13

Chitmein ShriYamuna nishdhin jo rakho bhakt ke vash kripa karat hain sarvada, aiso ShriYamunaji ko hainju saakho. Ja mukhte ShriYamune yeh naam aawhe, sadak kije ab jaye taake, Chaturbujdas ab kahat hain sabanso, taate ShriYamune-Yamune ju chakho.

चित्त मे श्री यमुना निशदिन जु राखो भक्त के वश, कृपा करत है सर्वदा; ऐसो श्री यमुनाजीको है साखो. जा मुख ते श्री यमुने यह नाम आवे, संग किजे अब जाय ताको; 'चत्रभुजदास' अब कहत है सबनसों, तांते श्री यमुने श्री यमुने जु भाखो

Chaturbujdaas

14

Pranpati viharat Shri Yamuna kule lubdh makarand ke bhramar jiyo bas baye, dekhi ravi uday mano kamal fule. Karat gunjaar murli ju le Savaro, sunat Brijvadu tan sudi tan sudhi ju bhule, Chaturbujdas ShriYamune premsindumein, LalGiridharanvar ab harki jule.

प्राणपति विहरत श्री यमुना फुले, लुब्ध मकरंद के, भ्रमर ज्यों बस भये; देख रवि उदय, मानो कमल फुले. करत गुंजार मुरली जु ले सांवरो, सुनत व्रजवधू, तन सुध जु भूले; 'चत्रभुजदास' यमुने प्रेम सिन्धुमे, लाल गिरिधरन वर हरखि झुले.

Chaturbujdaas

15

Barambaar Shri Yamune gun ghaan kije. Yehi rasnate bhajo naam ras amrit, bhagya jaake hain sohiju pije. Bhanutnaya daya atihi karunamaya, inki kar aas ab sadahi jije, Chaturbhujdas kahe sohi piya paas rahe, joi ShriYamunaji ke ras ju bhije.

वारंवार श्री यमुने गुणगान किजे, येहि रसनाते भजो नाम-रस-अमृत; भाग्य जाके हे सोई जु पीजे. भानु-तनया दया अतिही करुणामया इनकी कर आश, अब सदा ही जीजे; 'चत्रभुजदास' कहे, सोई प्रिय पास रहे, जोई श्री यमुनाजीके रस जु भींजे.

Chaturbujdaas

16

Het kari det ShriYamune vas kunje. Jahan nis vasar rasmein rasikvar, kahan lo barniye prem punje. Thakit sarita neer, thakit Brij badu bhir, koi na dharat dhir murli sunije, Chaturbhujdas Yamune pankaj jani, madhupki ki nai chit lai gunje.

हेत करी देत श्री यमुने वास कुंजे, जहां निशवासर रास में रसिकवर; कहांलो बरनिये प्रेम पुंजे. थकित सरिता-नीर थकित व्रजवधू भीर, कोऊ न धरत धीर, मुरली सुनीजे. 'चत्रभुजदास'यमुने पंकज जानि, मधुपकी नांई चित्त लाय गुंजे.

Chaturbujdaas

17

Bhakt par kari kripa ShriYamune aisi. Chaadh nij dham vishram bhutal kiyo prakat lila dhikai ju taisi. Param Parmart karat hain sabhanko, det adbhutrup aap jaisi, Nanddas yo jaani dhadkari charan gahe, ek rasna kaha kaho visheshi.

भक्त पर करि कृपा श्री यमुने जु ऐसी, छान्ड निज धाम विश्राम भुतल कियो; प्रकट लीला दिखाई जु तैसी. परम परमारथ करत है सबनको, देत अद्भुत रुप आप जैसी; ' नंददास' यो जानी द्रढ करी चरण ग्रहे, एक रसना कहा कहे विसेशी.

Nanddaas

18

Neh karan ShriYamune pratham aayi. Bhakt kechit ki vrati sab jaan ke, tahate atihi aathurju dhai. Jaake man jaisi icha hati tahiki, taisi hi aaye sadh ju pujai, Nanddas Prabhu ta par rijhi rahe, joi Shriyamuneji ko jas ju gai.

नेह कारण श्री यमुने जु प्रथम आयी, भक्त के चित्त कि व्रुत्ति सब जानके; तहांते अतिही आतुर जु धाई. जाके मन जैसी इच्छा हति ताहीकि, तैसीही आय साध जु पूजाई, 'नंददास"ता पर प्रभु रीझि रहे , जोई श्री यमुनाजी को जश जु गायी.

Nanddaas

19

Taate ShriYamune Yamune ju gaavo. Shesh shahastra mukh nishdhin gaavat, paar nahin paavat taahi paavo. Sakal sukh dhen haar taate karo uchaar, kahat ho barambaar jeen bhulavo, Nanddas ki aas Shri Yamune puran kari, taate dhari dhari chit laavo.

तांते श्री यमुने यमुने जु गाओ, शेष सहस्त्रमुख निश दिन गावत; पार नही पावत ताही पाओ. सकल सुख देनहार तांते करो उच्चार, कहत वारंवार जिन भुलाओ; 'नंददास'कि आस श्री यमुने पुरन करी, तांते घरी घरी चित्त लाओ.

Nanddaas

20

Bhagya sobhagya ShriYamune ju dehi. Baat laukik tajo pushti Yamune bhajo, Lal Giridharan var tav milai. Bhagvaddiye sang kar baat inki lahe, sada saanidhiye rahe keli mei. Nanddas japar kripa Shri Vallabh kare, taake ShriYamune sada bas ju hei.

भाग्य सौभाग्य श्री यमुने जु देई, बात लौकीक तजो, पुष्टि , यामुने भजो; लाल गिरिधरनवर तब मिलेई. भग्वदिय संग कर बात इनकी लहे, सदा सानिध्य रहे केलि मेई; 'नंददास ' जा पर कृपा श्री वल्लभ करे, ताके श्री यमुने सदा जु हेई.

Nanddaas

21

Naam mahima aiso jo jaano. Maryadadhik kahe laukik sukh lahe pushti ko pushtipath nishchay ju mano. Swati jal bund jab parathe jahi mein, taahi mein hot teso ju vaano, ShriYamune kripasindhu jaani, swati jal bahu maani, sur gud pur kahanlo bakhano.

नाम महिमा ऐसो जु जानो, मर्यादादिक कहे, लौकीक सुख लहे; पुष्टि को पुष्टि पथ निश्चय मानो. स्वाति जल बुंद जब परत है जाहि मे, ताहिमे होत तैसो जु बानो; श्री यमुने कृपासिन्धु जानी स्वाति जल बहुमानि, 'सुर'गुण पुर, कहांलो बखानों.

Surdas

22

Bhakt ko sugam ShriYamune agam aure. Prathi nahat ad jaat taake sakal, jam hu rahat taahi haat jore. Anubhavi bina anubhav kahan jaanhi, jaaki piya nahin chit chore, prem ke sindhu ko maram jaanyo nahin, sur kahe kahan bhayo deh bore.

भक्तको सुगम, श्री यमुने अगम ओरें, प्रात:ही नहात, अघ जात ताके सकल; यमहुं रहत ताहि हाथ जोरे. अनुभवि बिना अनुभव कहा जा नही, जा को पिया नही चित्त चोरे; प्रेमके सिन्धुको मरम जान्यो नही, 'सुर'कहे, कहा भयो देह बोरे.

Surdas

23

Falfalit hoy falrup jaane. Dekhihu na suni taahiki aapuni, kahu ki baat kohu kaise ju maane. Taahi ke haat nirmol nag dijiye, johi neeke kari parkhi jaane sur kahe kurte dur basiyo sada, ShriYamunaji ko naam leeje ju chaane.

फल फलित होय फलरूप जाने, देखीहुं ना सुनी, ताहीकी आपुनी; काहुकी बात कोऊ कैसे जु माने. ताके हाथ निरमोल नग दिजीये, जोई नीके करि परखि जाने; 'सुर'कहे क्रूरतें दूर बसीये सदा, श्री यमुनाजी को नाम लिजे जु छाने.

Surdas

24

ShriYamunepati das ke chin nyaare. Bhagvadi ko bhagvad sang mili rahat hai, Jaake hiya basat pran pyaare. Gud ShriYamune baat sohi aab jaanihi, jaake manmohan neintaare, sur sukh saar nirdhaar ve paavhi, jaake hoy ShriVallabh kripare.

श्री यमुने पति दास के चिन्ह न्यारे, भगवदियो कों भगवत्संग मिली रहत है; जा के हिय बसत प्राण प्यारे. गुढ श्री यमुने बात सोई अब जानही, जा के मनमोहन नैन तारे; 'सुर'सुखसार निरधार वे पावही, जा पर होय श्री वल्लभ कृपा रे.

Surdas