Jagaavan aavegi vrajnari atee rasrang bharee .. atihi roop

NityaPad-021

जगावन आवेगी ब्रजनारी अति रसरंग भरी ॥ अतिही रूप उजागर नागर सहज शुंगार करी ॥१॥ अतिही मधु स्वर गावत मोहनलालकों चित्तहरे ॥ मुरारीदास प्रभु तुर्त उठ बैठे लीनी लाय गरे ॥२॥

Bibhaas

Chhotausau kanhaiya aeka murali madhur chhoti chhote chhote gwalball chhoti

Part1-165

छोटौसौ कन्हैया एक मुरली मधुर छोटी छोटे छोटे ग्वालबाल छोटी पाग शिरकी । छोटेसे कुंडल कान मुनिनके छूटे ध्यान छूटे पट छूटी लट छूटी अलकन की ॥१॥ छोटीसी लकुट हाथ छोटे बच्छ लीये साथ छोटे से बनेरी कान्ह गोपी देखन आईं घर घरको । नंददास प्रभु छोटे भेदभाव मोटे मोटे खायी है माखन शोभा देखो ये बदनकी ॥२॥

Poorvi

Chalau bhaiya uta jaaee mahariken kapra kotik lootatahain . potey

Part1-050

चलौ भैया उत जाई महरिकें कपरा कोटिक लूटतहैं । पोटे बॉधि बाँधि शिरपर धरि ले लै लोग विखूटतहैं ॥१॥ स्मकि झमकि फिरत गुजरिया अंचल छोर छूटत हैं रपटत गिरत उठत रसमाते दबिके माट फूटतहैं॥२॥ एकन गाढ़े मोलन बाढ़े एक यों सहस कूटत हैं । एक ओर लघु नीके बाजे गहरे घोट घूटत हैं ॥३॥ एक भाट भिखारी ब्राह्मण आपुस माँझ झूटतहैं | खबर न परत कहूँ दबी आँगुरिन माला मोतिन टूटत हैं ॥४॥| उते महरके अगनित दरबन अरबन हाथ ऊठतहैं | दीयो न कोऊ महरिकों पहरें बसनन फाटत फूटतहैं ॥५!॥ पहर बधाई घरघर माई द्वार किवार खूठतहैं ॥ जनगोविंद बलवीरनके गुन निसदिन गुनी गन छूटतहैं ॥६॥

Sarang

Aeka gaonkobas dheeraj kaiseke dharon .. lochan madhoop atak

NityaPad-095

एक गांवकोबास धीरज कैसेके धरों ।। लोचन मधूप अटक नहीं मानतयद्यपि यत्न करों ॥१॥ बे यह मगनितप्रति आवतहैं हों लेदधि निकरों। पुलकित रोमरोम गदगद स्वर आनंद उमंग भरों ॥२॥| पल अंतर चलिजातकल्पभर विरहाअनल जरों ।| सूर सकुच कुलकान कहांलग आरज पथ न डरो॥३॥

Ramkali

Chalo bipin dekhiyen gopal sanga sohat navvraj

Part3-050

चलो बिपिन देखियें गुपाल संग सोहत नवब्रज की बाल ॥ध्रु०॥ लपटति ललितलता अतिराजत तरुतरूवर ज्योंतमाल ॥ जाही जुही कदंब केतुकी चंपक बकुल गुलाल ॥ १॥ कोमल कुल केलिकीजे पिय तरनि तनयातीर || सीतल मंदसुंगंध मलयानिल बहत है तिविध समीर ॥१॥ प्रफुलित बकुल विविध कुसुमावलि हों गूंथों पीयमाल ॥ आसकरन प्रभु मोहन नागरि सुंदरि नैन बिशाल ॥३॥

Basant

Laal sanga rasrang lait maan rasikavan gragrata gragrata tatatat

Part1-341

लाल संग रासरंग लेत मान रसिकवन ग्रग्रता ग्रग्रता तततत ततयेईथेई गति लीने ॥| सारीगमपधनी ध्वनि सुन व्रजराज कुँवर गावत री अति जति संगति निषुण तननननननन आन आन गति चीने ॥१॥ उदित मुदित शरद चंद बंद टूटे कंचुकी के वैभव निरखि निरखि कोटिमदन हीने ॥ बिहरत बन रास बिलास दंपति मन ईषद हास छीत स्वामी गिरिवरधर रसवश तब कीने ॥२॥

Iman

Pratham sees charan dhara vando shree vitthalnath ..

Part3-043

प्रथम सीस चरन धर वंदो श्री विह्डलनाथ ॥ दशधा भक्ति ओर चार पदारथ जाके हाथ ॥१॥ भूतल द्विज वपु धारद्यो त्रिभुवन पति जगदीश ॥ उपमा को कोऊ नहीं जय जय गोकुलके ईश ॥२॥ कलिके जीव उधारे निजजन किये सनाथ ॥। भवसागरतें बूडत राखे अपने हाथ ॥३॥ नामदेय सिरपरस कमलकर टारेपाप ॥ सेवारीति बताईं सेवक व्है कें आप ॥|8॥ शबय्या भूषण बसन सिंगार रचे हैं बनाय ॥ नंदनंदन अपने मुख भोजन करतहें आय ॥५॥ मायावाद निवारे थापे पूरण ब्रह्म ॥ मारण पुष्टि प्रकासे ओर राखे सब कर्म ॥६॥ श्रीगिरिघर गुण सागर महिमा कही न जाय ॥ श्रीगोबिंद करुणानिधि क्रीडत अपने भाय ।|७॥ श्रीबालकृष्ण अतिसुंदर शोभाको नहिपार ॥ जगवंदन मोकुल पति निजजनके उरहार ॥। ८॥। श्रीपति श्रीरघुनाथजू देत अभय वरदान ॥ महाराज यदुनाथजू करत मधुर स्वरगान ॥%॥ श्रीपनस्याम सदा सुखदायक करों प्रणाम ॥ सबमिल खेलत हरखत ब्रजजन मन अभिराम ॥१०॥ श्रीवृंदानन अतिशोभित यमुनापुलिन तरंग ॥ हँसत परस्पर कुंकुम केसर छिरकत अंग ॥१ १॥ श्रीगिरिधर संग खेलत उरआनंद न समाय ॥ बाजत ताल पखावज युवतीजन मंगल गाय ॥१२॥ सुर कुसुमन वरघाकरें बोलत जय जयकार | माणिकचंद प्रभु यह विधि गोकुल करो विहार ॥१३॥

Gouri

Uparna shyam tamalko .. tedho

NityaPad-278

उपरना श्याम तमालको ॥ तेधो कांहां लीयो द्रज सुंदी ललित त्रिभंगी लालकों ॥१॥ सुभग कलेवर प्रगट देखीयत हाथन कंगना जालको ॥ तु रस मगन नहीं मन समझत बालकेली ब्रजख्यालको ॥२॥ निशदिन रहत गोपाल ग्वाल संग चंचलनयन विशाल को ॥ परमानंदप्रभु गोधन चारत मत्त गयंद कर चालको ॥३ ';

Saarang

Kaapar dhota nayan nachawat haye kouu tihaare babaki cherry ..

Part1-257

कापर ढोटा नयन नचावत है कोऊ तिहारे बाबाकी चेरी ॥ गोरस बेचन जात मधुपुरी आय अचानक बनमें घेरी ॥१॥ सेंननमें सब सखा बुलाये बातही बात समस्या फेरी ॥ जाय पुकारों नंदजू के आगें जिन कोऊ छूवी म्टुकिया मेरी ॥२॥ गोकुल बस तुम ढीठ भये हो बहुते कान करत हों तेरी ॥ परमानंददासको ठाकुर बलि बलि जाऊँ श्यामधन केरी ॥३॥

Kanharo

Hoe bal nirtat mohan jati ..

Pustak1-338

हो बल निर्तत मोहन जति ॥ ऐसी सुगंध प्रवीन ग्र ग्र तत थेई थेई लेत गति ॥१॥ पीत काछनी कटि लाल टिपारों छव सोहत अति ॥ गोविंद प्रभु त्रेलोक विमोहित कुंवर दोउ व्रजपति ॥२॥

Gori

Balbal houn kunwari radhika nandasuban jaason

NityaPad-227

बलबल हों कुंवरी राधिका नंदसुबन जासों रति मानी ॥ वे अति चतुर तुम चतुर सिरोमनि प्रीत करी केसे रही छानी ॥१॥। बेनु धरत हे कनक पीतपट सो तेरे अंतरगत ठानी ॥ पुन श्याम सहज तुम रन शयामा अम्बर मिस अपने उर आनी ॥२॥ पुलकित अंग अबही व्हे आयो निरख सखी निज देह सयानी ॥ सूर सुजान सखी को बूझे प्रेम प्रकास भयो बिकसानी ॥३॥

Aasawari

Sommel moodul manohar moorati nand suvan yuvatin sanga gawat|..

Part1-345

सॉमल मूदुल मनोहर मूरति नंद सुवन युवतिन संग गावत|॥ सगरंग रसरसिक रसिकनी राधामोहन प्रेम बढ़ावत ॥१॥ नूपुर रुनत क्वणित कटि किकिणी सुरवरसों मिलि वेणु बजावत ॥ तानमान बंधान अनागत अवघरतान भेद उपजावत ||२॥ कौतुक रासविलास सुधानिधि कमल नयन मनसिज शर लावत ॥ नृत्यमान प्यारी प्रीतम पदरज कृष्णदास नौछावर पावत ॥३॥

Kanharo