Raasmein nrityat madan mohan neeke sulap sanchagati bhed dwimidrim

Part1-340

रासमें नृत्यत मदन मोहन नीके सुलप संचगति भेद द्विमिद्रिम झननननन मृदंग बजाई री ॥ धिधिकट तितिकट ताल झाँझ उघटत थुंगधुंग सप्तसुर सोहाई री ॥१॥ उरपमें तिरप लेत तिरपमें उरप माँ नखमणि शोभा बरनी न जाई ॥ क्रृष्णदास प्रभु गिरिधर ये राधिका गुण आगरी सब सुखदाई ॥२॥

Kalyan

Murlito adharan parr gaajat .. cassie baithi douu curran chadh

Part1-290

मुरलीतो अधरन पर गाजत ॥ कैसी बैठी दोऊ करन चढ़ अँगुरी रंध्र न राजत ॥।९॥॥ श्यामहि मिलि हम सबन दिखावत नेंकहु मन नहिं लाजत ॥ दान शब्द मोदसों उपजत मधुरी मधुरी बाजत ॥२॥ कबहूँ मौन है रहत कबहुँ कहत रहत नहीं हाजत ॥ सूरश्याम वाकौ सुर साजत वह उनहींतें भ्राजत ॥३॥

Saarang

Murali harikon naach nachawat ). etey parr yeh baans basuria

Part1-281

मुरली हरिकों नाच नचावत )। एते पर यह बाँस बसुरिया नँदनंदनकों भावत ॥१॥ ठाढ़े रहत अधीन त्ताके डै सकुच न बोलत बात ॥ वह निधरक आज्ञा करवावत नेंकहु नहीं ल़जात ॥२॥| जब जानत आधीन भये हैं देखत ग्रीव नवावत ॥ पौढ़त अधर चलत कर पल्लव रंध्र चरण पलटावत ॥३॥ हम पर रिस करि करि अवलोकत नासा पुट फरकावत ॥ सुरश्याम जब जब रीझत हैं तब तब सीस डुलावत ॥४॥

Ramkali

Nakh kahaan laage vann vanra lagaaye nakh chakh kyon raate praat

NityaPad-051

नख कहां लागे वन वानरा लगाये नख चख क्यों राते प्रात देख्यो ताते भानको ॥ चंदन लग्योहे कहां विध्नहरण पूजा कीनी बंदन लग्योहै कहां परस भयो थानको ॥।१॥ रेन रहे कहां नटनृत्य जहां अरबरे क्‍्योंबोलो मोसों डरभयो आनको ॥ गूजरीसों गुजरी अब आगे आय ठाडे सूर थेगरी कहांलों देत फाटे आसमानको ॥२॥।

Lalit

Pyaari maan dharey munn bhaave .. vrindavan khelat nandanandan

Part3-360

प्यारी मान धरे मन भावे ॥ वृंदावन खेलत नंदनंदन तो बिन सचु नही पावे ॥१॥ अबीर गुलाल अरणजा लेकें ध्यान तेरें मुख लाबे ॥ चोंक परें चितवे फिर इत ऊत ले मुरली फेर जावे ॥ २॥ कर सिंगार सहज थोरी ही बेगि चलो पिय सच्ु पावे ॥ श्रीविद्ठल गिरधरनलाल कों और न कोऊ चित आवे ॥३॥

Bihag

Naval vasant naval voondaavan khelat naval govardhan bhaari ..

Part3-058

नवल वसंत नवल वूंदावन खेलत नवल गोवर्धन भारी ॥ हलधर नवल नवल ब्रज बालिक नवल नवल बनी गोकुल नारी॥१॥ नवल जमुनातठ नवल विमलजल नौतन मंद सुगंध समीर ॥ नवल कुसम नवपल्‍लव साखा कूजत नवल मधुप पिककीर ॥२॥ नव मृगमद नवअरगजा वंदन नौतन अगर सुनवल अबीर ॥ नवचंदन नवहरद कुंकुमा छिरकत नवल परस्परनीर ॥३॥ नवलवेनु महुवरिबाजे अनूपम भूषन नौंतनचीर ॥ नवलरूप कृष्णदास प्रभु को नौतन जस गावत मुनिधीर ॥४॥

Basant

Aaj sakhee sukhma kanya jaaee . bhaadon sudi paanche shubh lagn

Part1-172

आज सखी सुखमा कन्या जाई । भादों सुदि पाँचे शुभ लग्न चंद्रभान गृह आई ॥१॥ नामकरनकों गर्ग पराशर नारदादि सब आये । चंद्रावली नाम सुखसागर कोटिक चंद्र लजाये ॥२॥ सुनि वृषभान नंद मिलि आये कीरति जसोदा आई । मंगल कलश सुवासिन शिरधरि मोतिन चौक पुराई ॥३॥ देत दान और धरत साधथिये गोपी सब हरखानी । निगम सार जोरी गिरिधरकी ब्रजपतिके मनमानी ॥४॥

Saarang

Mero mukh chitechiten rahey oh saban mein laalan

NityaPad-312

मेरो मुख चितेचितें रहे ओ सबन में लालन भीजों ॥ ऐसों हठीलो नेक न टरही केतोहू सैनन खीजो ॥।१॥ बातेंतो औरनसों टगटगी मोतन ज्यों रिस में री तनमनछीजे | नेक हु को डर मोहि सूरप्रभु स्नेहहूको जक रही चित्र पुतरीजें ॥२॥

Iman

Nadiyaan nadiyaan teer hari naav chalaai ray radha naar gokultekanhane sudh paaee ray..

NityaPad-253

नदीयां नदीयां तीर हरि नाव चलाई रे राधा नार गोकुलतेकान्हाने सुध पाई रे॥ एक तो ब्याकुल बाल किनारें एक तो फिरत बनतें उपवन देत दिखाई रे ॥१॥ एक बन ढूंढ सकल बन ढूंढ़यो कहां गये जादोंराई अरे ॥ एक तानसेनको प्रभु अतिही अचगरो तोहि नंद दुहाई अरे ॥२॥

Saarang

Vallabh curry shungar biraje. kotik chand vaaron

Part2-286

वललभ करि शूंगार बिराजे। कोटिक चंद वारों श्रीमुख पर कोटिक मन्मथ लाजे ॥१॥ कोटि भानु सम तेज प्रकासे अंधकार सब भाजे। रामदास यह रूप धर्यो हे निज भक्तन हित काजे ॥२ ॥

Bilawal

Horike khilar bhaagate yonhin jaanandehon ..

Part3-157

होरीके खिलार भागते योंहीं जाननदेहों ॥ मनभाये बाणे बनि आये जामे भागि हमारे नयननहींमें भरि रसलेन फगुवा लेहों ॥१॥ चोवाचंदन ओर अरगजा केसरि कलसन वेहों ॥ अग्र स्वामीसों कहत स्वामिनी मिलि तनतपत बुझेहों ॥२॥

Dhanashri

Khelat basant varr vidlesh ..

Part3-368

खेलत बसंत वर विद्लेश ॥ आनंद कंद गोकुल सुदेस ॥१॥ श्रीगिरिधर गोविंद संग ॥ श्रीबालकृष्ण लज्नित अनंग ॥२॥ श्रीगोकुलनाथ अनाथ नाथ ॥ रघुनाथ नवल जदुनाथ साथ ॥| ३॥ श्रीघनश्याम अभिराम धाम ॥ श्रीकल्यान राय परिपूरन काम ॥ ४॥ मुरलीधर आदि समस्त बाल ॥ सेवक विचित्र सेवा रसाल ॥|५॥ जहां उडत गुलाल अबीर रंग ॥ तहां वाजत ताल मृदंग चंग ॥६॥| जहां गिरिवरधारीजू खेलन आये ॥ तहांलघु गुपाल बलिहारी जाये ॥७॥

Basant