Houn balbal jaauun kaleu laal keeje .. kheer khaand ghrit

NityaPad-029

हों बलबल जाऊं कलेऊ लाल कीजे ।। खीर खांड घृत अति मीठोहे अबकी कोर बछ लीजे ॥। १॥ बेनी बढे सुनो मनमो हन मेरो कह्ो पतीजे।। ओटबो दूध सद्य धोरीको सात घूंट भर पीजे ॥२॥ वारने जाऊं कमलमुख ऊपर अंचरा प्रेमरस भीजे ॥ बोहोरस्थो जाय खेलो यमुनातट गोविंदसंग करलीजे ।। ३॥।

Ramkali

Khelat faag kunwar giridhari .. agraj anuj

Part3-297

खेलत फाग कुंवर गिरिधारी ॥ अग्रज अनुज सुबाह श्रीदामा ग्वाल बाल सब संग अनुसारी ॥१॥ इतनागरी निकस घर घरतें आगे दे वृषभान दुलारी ॥ नवसत सज ब्रजराज द्वारमिल प्रफुल्लित भीर भई अतिभारी ॥२॥ दुंदुभी ढोल परलवावज आवज बाजत डफ मुरली रुचिकारी ॥ हस्त कमल लियेकर उनमद भाजत गोप त्रियन सों हारी ॥३॥ बांह उठाय पढत हो होरी लेले नाम देत प्रभुगारी ॥ इत राधिका निकस मंडलतें सनन्‍्मुख पिय डारत पिचकारी ॥४॥ एक गोपी गोपाल पकरकें अपने मेलले गई सारी ।। आंजत आँख मनावत फगुवा हँसत हँसावत हरि चितहारी ॥५॥ सूरदास आनंद सिंधुमें मणन भये हैं सन नरनारी ॥ सुर बिमान कौतुक भूलेहें कोटि मनोज जाय बलिहारी ॥६ ॥

Gouri

Aeka dinn aapune khirak koo jaat ree milgayo sambro houn akeli ..

NityaPad-188

एक दिन आपुने खिरक को जात री मिलगयो सांबरो हों अकेली ॥ देखिब मोहे मंद घुसकाय नेंनन हस्यो के धोरी हे तु कनक बेलि ॥१॥। अति ही जगमग रही चुनरी रंग भरी कंचुकी कुचन पर अति विराजे ॥ शरद से चंदसो बदन झगमगी रहो देख या रूप को कोन ब्राजे ॥२॥ मासिक नथक विराजे झलमल रहो एसो बडो मुक्तातें कहां पायो।। एसो न देखयो सुन्यो या देश में लगत ही लपट मन लटक आयो ॥।|३॥ चाल गज राज की बंक मृगराज की चिबुक की छबि देख चित्त चुरायो ॥| बंक अवलोकनि बड़ी अँखियन मांग कौन के ठगन अंजन बनायो ॥।४॥ जानती नाहि में नाथ तुम कौन हो करत हो जान जाकी बड़ाई ॥ या गाम की री रसरीत सब कहेंगे नेक बैठो चलो कुंज छांही ॥।५।॥ जान गई बात मग चल्यो जा सांबरे कुंज तर हमें कछु काज नांही ॥। मुसकि ठाड़ी भई धाय भुज गहि लई अधरन पान दे उर लगाई ॥६॥ दई एक फूल की माल पहेराय के कही में हाथ अपुने बनाई ॥। ता दीनतें लाल उर मांझ जगमग रहो रेंन दिन कछु नांहिन सुहावे ॥ ७॥। सूर किशोर यह प्रेम रस छांड के अब तज कौन को नींब भावे ॥८॥

Bilawal

Kiyo joo laal vichaar phir kaasi

Part2-328

कियो जु लाल विचार फिर कासी आये। दुलह श्री नंदलाल सखा संग जु सब आये ॥टेक ॥ सखा बराती बना श्री वललभलाल। दामोदर कृष्णदास जु हो माधव भटके स्थाल॥१॥ दास कुंभन सूरदास जु हो पद्मनाम रसाल। राणा व्यास वासुदेव जु हो रामदास गोपाल ॥९॥ हरिदास कृष्णदास जु रामदास च्ौहान। पांडे मानिक चंद जु हो नरोबाई मन मान ॥३ ॥

Madhumaati Saarang

Painjani pug manohar. chalat shyam baajat raajat nirakhi vinod

Part1-158

पैंजनी पग मनोहर। चलत श्याम बाजत राजत निरखि विनोद मगन मोहे सुर ॥१॥ अरु मन मुदित यशोदा जननी पाछें फिरत गहाय अँगुरी कर । मानों धेनु तृणचारि बच्छहित्त प्रेम पुलकि पय श्रवत्त पयोधर ॥२॥ कुंडल लोल कपोल बिसजत लर लटकन लटुरिया भरूपर | सूरदास अवलोकनकौ सुख भलकत बल गोपाल जाके घर ॥३॥

Dhanashri

Rattan jatit kanchan mani maya nandbhavan madhi palanon . taa

Part1-098

रतन जटित कंचन मणि मय नंदभवन मधि पालनों । ता ऊपर गजमोतिन लर लटकत अति तहाँ झूलत जसोदाकौ लालनो ॥१॥ किलकि किलकि बिलसत मनहीं मन चितवत नैन बिशालनो । परमानंद प्रभुकी छबि निरखत आवत छिनछिन कल न परत ब्रजबालनौ ॥२॥

Ramkali

Shrilakshmangrih aaee navanidhi .. pragate zaan pooran

Part2-284

श्रीलक्ष्मणगृह आई नवनिधि ॥ प्रगटे जान पूरण पुरुषोत्तम द्वार बहारत फिरत अष्टसिद्धि ॥१ ॥ बजत निशान भेर सहनाई देखियत तहांई सकल रिद्धि। सगुणदास प्रभु जन्म श्रवण सुन दरसन कारण आये हरबिधि ॥२ ॥

Bilawal

Sabdin tum vrajmein raho hari horihe .. tapa sanyami ..

Part3-107

सबदिन तुम ब्रजमें रहो हरि होरीहे ॥ तप संयमी ॥ धर्मधीर आचार ॥ छिरकें जाय निशंक व्है ॥ तोरें पकर किवार ॥१॥ जे कबहू देखी नहीं ॥ कबद्ू सुनी नहिं कान ॥ तिनकुल वधू नारीनके ॥ लागे पुरुष पराण ॥॥ धायघधरे बलकुल वधु ॥ पर पुरुष नहिं पहिचान ॥ मातपिता पति बंधुकी ॥ छूट गई सब कान ॥२॥ भस्मभरें अंजन करें ॥ छिरकत चंदन वार मर्यादा राखें नहीं ॥ कटिपटलेहिं उतार ॥३॥ तेरस चौदस मासमें || जग जीत्यो डरडार ॥ शठ पंडित वेश्या बधू ॥ सबे भये एक सार ॥॥ पून्यो प्रकट प्रतापते दुरो मिले पालाग ॥ जहां तहां होरी लगी ॥ मानोमवासिन आग ॥३॥ सब नाचें गावें सबें सबह्ठि उडावें छार ॥ साधु असाधु न पेखही बोले बचन विकार ॥४॥ अतिअनीत मतिदेखकें परिवा प्रकटी आन ॥ विमल बसन ज्यों स्यामको मर्यादा की कान ॥५॥ आवतही बिनती करी उठजोरे इंस हाथ ॥ बरण धर्म सब राखिये कृपा करह्ुु रतिनाथ ॥६॥ आज्ञा दई रतिनाथने नृप समुझो मनमांह ॥ जायधर्म अपुने चलो बसो हमारी यांह ॥७॥ सूर कहाँ लग वरणिये मनसिजके गुणग्राम ॥ सुनो स्याम यह मांसमें कियोजु कारण काम ॥८॥ कान्ह कृपा कर घररह वरजेमथुराजात ॥ सरस रसिक मणि राधिका कही कृष्ण सोंबात ॥९॥ कबहुन मथुरा जाओ ॥ परब करो घर आपने ॥ कुशल केलि निबाहो ॥१०॥ घपरवा पिय चलिये नहीं ॥ सब सुखको फलफाग ॥ प्रकट करो अब आपनो अंतरको अनुराग ॥११॥ मानो क्लेनज दिन सोधके भूपति कीयो काम ॥ शशि रेखा सिर तिलकदे सब कोऊ करे प्रणाम ॥ १२॥ कनक सिंहासन बैठकें युवतिन के उर आन ॥ अलक चमर अंचल ध्वजा घुंघट आत पतान ॥१३॥ फागुन मदन महीपति इह्वि क्धि करहे राज ॥ पंद्रह तिथि भरबरण हूं सादर क्रिया समाज ॥१५॥ तीज तिहूं पुर प्रगटियो अपनी आन नरेश ॥ सुन मगमग डफ दंदुभी सोई करिये सवेदेश ॥१६।| चोथ चहंंदिशन चालिये यह्ठ अपनी इकरीति ॥ मेरे गुण कहे निर्लज्न व्है छांड सकुच कुलनीति ॥१७॥ पांचें परमित परहरो चलट्ठु सकल इकचाल ॥ नारी पुरुष एकत्र करो ॥ वचन प्रीतिपाल ॥१८॥ छटिछे रागछे राणिणी ताल तान बंधान ॥ चदुलचरित्र रतिनाथके सिखवो अति अभिधान ॥१९॥ सातें सुन सब सजचले राजाकी रूचि जान करत क्रिया तैसीसबे आयुष मांथे मान ॥ २०॥ आठे डर उनमानकें सबन मतो मत्यो एक ॥ नृपजु कहे सोई कीजिये क्‍यों राखिये विवेक ॥ २१॥ नवमी नवसत साजके कर सुगंध उपहार | मानो चले मिल मेरकें मनसिज भवन जुहार ॥२२॥ दसेंदसो दिश शोधकें बोले राजाराय जगजीत्यो बल आपने ज्ञान वैराग्य छुडाय ॥२३॥ सुन आई एकादशी ॥| बोले सबसिर नाय ॥ ढोल भेरि डफ बांसुरी ॥| पटह निसान बजाय ॥१४॥ देखभले भटू आपने ॥ द्वादशी द्योस विचार ॥ काज करो रुच आपने ॥ ब्है निशंक नरनार ॥१५॥ रथरावक पावक सजे ॥ ख़रन भये असवार ॥ धूर धातु घट रंणभरे || करण यंत्र हथियार ॥|१ ६॥ जहां तहां सानेचली ॥ मुक्त कच्छ शिरकेश ॥ आप आप सूझे नहीं ॥ राजारंक आवेश ॥२७॥ जहां सुनत

Gouri

Rjhivat piyahin barambar .. nirakh nayan lajaat piya key

Part1-321

र्झिवत पियहिं बारंबार ॥ निरख नयन लजात पिय के नहीं शोभा पार ॥१॥ चाल स्वल्प गज हंस मोहत कोक कला प्रवीन ॥ हँसि परस्पर तान गावत करत पिय आधीन ॥२॥ सुनत बन म्रग होत व्याकुल रहत चित्रित आय ॥ सूर प्रभु वश किये नागर जान शिरोमणिराय ॥३॥

Ramkali

Doll jhulat hein hansi musakyaat paraspar .. surang

Part3-366

डोल झुलत हें हंसि मुसक्यात परस्पर ॥ सुरंग गुलाल लई जु मुठी भर कटि तट में राखी छिपाय करि चाहत भयो द्रगंचर ॥१॥ देखो कहत अनेक कुसम पर कैसें दोरत हैं री अलिबर मानों चंपे पंचसर केसर ॥ जब जीयकी जानी मुख ऊपर तबे दई तारी सुंदर कर बिथके सब नारी नर ॥२॥ यह विधि फूलत हैं री गिरिवरधर परस पान कपोल मनोहर रीझे देत कबहूं उरसों उर ॥ मदन मोहन पीय परम रसिक बर कहा कहूँ यह सुख को सागर बलिहारी बानिक पर ॥३॥

Kalyan

Ratna jatit baithe nava huttery ..

Part2-063

रत्न जटित बैठे नव हटरी ॥ गोरे बदन शूंगार सजत सब अधिक बिराजत नागर नटरी ॥ १ ॥ झलमलात च्चीरा सिर ऊपर सुंदर पट पीताम्बर कटरी ॥ देख सिंहात लाल गिरिधर को मात जशोदा ठाडी नीकटरी ॥२ ॥ रानीजु साज सवार धरत नहा भरे थाल जहाँ गुंजा मठरी ॥ श्रीविद्ुल मोहन अति शोभित भीर भई गोपन तहाँ ठठरी ॥३ ॥

Bilawal

Aaju rasrang rahauju .. hari radha khelat raasmein prenm sindhu

Part1-331

आजु रासरंग रहौजु ॥ हरि राधा खेलत रासमें प्रेंम सिंधु बह्मौजु ॥१॥ नैन चपल कर नवल चरन चल आछे ॥ पिय के सिर मुकुट लटकि बैनी प्यारी पाछे ॥२॥ किकिनी कटि चारु हार नूपुर रव सोहे ॥ मुरली धुनि श्रवण सुनि सो को है जो न मोहै ॥३॥ पीय धरे तिरप तान सुनि सरिता थक्‍यौ ॥ चंद थक्‍्योौ गगन मध्य नेंकु न रथ हँक्यो ॥४॥ निर्त भयौ दूगन रंग कापै जात कह्मौ ॥ हित दामोदर ललिता सुख सरिता ज्यों बह्मौ॥५॥

Purvi