक न कहीये दोष लगत है भारी ॥ तीन पेंड्र बसुधा मोहि दीजै जहाँ रचों धर्मसारी ॥५॥ शुक्र कहै सुनिये बलि राजा भूमिकौ दान निबारी ॥ यह तौ विप्र न होय आपुही आये छलन मुरारी ॥६॥ कीजे कहा जगतगुरु यायैं आपुन भये भिखारी ॥ ले उदक संकल्प जो कीनौ वामन देह पसारी ॥७॥ जयजयकार भयौ भूमापत द्वव पेंड भई सारी ॥ एक पेंड़ तुम देहु तुरत ही के बचनन सतहारी ॥८॥ सत नहीं छांडी सतगुरु मेरे नापौ पीठ हमारी ॥ सूरदास प्रभु सर्वस्व दीनौ पायौ राज पतारी ॥९॥

Dhanashri