Mangal aarti mill vaarati vrajnari mangalanidhi manlarupaki ..

NityaPad-133

मंगल आरती मिल वारती व्रजनारी मंगलनिधि मंलरूपकी ।। बदनथार किरण नयन दीपजोति तामें पूरत नेह अनूपकी ॥ घंटा ताल मुदंग झालरी उपजत अवधर भूपकी ।॥ पियसुजान गिरिधरको वदनचंद देख मिटत धूपतें तपत मदन धूपकी ॥१॥

Bilawal

Apane lalke yun gaauun . tum jhoolau houn harkhi jhulaau prem

Part1-113

अपने लालके युन गाऊं । तुम झूलौ हों हरखि झुलाऊ प्रेम कलोलन जाऊँ ।|१॥ नखशिख लौं सिंगार बनाऊँ भाल डिठौना लाऊँ ॥ कुलह सुरंग सिर पीत झगुलिया हरि नखशिखलों पहराऊँ ॥२॥ चकई भौंरा पाटके लटकन विविध खिलोंना खिलाऊँ । बार-बार पलनातैं लैकें स्तनपान कराऊँ ॥३॥ मधुमेवा माखन मिश्री लै प्यारें कों जु चटाऊँ । श्रीविट्रठल गिरिधरनलालकों देखि देखि सुख पारऊँ ॥४॥

Ramkali

Phoolankau palana jhoolat lalana harakh jasomati jhulaaven hoe.

Part1-112

फूलनकौ पलना झूलत ललना हरख जसोमति झुलावें हो। गहत डोर कर पाटकी मन प्रभु अति हुलसावें हो ॥१॥ बहु विधि विविध खीलोना ले लै गाय बजाय हूलसावें हो ||२॥ नंद हरख मनभयी निरख सुख गोपीजन मंगल गावें हो । रस यह देख देव हरखत भये सूर चरित जस गावें हो ॥३॥

Aasawari

Khelan aaye hari nandgaamaten rung bheene barasaane ..

Part3-318

खेलन आये हरि नंदगामतें रंग भीने बरसाने ॥ मृगमद मेद अरगजा चोवा सब नारी नरसाने ॥१॥ दूम ढिंग छांड भांड केसर मुख रिझत सुख सरसाने ॥ बिन कारज कारज कर राखे शोभित चख अरसाने ॥२॥ सोई अंजन बिष ईशद लोचन करें मदन खरसाने ॥ “कृष्णजीवन' लछीराम के प्रभु माई खेल लखजीये जलथर वाने ॥३॥

Hameer

Nagri nandlal sanga rung bharirajen ..

NityaPad-133

नागरी नंदलाल संग रंग भरीराजें ॥ श्याम अंस बाहुदिये कुंबरि पुलक पुलकहिये मंदमंद हसन प्रिये कोटिमदन लाजें | १॥ तरूतमाल स्थामलाल लपटी अंग अंगवेलि निरख सखी छबि सुकेलि नुपूर कलवाजें ॥ दामोदर हित सुदेश शोभित सुंदर सुवेष नवलकुंज भ्रमरपुंज कोकिलकल गाजे ॥।२॥

Bhairav

Raniju tumhoonkon yeye dinn aayee .. firi firi kahat yahai

Part1-013

रानीजू तुमहूंकों ये दिन आयी ॥ फिरि फिरि कहत यहै चंद्रावलिं यह सुख वेगि हि पायौ ॥१॥ गोदभरी ऐसे ढोटासों तुमारी भाग फलायौ ॥ शिरपर छत्र आनंदरायसे विधि यह हमहि दिखायौ ॥२॥ ऐसी ऐ भई सुनो रानीजू यह घर पूत कन्हाई ॥ श्री विइ्लगिरिधर तुम जाये हम तन दाह बुझाई ॥३॥

Devgandhar

Bhori bhori batian curr curr munn harleenon .. naval naar

NityaPad-308

भोरी भोरी बतियन कर कर मन हरलीनों ॥ नवल नार कमलवबंदन रूपके रसीले नयना कछुक जोवन मदमाते तामें काजर भरदीनो ॥१॥ मूदु मुसकाय कछु चितई छबीली नाजानो कछुक चेटक कीनो ॥ चतुर विहारी मेरी सुधिबुधि टारी प्यारी नेक मयाकर चीनो ॥२॥

Kalyan

Govardhan girishung shilanpar baithe chhaak khaat dadhiodan |.

NityaPad-203

गोवरधन गिरिशुंग शिलनपर बैठे छाक खात दधिओदन |। आसपास ब्रजबालक मंडली मध्यवहीं बलिमोहन बैठे व खात खबावत प्रेम प्रमोदय ॥१॥ काहको छीको नोय छोर गहि डारत वह वापर वह वाकी कोदन ॥ बालकेलि क्रीडत गोविंदप्रभु हँस गिर जात सुबलकी गोदन ॥॥२॥

Saarang

Dhanya madhav maas krishna ekadasi bhatt lachhman dhaam pragat vall‍labh bhaye.

Part2-289

धन्य माधव मास कृष्ण एकादसी भट्ट लछमन धाम प्रगट वल्‍लभ भये। धन्य चंपारन्य धन्य धरनी सकल धन्य घटिका प्रहर धन्‍्य अति पल भये॥१ ॥ धन्य यसपुंज पावन करन सृष्टि को प्रगट करी कृष्णलीला सहित सो किये। धन्य गावत 'रसिकदास' बारंबार कीजिये सफल पूरन मनोरथ हिये ॥२ ॥

Aasawari

Vishad kadamb saghan vrindaban rachyau raas tarani tanyatat ..

Part1-323

विशद कदंब सघन वृंदाबन रच्यौ रास तरणि तनयातट ॥ शरदनिशाः उड़पति उजियारी पूरचौनाद मुरली नागरनट ॥१॥ श्रवण सुनत चली व्रजसुंदरि साजि सिंगार पेहेर भूषणपट ॥ अति हुलास कुमदिनी ज्यों प्रफुल्लित निरख लाल टाढ़े बंसीबट ॥२॥| मंडल मधि नाचत पिय प्यारी गावत स्वर टोडी तान बिकट ॥ दास सखी देखत नयनन भर वार फेर डारों कोटि मदनभट॥३॥

Todi

Palchhin rajani ghatat ...

NityaPad-061

पलछिन रजनी घटत ॥। त्योत्यों प्यारी राधा जुके नवल लाल के तिलक भाल पर कुलही चरन लोटत ॥।१॥ हां हां करत भरत अंकवारी मुसक मुसक मन मान सटत ॥ धन धन भाग गो पीजन सूर सुख रहस्य बधाई बटत ॥।२॥

Bihaag

Sakhiman lagyo vahithor ..

NityaPad-091

सखीमन लाग्यो वहिठोर ॥ विव्हलभई सकलब्रजडोलत बातविसर गईओऔर ।॥।१॥। मारगजात अचानकदेखे अखियनकीनीदोर ॥। प्रफुल्लित कमलनिरखमुख हरिकोछबिर्सगीधेभोर ॥२॥ विरचनसक्यो कहाकरू यद्यपिबंघूबमषर सबखोर ॥ विद्यादासबिलोकविमोहीश्रीगोपालसिरमोर ॥ ३॥

Dhanshree