Srivallabh bhaleburedou tou tere ..

NityaPad-352

श्रीवल्लभ भलेबुरेदोउ तो तेरे ॥ तुमहीं हमारी लाजबडाईविनति सुनो प्रभुमेरे ॥।१॥ अन्यदेव सब रंकभिखारी देखे बहुत घनेरे ॥। हरिप्रताप बल गिनत नकाहूं निडर भये स बचेरे ॥१॥ सबतज तुम शरणागत आये दृढकर चरणगहेरे ॥ सूरदासप्रभु तुम्हारे मिलेतें पाये सुखजु घनेरे ॥३॥

Bihaag

Preet bandhee srivallabh padason aur naan manmein aaveho..

Part2-288

प्रीत बँधी श्रीवललभ पदसों और न मनमें आवेहो॥ पढ पुरान षट दरशन नीके जोकछ कोऊ बतावेहो ॥१॥ जबतें अंगीकार कियोहे तबतें न अन्य सुहावेहों ॥ पाय महारस कोन मूढमति जित तित चित भटकावेहो ॥२ ॥ जाके भाग्य फले या कलिमें शरण सोई जन आवेहो॥ नंद नंदनको निज सेवकहे दृढ़कर बांह गहावेहो ॥३ ॥ जिनकोउ करो भूलमन शंका निश्चय करि श्रुति गावेहो॥ रसिक सदा फलरूप जानकें ले उच्छंग हुलरावेहो ॥४ ॥

Aasawari

Khelanke miss kunwari radhika nandbhuvan mein aaee hoe. sakuchat

Part1-211

खेलनके मिस कुँवरि राधिका नंदभुवन में आइ हो। सकुचत हँसत मधुर स्वर बोली घर हैं कुँवर कन्हाई ॥१॥ सूनत श्याम कोकिल धुन बानी निकसे अति अतुराई । मातासुँ कछु क्लेश करत है रीस डारी बिसराई॥२॥ मैयारी तू इनकुँ चीनत बारंबार बताई ! यमुनातीर काल हीं भूल्यौ बाँह पकरि लै आई ॥३॥ आवत यहाँ तोसों सकुचत है मैं दे सौंह बुलाई । सूरश्याम ऐसे गुन आगरि नागरि बहौत रिझ्लाई ॥४॥

Bilawal

Khelat gokul gwaliniho sakal sahaj singar

Part3-200

खेलत गोकुल ग्वालिनीहो सकल सहज सिंगार ॥ध्रु०॥ उतते आये श्यामघन सुंदर इतते आंईं ब्रजनार ॥ भीर भई गोकुल गलियनमें रंग मच्यो सिंघ द्वार ॥१॥ बाजे बहुविध वाजही रुंजमुर डफ ताल ॥ दुंदुभी आवज झालरी अरुमुख चंग करताल ॥२॥ कुंकुम केसर जोरकें घट भरभर लीने संग ॥ पिचकाई भर छिहकहीं शोभित सांवरे अंग ॥३॥ चोवा चंदन अगर कुंकुमा सोंधे अगणित एन ॥ उड़त गुलाल छायों जुगणनमें द्योसते लागत रेन ॥४॥ सब सखियन मिल मतो मत्योहे मोहन लीने घेर ॥ आयअचानक प्यारीराधिका रही बदन तन हेर ॥५॥ प्रीति बढी राधा मोहनसों निरख नयन सिराय ॥ युगल कुंवरकी छबि ऊपर मोहन सुबन बलजाय ॥६॥

Kaafi

Lalyupal gulal hamari aankhin mein jinn

Part3-018

लालयुपाल गुलाल हमारी आंखिन में जिन डारोजू ॥ बदन चंद्रमा नैन चकोरी इन अंतरजिन पारोजू ॥१॥| गाओ राग वसंत परस्पर अटपटे खेल निवारोजू। कुंकुम रंगसों भरि पिचकारी तकिनेनन जिनमारोजू ॥२॥ वंकविलोचन दुःख के मोचन भरिकें दृष्टि निहारोजू ॥ नागरी नायक सब सुखदायक कृष्णदास कोंतारोजू ।॥॥३॥

Basant

Jasumati palana sutahi jhulaavai. nirakhi mukharvindaki shobha

Part1-092

जसुमति पलना सुतहि झुलावै। निरखि मुखारविन्दकी शोभा मनमें अति सचुपावै ॥१॥ विविध भौंतिके ले लै खिलौना बैठी आप खिलावै। देखि देखि मुसिकात मनोहर द्ै दतियां दरसावै ॥२॥ लै पलनातें हुलसि हुलसिकें अस्तन पान करावै । यह सुख तीनलोकमें नाहीं सूर कहा कहि यावै ॥३॥

Ramkali

Kaahoone naan dekhyau kaahoone naan sunyau kaana .. esehu curr uthaavat

Part1-258

काहूने न देख्यौ काहूने न सुन्यौ कान ॥ एसेहू कर उठावत मो हन जु दू ध दही लिये चाहत मेरे जान ।। १।। गो पसु ता लिये भवनमें री तापें कछु इनके आनकी आन ॥ गोविंदप्रभुसों कहत प्यारीकी सखी चलो यशोदारानीपें नातर सूधे देओ जान ॥२॥

Kanharo

Agra taktak dhumdhum shrandhram bhrandanan nirtyat rasikabar aavat godhan sanga .

NityaPad-063

अग्र तकतक धुमधुम श्रंध्र॑ं भ्रंदनन निर्त्यत रसिकबर आवत गोधन संग । लालकाछिनी कटिकिंकिणी पगनूपुर झझ झंझनन पीत टिपारो सिरखरोई सुरंग ॥।॥१।॥॥ उरपतिरपचंद चाल मुरलिका मृदंग ताल संग मुदित गोपग्वाल गावत तान तरंग || ब्रजजन सबहरख निरख जयजय कहि कुसुम वरषत गोविंदप्रभु पर बारू कोटि अनंग ॥२॥।

Gori

Dhore mohan dhore sohan dhore sohan dhore chandan khor dusala. dhore

NityaPad-069

धोरे मोहन धोरे सोहन धोरे सोहन धोरे चंदन खोर दुसाला। धोरे कडा कर हाथन सोहे धोरी सोहे गजमोतिन माला ॥ १॥ धोरो दधि बेचन जात ग्वालनि जाय लुटाये नंदको लाला | गोविन्द प्रभुकी लीला बरनी धोरी सोहे गल फूलन माला ॥।२॥

Todi

Gopan key anand vraj faag ramano ..shru0.. fagun

Part3-094

गोपन के आनंद ब्रज फाग रमानो ॥श्रु०॥ फागुन अतिबड भागन क्रतु वसंत के आगम ॥ पून्यों और गुरुवार मघा ऋतु शिशिर समाजम ॥ गर्ग आपले ग्वेडें होरी डांडो रोप्यो आय ॥| कुशल बखाने देश की विप्रकझ्ओो समझाय ॥| ६॥| वासरगत रजनी जब आई घरघर बालक सिमिट मदन की फिरी दुहाई ॥ गारी देत निसंक व्हे ओर आरज पंथ छुडाय ॥ मुखकर सबे लजावही उर आनंद न समाय ॥२॥ स्याम सुबल सो मतो मत्यो दाबजों पाऊं ॥ बड़े भोर वरसाने होरी खेलन जाऊं ॥ भली बात सबहीन कही रवि के उदय प्रमाण ॥ कनक कलश केसर भरे भई चलन की ठान ॥३॥ बलमोहन मिल सखन सहित बनबाजे साजे ॥ रुंज मुरज सहनाई झांझ झालर डफ बाजे ॥ आनंद भेरि मृदंग मिल गावत गोप धमार ॥ नंदीश्बरतें उतरत देखें सुख सागर की वार ॥४॥ नाचन स्वांग बनाय योग मुद्रा वलिलीयें ॥ तांडव नृत्य कराय मत्त बारुणीसी पीयें || जाय सिमिट इकठोरे भये वृष भान की पोर श्रवण सुनत प्यारी राधिका गई अटापेदोर ॥४५॥ उझक झरोखा झांकत कोटिक चंद लजाहीं ॥ रसिक कुंवर जहाँ आय निरख परसत पर छांहीं नयना सों नयना मिले कोऊन पावे पार ॥ श्री श्यामाजू रीझकें डारबो पियपें हार ॥६॥ मृगमद साखजवाद कुंकुमा अति घुसघोरी ॥ हरि पिचकाइन छिरकत बोलत हो हो होरी ॥ उडत गुलाल अबीर में बासर गयो छिपाय ॥| राधा ललिता सेन दे बल पकराये जाय ॥७॥ चन्द्रभगा मुख मांडत ललिता लोचन आंजत ॥ इंद्रा वृंदा प्रेम कलश भर सिरतें ढारत ॥ पढ़कालियो उतार कें मानो आवत्त गजराज ॥ स्याम सखन सो कहत हैं भलेबने दाऊ आज ॥८॥ मेवा बहुत मंणाय दीन न्हे फमुबा दीनों ॥ पढ़का लियो उतार मनोरथ सबको कीनो ॥ कीरतिजू आनंद भर चितेस्याम की ओर ॥ कछुमन में वांछित भई कर अंचल की छोर ॥९॥ जिनके मन हर लिये संग लागी फिरें भामिनि ॥ ख्रेलत नांडिनकोऊ राधाजू की कामिनि || मुरली मधुर बजाइयो मनमोहन मधुरीतान ॥ रही चित्र कीसी लिखी अब कोन कहे घर जान ॥१ ०॥ रातद्योस के खेल महीना जात न जान्यो ॥ नरनारी बड़ छोट सुफल जीवन कर मान्यो ॥ सांझ परी दिन आंथयो होरी पोोंचेग्वाल ॥ तहां रोक ठाड़े भये मध्य नायक ननन्‍्दलाल ॥१ १॥ घर घरते सब सिमिट हितू देखन कों आईं ॥ रेसम पाट पुआय माल गूलरी बनाईं ॥ आनंदगारी गावहीं अपने अपने अगबार ॥ होरी कोई जान न पावें रोके सिंघ दुवार ॥ १ २॥ एकन के कर बांस एकलीने सिर झारें ॥ होरी पूजन चले ध्यान सिद्धन के टारें ॥ नवल कुंवर पोरिन रुपे करजेरिन की ओट ॥ कपट मार छबि चारु दे दीनी काम करोट ॥ १ ३॥ घरी मद्दरत सोध नंद सबहितू बुलाये ॥ अक्षत पानी दूब सहित होरी पें आये ॥ नर नारीयों भेट हीं सब दिन आनंद जाय ॥ वेद ऋचा विप्रन पढी घृत आइहती कराय ॥१४॥ कुदुंब सहित सिरनाय सबन परिक्रमा दीनी ॥ कुशलमान जियजान धूरिकी वंदन कीनी ॥ बायस ओर भली भई भैया कहत सयाने लोग ॥ बलमोहन होरीमगारियो अजर अमर संयोग ॥१५॥ ब्रजवासिन की चरणरेणु ब्रह्मा शिव यांची ॥ अष्ट सिद्धि नवनिधि छार घर घर प्रंतिनाची ॥ ब्रज रानो ब्रज जन सहित गये भीतरी षोर || रानी जसुमति कियो' आरतो जुगल कुंवर परदोर ॥१६।॥| गज मोतिन को हार डोरीकर कंकण दींने ॥ गोपी ग्वाल वुलाय दान विप्रन कों कीने ॥ देत असीस घर को चले आनंद सिंधु बढाय ॥ रसिक कुंबर नंदलाल पें जनदयाल बल जाय ॥१७॥

Gouri

Khelo horry faag sabey milli jhoomak gaavo ..shru0..|

Part3-154

खेलो होरी फाग सबे मिलि झूमक गावो ॥श्रु०॥| संगसखा खेलन चले वृषभान गोपकी पौरी ॥ श्रवनसुनत सबगोपिका गईहैंकुबवरिपेदौरी ॥ १॥ मोहन राधा कारनें गुहिलीनों नोसर हार ॥ हारहेत दरसन भयो सब ग्वालनकियो जुहार ॥२॥ राधा ललितासों क्यो नेंक हार हाथते लेहु ॥ चंद्रभगा सों यों कल्यो नेंक इनहीं वेठन देहु ॥३॥ बह्लोत भांति बीरादिये कीनो बहोत सनमान ॥ राधामुख निरखत हरिमानो कमल करत मधुपान ॥|४॥ मोहनकर पिचकाई लीये बंसलीये ब्रजनारि ॥ जीती राधा जोपिका सब ग्वालन मानीडारि ॥५॥ फगुवाकों पटरऐंचते मुरली आई हाथ ॥ फगुवादीयेही बनेंतुम सुनि गोकुलके नाथ ॥६॥ मधुमंगल तब टेरियो लीनो सुबल बुलाय ॥ मुरली तो हम देइंगी प्यारी राधा कों सिरनाय ॥७॥ ढोल मुरज डफ बाजही ओर मुरलीकी घोर || किलकत कोतुहल करें मानों आनंद निर्ततमोर |॥|८।॥| राधामोहन विहरही सुंदर सुघर सरूप | पोहोप वृष्टि सुरपति करें तुम धनि धनि ब्रजकेभूप ॥९॥ होरी खेलत रंग रहो चले जमुनाजल नहान ॥। सिंघपोरि ठाडे हरी गोपीवारिदें दान ॥ १ ०॥ नरनारी आनंदभयो तनमन मोद बढाय ॥ श्रीगोकुलनाथ प्रतापतें जनश्यामदास बलिजाय ॥१ १॥

Dhanashri

Kamalanayan hari karat biyaru paros dharihai kanchan thaari ..

NityaPad-300

कमलनयन हरि करत बियारू परोस धरीहै कंचन थारी ॥ लुचई उपसी सद्य जलेबी सोई जेंबो जो लगे पियारी ॥१॥ मधुमेवा पकवान मिठाई सकल सोझ ले सरस संवारी ॥ अगणित शाक पाक रुचिकीने जेंबत रुचि बाढी अतिभारी ॥२॥ आछोदूध ओट्यो धोरीको लेआई यशुमति महतारी ॥ सूरस्थाम बलराम दोऊ मिल पीवत देख जननी बलहारी ॥।३॥

Kanharo