Dekhari dekh rituraj aajam sakhee sakal banful

Part3-055

देखरी देख ऋतुराज आजम सखी सकल बनफूल आनंद छायो ॥ ताल कदली धुजा उमगि अति फरहरे संग सब आपुनी फोज लायो ॥१॥ कोकिला कीर कलगान आगें करे भृंग भेरी लीयें संग धायो ॥ घुरत निशान घनघोर मोरन कीयो करत पिक शब्द गजअति सुहायो ॥ उडत बंदन बहु कुमकुमा केसारि तियनके कुचन तकि तमकरायो ॥३॥ पंचले बान चहुंओर छाये प्रथम चांपले आपु हाथन चलायो | दौर कर शोर धपधाय लरति अततििघेरि चहुओर गढमान ढायो ॥ 8॥| परी खलबली सब नारिमुर मदन की मिलन मनस्याम अंचल फिरायो ॥ जिति सब सुभट कृष्णदास बुंदा विषिन आय गिरिधरन को शीसनायो ॥५॥

Basant

Samrou suta palana jhoole | nirakhi nirakhi jasumati jiya

Part1-098

सामरौ सुत पलना झूले | निरखि निरखि जसुमति जिय फूलै ॥१॥ नैन विशाल भूकुटी मसि राजै | निरखि बदन उड्ुपति जिय लाजै ॥२॥ कठुला कंठ रुचिर पोहोंची कर | सुभग कपोल नाक विंबाधर ॥३॥ भाल तिलक लर लटकन सोहै । मंद हँसन सबकौ मन मोहे ॥४॥ माखन मिश्री मेलि चटादें | बारबार प्रमुदित उर लावें ॥५॥| गिरिधर कुँवर जननी हुलरावै । चतुर्भुलदास विमल यश गावै ॥६॥

Bilawal

Yeh kouu jaaneri vaaki chitbanmenke charitra murali maanjh

NityaPad-307

यह कोऊ जानेरी वाकी चितबनमेंके चरित्र मुरली मांझ ठगोरी॥ देखत सुनतही मोहे जात सुरनर मुनि और खगोरी ॥ १॥| हरत काम की कामताई कामिनी जो जहाँ ठाडी चल न सकत डंगोरी ॥ इन कुल कान करत तो लाज आवे जगन्नाथप्रभु यह अवलोक लगोतोल गोरी ॥२॥

Kalyan

Sukhad sez podhe shree mutter chaampat charan radhika raani ..

NityaPad-346

सुखद सेज पोढे श्री मटर चांपत चरण राधिका रानी ॥ नवल निकुंज सुखद यमुना तट सीतल पवन चलत सुखदानी ॥ १॥ विजना ब्यार करत ललितादिक फूलन रचि रचि सेज बिछाई | चंदन घसि दोऊ लेपन करि तजी ऋतु पांच ग्रीष्प ऋतु मानी ॥ स्याम सुंदरको रसबस कीने रतिपति केलि करत सुखदानी ॥। २॥

Laal key kesar bhor suhai ..

NityaPad-178

लाल के केसर भोर सुहाई ॥ शीश बन्यो है पीत दुमालो छबि निरख सुख पाई ।॥।१॥ धोती उपरना पीतरंग के उर मुक्तामणि माल ॥ कर में मुरली मुखसो बजावत इकटक रही ब्रजबाल ।।२॥ या विधि सब सिंगार किये अति पूरी मन की आस ॥ शिव ब्रह्मादिक ध्यान न आवत गावत विष्णुदास ॥। ३॥

Saarang

Uthat praat kachhu maat jashoda mangal bhog deit douu chhora .

NityaPad-029

उठत प्रात कछु मात जशोदा मंगल भोग देत दोऊ छोरा । माखन मिसरी दह्यों मलाई दूधभरे दोऊ कनककटोरा ॥१॥ कछुक खात कछु मुख लपटावत देत दूराय मिलि करत निहोरा। परमानन्द प्रभु झबक परत दूग भरत लाल भुज करत कलोला ॥ २॥

Bibhaas

Sohat rung bharey

NityaPad-247

सोहत रंग भरे दोउ उसीर महल में छूटत फुहारन गुलाब नीर ॥ वरनीय अली भुव बूंदन फबीहे मानोअलक शरद कमल ऊपर ओसकन जैसें दोऊ जन अंग लपेटहें चीर ॥१॥ गावत जहां दम्पती बजावत विशाखा बीन ठाडी हे प्रवीन सखी सभा सुरत हीर ॥ कृष्णदास प्रभु गिरिधर छबि निरखत सावनसों झर लायो रसकुंज पुंज धीर समीर ॥२॥

Saarang

Chalatamen laagat chhaak

NityaPad-211

चलतमें लागत छाक सुहाई ॥ संजो वटमें केसो लागत सुख बिजनसकल मिठाई ॥१॥ अति आनंद नंदजुकी घरनि धरत बनाय बनाई ॥ बालकेहेत चलो अति आतुर बेगहो पोचो जाई ॥२॥ निकसे ग्वाल कंधन पर कावर सुख लागतहें माई ॥ श्रीविट्टल गिरधर दाऊपे बेग पोहोचो जाई ॥३॥

Saarang

Harizuko gwalin bhojan laaee ..

NityaPad-198

हरिजूको ग्वालिन भोजन लाई ॥ वुंदा विपिन विशद यमुनातट सुन ज्यों नार बनाई ॥१॥ सानसान दधिभात लियोहै सुखद सखनके हेत ॥ मध्यगोपालमंडली मोहन छाक विहंसिमुखदेत॥ २॥ देवलोक देखत सब कौतुक बालकेलि अनुरागे ॥ गावत सुनत सुखद अतिमानो सूरदुरत दुःखभागे ।। ३।।

Saarang

Kunj mahal mein mangal herry ..|

NityaPad-338

कुंज महल में मंगल हेरी ॥| किसलयदल कुसुमनकी शब्यारची ता पर बिछई पीत पिछोरी ॥ १॥ ओद्योदूध कनककटोरा और पाननकी भ्रभर झोरी ।। सघन कुंजमें श्रीगिरिधर विलसत ललितादिक चितबत दृगचोरी ॥२॥ होय मनोरथ मेरे जियके दंपति पोढे एक ठोरी॥ कहे श्रीभट ओट्हवै निरखूं क्रीडा करत किशोरकिशोरी ॥ ३॥

Kedaro

Devike devaalayaten nirus devi dulhiniju aaj pann.daakon mug

Part1-313

देवीके देवालयतें निरूस देवी दुलहिनिजु आज पं।दाकों मग अरबरात मनमें ॥ कहाँ दुरे गोविंद गरुड़ध्वज महाभुज ऐसें झहत चहल नैननमें प्रान हरितनमें ॥१॥ जबहिं ट्रष्टि परे तरून तन श्रीवल्लभ तारिनमें चंद्र जैसें नृपतिनके गनमें ॥ नंददास प्रभु संग धाय आय रथ वैठी विछुरी बिजुरी मानों आय मिली घनमें ॥२॥

Todi

Arrie inn sore sanvaar odhai.. seeraten khasi payan tarr aaee seet

NityaPad-129

अरी इन सोर संवार ओढाई॥ सीरतें खसि पायन तर आई सीत सत्तावन आई ॥|१॥ अतिसे श्रमित जानि प्यारीने दीनी सोर संवारि ॥| परमानन्द प्रभु पर तनमन जोबन वार ॥२॥।

Bihaag