25

ShriYamune raskhaan ko shish naao, aisi mahima jaan bhakhtko sukhdaan, joi maango soi ju paao. Patit paavan karan naam lino taran dhad kar gahi charan kahu a jaao, Kumbhandas LalGiridharan mukh nirkhat, yehi chaahat nahi palak laao.

श्री यमुने रसखानको शिष नांऊ, ऐसी महिमा जान, भक्तको सुखदान; जोइ मागो सोई जु पाऊ. पतित पावन करन, नाम लिनो तरन, द्रढ कर गहि चरण, कहुं न जाऊ; 'कुंभनदास' लाल गिरिधरन मुख निरखत, यही चाहत, नही पलक लाऊ.

Kumbhandaas

26

ShriYamune agnit guun ginay a jaai. ShriYamune that renu te hot he navin tanu, inke sukh dhen ki kahan karo badai. Bhakt maangat joi dhet tihi chinu, so aisi ko kare prad nibhai, Kumbhandas LalGiridharan mukh nirkhit, kaho kaise kari man agai.

श्री यमुने अगनित गुण गिने न जाई, यमुने तट रेणु तें होत है नवीन तनु; इनके सुख देनकी, कहा करों बडाई. भक्त मागत जोई, देत है तिहि छिनु, सो ऐसी को, करे प्रण निवाई; 'कुंभनदास'लाल गिरिधरन मुख निरखत, कहो कैसे करि मन अघाई.

Kumbhandaas

27

ShriYamune par tan man dhan pran vaaro. Jaaki kirti vishad kaun aab kahi sake, taahi neinte na nekh taaro. Charan kamal inke ju chintat raho, nishdhin naam mukhte uchaaro. Kumbhandas kahe LalGirisharan mukh, inki kripa bhaiy taab niharo.

श्री यमुने पर तन, मन, धन प्राण वारों, जाकी कीर्ति विसद, कौन अब कही सके, ताहि नैननतें न नेक टारों. चरणकमल इनके जु चिंतत रहो, निशदिना नाम मुख तें उच्चारो 'कुंभनदास'कहे, लाल गिरिधरन मुख, इनकी कृपा भई तब निहारो.

Kumbhandaas

28

Bhakt ki icha puran ShriYamune ju karta. Bhina maange hu dhet kahan lo kaho het, jaise kahu ko kohu hoy dharta. ShriYamuna puleen raas Brij badu liye paas, mandh mandh haaskar manju harta, Kumbhandas LalGiridharan mukh nirkhit, yehi jiye lekhat ShriYamune ju bharta.

भक्त इच्छा पुरन श्री यमुने जु करता, बिना मांगे हु देत, कहां लो कहे हेत; जैसे काहुको कौऊ होय धरता. श्री यमुना पुलिन रास, व्रज वधू लिये पास, मंद मंद हास कर मन जु हरता; 'कुंभनदास'लाल गिरिधरन मुख निरखत, यही जिय देखत श्री यमुने जु भरता.

Kumbhandaas

29

Raas rassagar ShriYamune ju jaani. Bahat dhara tan pratichin nutan, rakhat apne urmanju thani. Bhakt ko sahe baar, dhet ju pranaadhar, atihi bolat madhur madhur baani. Shri Vithal Giridharanvar bas kiye, kaun pe jaat mahima bakhani.

रास रस सागर श्री यमुने जु जानी, बहत धारा तन प्रति छिन नौतन; राखत अपने उरमे जु ठानी. भक्त को सहे भार, देत जु प्राण आधार, अतिही बोलत मधुर मधुर बानी; 'श्री विट्ठल' गिरिधरन वर बस किये, कौन पे जात महिमा बखानी.

VitthalGiridharan

30

Bhakt pratipaal janjaal taare. Apne ras rang mein sang rakhat sada, sarvada joi ShriYamune naam uchaare. Inki kripa aab kahan lag varniye, jaise rakhat janani putra vaare, Shri Vithal Giridharan sadhak viharat, bhakt ko ek chin na bisare.

भक्त प्रतिपाल, जंजाल टारे, अपने रस रंग मे, संग राखत सदा; सर्वदा जोइ श्री यमुने नाम उच्चारे. इनकी कृपा अब कहां लग बरनिये, जैसे राखत जननी पुत्र बारे; 'श्री विट्ठल ' गिरिधरन संग विहरत, भक्तों को एक छीन ना बिसारे.

VitthalGiridharan

31

Kaun pe jaat ShriYamune jo barni. Sabhi ko man mohat mohan, so Piya ko man hai ju harni. In bina ek chan rahat nahi jeevan dhan, brujchand man anand karni, Shri Vithal Giridharan sang aay, bhaktke het avtaar dharni.

कोन पें जात श्री यमुने जु बरनी, सबही को मन मोहत मोहन; सो पियाको मन हे जु हरनी. इन बिना एक छिन, रहत नही जीवन धन, ब्रजचंद मन आनंद करनी; 'श्रीविट्ठल' गिरिधरन संग आय, भक्त के हेत अवतार धरनी.

VitthalGiridharan

32

ShriYamune ke naam le soi suhaagi. Inke svarup ko sada chintan karat, kal na parat jaye leha laagi. Pushtimarg maram atihi durlab karam, chhaad sagre param prempaagi, ShriVithal Giridharan aisi nidhi, bhaktko det hain bina maangi.

श्री यमुनाजीको नाम ले सोई सुहागी, इनके स्वरूपको सदा चिंतन करत; कल न परत, जाय लेह लागी. पुष्टि -मारग मरम, अतिहि दुर्लभ, करम छान्ड सगरे, परम प्रेम पागी; 'श्री विट्ठल' गिरिधरन, ऐसी निधि, भक्तकों देत है बिना मागी.

VitthalGiridharan

33

ShriYamuna ke naam aab dhur bhaaje. Jinke guun sunko LalGiridharnpiye, aaye sanmukh taake biraje. Tihichinu kaaj taake sagre sare, jayeke milat Brag badhu samaje, Krishnadasni kahe taahi aab kaun dhar, jaake upar ShriYamunesi gaaje.

श्री यमुना के नाम अघ दूर भाजे, जिन के गुण सुननकों लाल गिरिधरन पिय; आय सन्मुख ताके बीराजे. तिहि छिनु काज ताके सगरे सरे, जाय के मिलत व्रजवधू समाजे; 'कृष्णदासनि'कहे ताहि अब कोन डर, जो के ऊपर श्री यमुने सी गाजे.

KrushnaDaasini

34

ShirYamunajiko naame tehi ju lehey, jaaki lagan laagi Nandlalso, sarvasav deke nikat rahe he. Jinhi sugam jaani baat manmeinju maani, bina pahichani kaiseju peye, Krishnadasni kahe ShriYamune naam naoka, bhakt bavsindhute yo hi tariye.

श्री यमुनाजी को नाम तेई जु लेहें, जाकी लगन लगी नंदलाल सों; सर्वस्व देकें निकट रहे हैं. जिनहीं सुगम जानी, बातमें जुमानी, बिना पेहचानि कैसे जु पैये; 'कृष्णदासनि' कहे श्री यमुने नामनौका, भक्त भव सिन्धु तें योहिं तरिये.

KrushnaDaasini

35

ShriYamune tumsi ek ho jo tumhi. Kari kripa daras nisvasar dijiye, tihare guungaan ko rahe uddhyam hi. Tihare payete sakal nidhi paavhi, charan kamal chit bramar bram hi, Krishnadasni kahe kaun yeh tap kiyo, tihare ding rahat hain lata dhrumhi.

श्री यमुने तुमसी एक हो जु तुमही, करी कृपा दरस निसवासर दीजिये; तिहारे गुणगानन कों रहे उध्यमही. तिहारे पायेंते, सकल निधि पावही, चरण कमल चित्त भ्रमर भ्रमही ; 'कृष्णदासनि'कहे, कौन यह तप कियो, तिहारे ढिंग रहत है लता द्रुमही.

KrushnaDaasini

36

Aisi kripa kijiye lijiye naam. Shri Yamune jag vandini guun a jaat kahu gini. Jinke aisi dhani SundarShyam. Dhet sanyog ras aise piyu heju bas, sunat tiharo sujas pure sab kaam. Krishnadasni kahe bhakt hitkarne ShriYamune ekchin nahin kare vishram.

ऐसी कृपा किजिये लिजिये नाम, श्री यमुने जग वंदनी, गुण न जात काहुगिनी; जिनके ऐसे धनी सुंदर श्याम. देत संयोग रस ऐसे पियु हे जु बस, सुनत तिहारो सुजश, पूरे सब काम; 'कृष्णदासनि'कहे भक्त हित कारने, श्री यमुने एक छिनु नही करे विश्राम.

KrushnaDaasini