Lalit tribhangi ladillo lalana .. vrindavan gehber

Part3-027

ललित त्रिभंगी लाडिलो ललना ॥ वृंदावन गहबर निकुंजमें युवतिन भुज झूलत हैं पलना ॥१॥ भामिन सुरत सुधा सुख सागर चितवनि चारु विरह दुःखदलना || जमुनातट अशोक वीथिनमें कामिनी कंध बाहुधर चलना ॥२॥ नूपुरकुणित चरण अंबुजपर अशोक वीथिन में कामिनीकंध बाहुधर चलना ॥२॥ नूपुरकुणित चरण अंबुजपर मुखिरित किंकिनी सोभित बलना ॥ कृष्णदास प्रभु नखसिखमोहन गिरिधचरलाल प्रेमरस खिलना ॥३॥

Basant

Raakhi leho gokul vrajnayak .. tumahi pooran brahaa sub layak ..9 ..

Part2-085

राखि लेहो गोकुल ब्रजनायक ॥ तुमही पूरण ब्रहा सब लायक ॥९ ॥ तुम बिन कोन सहाय हमारे ॥ नंदसुबन अब शरण तिहारे ॥| ॥ शरण शरण सब ब्रजजन बोले॥ धीरे वचन दे ले दुखमोले।३॥ यह बोले हँस कृष्णमुरारी॥ गिरि करधर राखों नरनारी ॥४॥॥ सूरश्याम चितये गिरिवर तन॥ विकल देख गो गोसुत ब्रजजन ॥५ ॥

Bilawal

Khelat mohan radha horry .. itahi gopika jurr

Part3-342

खेलत मोहन राधा होरी ॥ इतही गोपिका जुर जुर आंई उत ग्वाल मंडली चांचर जोरी ॥ १॥ पिय प्यारी पर प्यारी पिय पर अबीर गुलाल की झोरी ॥ कृष्णदास बल जाय इन पर श्यामा स्याम की बनी है जोरी ॥२५॥

Kedaro

Chala bunn dekh sayani yamuna tata thaado chhel gumani ..

Part3-001

चल बन देख सयानी यमुना तट ठाडो छेल गुमानी ॥ फूले कर्दंब नाहर पलास द्रुम त्रिविध पवन सुखसानी ॥१॥ बहरंग कुसुम पराग बहक रघह्यो अलि लपटे गुंजत मृदबानी ॥ कीर कपोतत कोकिला ध्वनि सुन ऋतु वसंत लहेकानी ॥|२॥ सुन सखी बचन मिल उठी पिय सों नवनिकुंज की रानी ॥ बीनन चले दोऊ कुसुम कलियन ब्रज कुंजन ऋतुमानी ॥३॥

Malkoos

Badhaai maaee aaj badhaai ..pru.. aaj badhaai sub vraj

Part1-037

बधाई माई आज बधाई ॥प्रु.। आज बधाई सब ब्रज छाई | व्रजकी नारि सबै जुरि आईं ॥१॥ सुंदर नंदमहरजूके मंदिर । प्रगस्यौ है पूत सकल सुख कंदर ॥२॥ होत ही ढोटा व्रजकी शोभा । देखि सखी कछु और ही ओभा ॥३॥ मालिनसी जहाँ लक्ष्मी लोले । बंदनवार बाँधती डोलै ॥४॥ बगर बुहारत फिरत अष्टसिधि । कोरेन साथिया चीतति नवनिधि ॥५॥ ग्रहग्रहतें गोपी गमनी जब । रंगीली मलिनमें भीर भई तब ॥६॥ बीथी प्रेमनदी छबि पावें । नंदसदन सागरकों धावें ॥७॥ हाथन कंचन थार रहे लसिे । कमलन चढ़ि आए मानों शशि ॥८॥ मंगल कलस जगमगे नगके । भागे सकल अमंगल जगके ॥९॥ फूले ग्वाल मानों रणजीते । भये सबनके मनके चीते ॥१०॥ कामधेंनुते नेक न हीनी । द्ै लक्ष गाय द्विजनकों दीनी ॥११॥ नंदराय तहाँ अति रस भीने । पर्वत सात रतनके दीने ॥१२॥ नंदराय गृह मॉगन आये । ते बहोरयों मांगन न कहाएं ॥१३॥ घरके ठाकुरकें सुत जायौ । नंददास तहा सब सुख पायौ ॥१४॥

Dhanashri

Basant panchami madan pragatbhayo sub tunn munn anand ..

Part3-013

बसंत पंचमी मदन प्रगटभयो सब तन मन आनंद ॥ ठोर ठोर फूले पलास द्वरुम औरमोर मकरंद ॥१॥ विविध भांत फूल्यो वृंदावन कुसुम समूह सुगंध ।| कोकिल मधुप करत गुंजारव गाबत गीत प्रबंध || २॥ सारस हंस सरोवर के तट बोलत सरस अमंद ॥ नानापहप परागन के भरी आवत पवन सुगंध ॥ ३॥ वैनु बजाय करीमन मोहित गोपीनको नंदनंद ॥ मिलधाई वृषभानु सुतापै परीप्रेमके फंद ॥४॥ गोवर्धनगिरि कुंज सदनमें करत विहार सुछंद ॥ दास निररिर बलिबलि शोभापै स्यामागोकुलचंद ॥५॥

Basant

Hansahans kahat krishna mukhbani .. hamnanhi ris tumpar aanee ..1..

Part2-092

हँसहँस कहत कृष्ण मुखबानी ॥ हमनांही रिस तुमपर आनी ॥१॥ तुम कित अति शंका जियमानी॥ भलीकर ब्रज वरख्यो पानी ॥२ ॥ यहसुन इंद्र अतिहि सकुचान्यों ॥ ब्रज अवतार नही में जान्यों ॥३ ॥ राखराख त्रिभुवनके नाथ॥ नहिं मोसों कोड और अनाथ ॥४ ॥ फिरफिर चरण धरत ले माथ॥ क्षमा करो मोहि राखो साथ ॥५ ॥ रवि आगें खद्योत प्रकाश ॥ मणि आगें ज्यों दीपकनाश ॥६ ॥ कोटि ब्रह्म शिव कोटि अविनास ॥ मो गरीबकी केतिक आस ॥७॥ दीन बचन सुन भवके वास ॥ क्षमाकरों जल पययों हुतास ॥८ ॥ अमरापति चरणन तर लोटत॥ रही नहीं उरमें कछ खोटत ॥९ ॥ उभय भुजा कर लियो उठाय॥ सुरपति शीश अभय कर नाय ॥१० ॥ हँस दीनी प्रभु लोग बडाई॥ श्रीमुख कह्यो करो सुख जाई ॥११॥ जयजय ध्वनि सब देवन गाई।॥ धन्य धन्य जनके सुखदाई॥१२॥ शिव विरंचि सनकादिक नारद॥ गौरी सुत दोऊ संग शारद॥१३॥ रवि शशि वरुण अनल यमराज ॥ आज भये मल काज ॥१४॥ अशरण शरण का |बानो॥ यह लीला प्रभु तुमही जानो ॥१५ ॥ मातासों यूत करे || माता फिरताकों सुखदाई ॥१६ ॥ ज्यों धरणी हल खोद ॥ सन्मुख सतगुण फलहि प्रकाशे ॥१७ ॥ कर कुठार ले तरुहि गिरावे॥ बह काटे वह छायापावे॥१८ ॥ जेसें दशन जीभ दलि जाई॥ तब कासों सो करे रिसाई॥ १९॥ धन्य ब्रज धन्य गोकुल बृदांवन॥ धन्य यमुना ६ ना धन्य लता कुंजबन ॥२० ॥ धन्य नंद धन्य जननि यशोदा॥ बाल प्रभुकरे समोदा ॥२१ ॥ स्तुति सुन मन हरख बढायो॥ साधुसाधु कही सुरन सुनायो ॥२२ ॥ तुमही जाय जब मोहि जगायो॥ तुमारेई काज देह धर आयो ॥२३॥ तुम राखों असुरन सिंघारों॥ तनु धरी धरणी भार उतारों ॥२४ ॥ आबत जात बहुत श्रम पायो॥ जावो भवन कर कृपा पठायो ॥२५ ॥ कर सिर धर धर चले देव गन ॥ पहुंचे अमर लोक आनंद मन॥२६।॥ यहलीला सुर घरन सुनाई॥ गाय उठीं सुरनारि बधाई ॥२७ ॥ अमरलोक आनन्द भयो सब ॥ हरख सहित सुरपति आये जब ॥२८ ॥ सूरदास सुरपति अति हरख्यो॥ जयजय ध्वनि सुमनन ब्रज वरख्यो ॥२९॥

Bilawal

Rasikkunwar balijaaun laal kaha maan bherau .. paideten naink

Part1-255

रसिककुँवर बलिजाऊँ लाल कह मान भेरौ ॥ पैड़ेतें नैंक इत उसरो जू कौन टेव तिहारी कहाँ ते भयौ भट मेरौ ॥१॥ जिहीं डगर दुरि डुरि फिरत सकल ब्रज सोई मोकों आनि भयौ घरी पल पल झेरी ॥ गोविंदप्रभुसों औंह मोरि तृन तोरि कहत पियारी कौन सुभाव तुम केरोौ ॥२॥

Kalyan

Aho kaanh dheeri rai dheeri jaay kahuun jasodason .. houn dathi

Part1-256

अहो कान्ह धीरी रै धीरी जाय कहूँ जसोदासों ॥ हों दथि बेचन जात गोकुल तें निपट निकट आवेै मेरे नीरो ॥१॥ कापर इतनी करत टकुराई कापर होत है तातौ सीरी | धौंधीके प्रभु हों नीके जानत आखिर जात अहीगी ॥२॥

Adano

Margaji aur kundamal lochan alsaat laal dagmagaat

NityaPad-145

मरगजी और कुंदमाल लोचन अलसात लाल डगमगात चरण धरणि धरत रेन जागे॥ भालतें खस मोरमुकुट भूकुटी तट आयो निकट शिधिल चपल चंद्विकासो बांधी पाट तागे ॥ १॥। अतसी कुसुम तन सुभांत कहूंकहूं कुंकुमकी कांति मदन नृपति पीक छाप युग कपोलन लागे ॥। छीतस्वामी गिरिवरधर सौरभ रसमत्त मधुप संगमगुण गान करत फिरत आगे आगे ॥२॥

Bibhaas

Prafullit bunn vividharang jhalkat yamunatanrag saurabh ghana aamodit atisuhavno ..

NityaPad-009

प्रफुल्लित बन विविधरंग झलकत यमुनातंरग सौरभ घन आमोदित अतिसुहावनो ॥ चिंतामणि कनकभूमि छबिअद्भुत लता झूमि सीतलमद अतिसुगंध मरुत आवनो ॥ १॥ सारसहंस शुकचकोर चित्रित नृत्यत सुमोर कलकपोत कोकिलाकल मधुर गावनो ॥ जुगल रसिकवर विहार परमानंदछबिअपार जयति चारुवृंदावन परम भावनो ॥। २॥॥

Ramkali

Kunjan padharon raadhe rung bharee raine .. rung bharee dulhin rung bharey

NityaPad-343

कुंजन पधारों राधे रंग भरी रैन ॥ रंग भरी दुलहिन रंग भरे पिया श्याम सुन्दर सुख दैन ॥। १॥ रंग भरी सैनी बिछी सेज पर रंग भरयो ऊलहत मैन ॥। रसिक बिहारी पिय प्यारी जु दोज मिल करो सेज सुख सैन ॥२॥।

Sorat